Skoða frumkóða fyrir Brasilíska karlalandsliðið í knattspyrnu

{{Knattspyrnu landslið
| Nafn = Brasilíska karlalandsliðið í knattspyrnu
| Gælunafn = Seleção (Landsliðið), Canarinha (Litli kanarýfuglinn), Verde-Amarela (Þeir grænu og gulu), Esquadrão de Ouro (Gullna liðið)
| Merki = Flag of Brazil.svg
| Íþróttasamband = Confederação Brasileira de Futebol (''Samband Brasilískrar knattspyrnu'')
| Álfusamband = CONMEBOL 
| Þjálfari   = {{BRA}} Tite
| Aðstoðarþjálfari = 
| Fyrirliði = [[Thiago Silva]]
| Varafyrirliði = 
| Flestir leikir = [[Cafu]] (142)
| Flest mörk = [[Pelé]] (77)
| Leikvangur = Breytilegir
| FIFA sæti = 5 (4. apríl 2024)
| FIFA hæst = 1 
| FIFA hæst ár = 
| FIFA lægst = 22
| FIFA lægst ár =  júní 2014
| Fyrsti leikur = 0-3 gegn [[Argentínska karlalandsliðið í knattspyrnu|Argentínu]] [[20. desember]] [[1914]]
| Stærsti sigur =  14–0 gegn Nígaragúa [[17. október]] [[1975]]
| Mesta tap =  1-7 gegn [[Þýska karlalandsliðið í knattspyrnu|Þýskalandi]] [[8. júlí]] [[2014]]
| HM leikir = 21
| Fyrsti HM leikur = 1930
| Fyrsta HM keppni = 1930
| Mesti HM árangur = Heimsmeistarar (1958, 1962, 1970, 1994, 2002)
| Álfukeppni = Copa America
| Álfukeppni leikir = 36
| Fyrsta álfukeppni = 1916
| Mesti álfu árangur = Meistarar (1919, 1922, 1949, 1989, 1997, 1999, 2004, 2007, 2019)
| pattern_la1              = _bra20H
| pattern_b1               = _bra20H
| pattern_ra1              = _bra20H
| pattern_sh1              = _bra20h
| pattern_so1              = _bra20h
| leftarm1                 = FFCC00  
| body1                    = FFCC00
| rightarm1                = FFCC00
| shorts1                  = 0000FF
| socks1                   = FFFFFF
| pattern_la2              = _bra20A
| pattern_b2               = _bra20A
| pattern_ra2              = _bra20A
| pattern_sh2              = _bra19aw
| pattern_so2              = _nikeyellow
| leftarm2                 = 003CFF
| body2                    = 003CFF
| rightarm2                = 003CFF
| shorts2                  = FFFFFF
| socks2                   = 003CFF
}}
'''Brasilíska karlalandsliðið í knattspyrnu''' er landslið [[Brasilía|Brasilíu]] í [[Knattspyrna|knattspyrnu]]. Því er stjórnað af Brasilíska knattspyrnusambandinu. Brasilíska knattspyrnusambandið var stofnað árið [[1919]] og landið gekk til liðs við [[FIFA]] árið [[1923]]. Brasilía hefur tekið þátt í öllum 20 úrslitum heimsmeistarakeppninnar. Brasilía hefur orðið heimsmeistari oftast allra þjóða eða alls 5 sinumm. 
==Saga==
[[Mynd:Brazil v argentina 1919.jpg|thumb|left|Brasilíumenn urðu Suður-Ameríkumeistarar 1919.]]
Fyrsta óopinbera landslið brasilískrar knattspyrnusögu mun hafa verið úrvalslið leikmanna frá [[Rio de Janeiro]] og [[São Paulo]] sem mætti enska liðinu Exeter City í Suður-Ameríkuferð þeirra síðarnefndu árið 1914. Heimildum ber ekki saman um úrslit leiksins. Síðar sama ár lék brasilískt landslið sinn fyrsta formlega landsleik í 3:0 tapi gegn [[Argentínska karlalandsliðið í knattspyrnu|Argentínu]]. Tveimur árum síðar tók Brasilía þátt í [[Suður-Ameríkukeppni karla í knattspyrnu 1916|fyrstu Suður-Ameríkukeppninni]] en tókst ekki að vinna leik.

Næstu þrjá áratugina stóðu Brasilíumenn rækilega í skugganum á grönnum sínum í Argentínu og [[Úrúgvæska karlalandsliðið í knattspyrnu|Úrúgvæ]]. Frá 1916 til 1947, í tuttugu keppnum, fóru Brasilíumenn einungis tvisvar með sigur af hólmi - í bæði skiptin á heimavelli - árin [[Suður-Ameríkukeppni karla í knattspyrnu 1919|1919]] og [[Suður-Ameríkukeppni karla í knattspyrnu 1922|1922]], þar sem [[Arthur Friedenreich]] var í broddi fylkingar.

===Fyrstu heimsmeistaramótin===
[[Mynd:Brazil v Poland WC 1938 (3).jpg|thumb|left|Leônidas leikur á tvo Pólverja á HM 1938.]]
Brasilía er eina landið sem keppt hefur í öllum úrslitakeppnum HM frá upphafi. Liðið þreytti frumraun sína á [[Heimsmeistaramót landsliða í knattspyrnu karla 1930|HM í Úrúgvæ 1930]] en tapaði fyrir [[Júgóslavneska karlalandsliðið í knattspyrnu|Júgóslavíu]] í riðlakeppninni og komst ekki í undanúrslit.

Fjórum árum síðar, [[Heimsmeistaramót landsliða í knattspyrnu karla 1934|á Ítalíu]], töpuðu Brasilíumenn fyrsta leik, gegn [[Spænska karlalandsliðið í knattspyrnu|Spánverjum]] og þurftu að snúa heim á leið. Mark þeirra gegn spænska liðinu skoraði þeldökki framherjinn [[Leônidas]]. Sá varð stjarna [[Heimsmeistaramót landsliða í knattspyrnu karla 1938|HM í Frakklandi 1938]], þar sem hann vakti sérstaka athygli fyrir hjólhestaspyrnur sínar. Leônidas skoraði þrennu í sigurleik gegn [[Pólska karlalandsliðið í knattspyrnu|Pólverjum]] í fyrsta leik og bætti við tveimur mörkum í jafnmörgum viðureignum gegn [[Tékkóslóvakíska karlalandsliðið í knattspyrnu|Tékkóslóvakíu]] í fjórðungsúrslitum. Hann meiddist í leikjunum gegn Tékkum og var því hvíldur í tapleik gegn [[Ítalska karlalandsliðið í knattspyrnu|heimamönnum]] í undanúrslitum, þar sem sá kvittur fór á kreik að Brasilíumenn hefðu verið svo sigurvissir að ákveðið hefði verið að hvíla Leônidas fyrir úrslitin. Í bronsleiknum skoraði Leônidas tvívegis og varð markakóngur með sjö mörk. Brasilía mátti sætta sig við þriðja sætið, en landslið þeirra var rækilega komið á kortið sem eitt það öflugasta í heimi, en seinni heimsstyrjöldin átti þó eftir að riðla allri alþjóðakeppni í knattspyrnu næstu árin.

===Væntingar og vonbrigði===
[[Mynd:Brasil en el Campeonato Sudamericano 1949, Estadio, 1949-04-09 (308).jpg|thumb|right|Brasilía varð Suður-Ameríkumeistari 1949 í alhvítum búningum.]]Brasilíumönnum var úthlutað [[Heimsmeistaramót landsliða í knattspyrnu karla 1950|HM 1950]]. Evrópa var í sárum eftir síðari heimsstyrjöldina og áttu jafnvel erfitt með að fjármagna ferðalagið til Suður-Ameríku. Brasilíumenn mættu því til leiks fullir bjartsýni eftir að hafa orðið [[Suður-Ameríkukeppni karla í knattspyrnu 1949|Suður-Ameríkumeistarar 1949]], enn og aftur á heimavelli en með miklum yfirburðum. Fyrir heimsmeistarakeppnina var reistur stærsti knattspyrnuvöllur í heimi, [[Maracanã (leikvangur)|Maracanã]] í Ríó.

Brasilíumenn fóru taplausir í gegnum riðlakeppnina og dró ekki úr bjartsýni þeirra að [[Enska karlalandsliðið í knattspyrnu|Englendingum]], sem tóku þátt í sínu fyrsta heimsmeistaramóti, mistókst að komast í fjögurra liða úrslitariðilinn. Þar unnu Brasilíumenn tvo fyrstu leikina með miklum mun og dugði því jafntefli gegn Úrúgvæ í lokaleiknum. Til marks um sigurgleðina hafði liðið stillt sér upp til myndatöku fyrir úrslitaleikinn og birti brasilískt dagblað myndina undir yfirskriftinni: „Heimsmeistarar!“ Áfallið varð því mikið þegar grannarnir úr suðrinu breyttu stöðunni úr 0:1 í 2:1 sér í vil og hömpuðu heimsmeistaratitlinum. Áfallið á Maracanã markaði djúp spor í brasilíska þjóðarsál.

Fjórum árum síðar, á [[Heimsmeistaramót landsliða í knattspyrnu karla 1954|HM í Sviss 1954]], mættu Brasilíumenn til leiks í nýjum búningum: gulum, grænum og bláum í stað hvítu búninganna sem þjóðin tengdi við ósigurinn á heimavelli. Brasilíumenn komust nokkuð þægilega upp úr riðlakeppninni en mættu í fjórðungsúrslitunum [[Ungverska karlalandsliðið í knattspyrnu|Ungverjum]] sem almennt voru taldir sigurstranglegasta lið keppninnar. Eftirvænting knattspyrnuáhugamanna var mikil en hún snerist upp í vonbrigði þegar leikurinn, sem fram fór í [[Bern]], reyndist óhemjugrófur. Þrír leikmenn voru reknir af velli í viðureign sem lauk með 4:2 sigri Ungverja og eftir að flautað var til leiksloka flugust liðin á í búningsklefunum. Brasilíumenn máttu enn bíða eftir heimsmeistaratitlinum en orðspor þeirra fór þó jafnt og þétt vaxandi.

===Fyrsti heimsmeistaratitillinn===
[[Mynd:1958 VM-final Sverige-Brasilien.jpg|thumb|left|Pelé grætur á öxl Gylmar eftir úrslitaleikinn 1958. Didi horfir á.]]Vicente Feola tók við stjórn brasilíska landsliðsins í aðdraganda [[Heimsmeistaramót landsliða í knattspyrnu karla 1958|HM 1958]] sem fram fór í [[Svíþjóð]]. Hann tók undirbúninginn föstum tökum og setti leikmönnum fjöldan allan af reglum sem þeim var ætlað að fylgja utan vallar, þótt honum væri legið á hálsi fyrir að skipta sér minna af því sem gerðist í leikjunum sjálfum og láta jafnvel reynsluboltana í liðinu um stjórnina. Liðið hafði á að skipa íþróttasálfræðingi og njósnarar voru sendir til að fylgjast með mögulegum mótherjum í Evrópuforkeppni HM.

Brasilíumenn lendu í erfiðasta riðlinum í úrslitakeppninni. [[Austurríska karlalandsliðið í knattspyrnu|Austurríkismenn]] voru lagðir að velli í fyrsta leik, 3:0. Því næst gerðu Brasilía og England markalaust jafntefli. Í hvorugum leikjanna komu ungstirnið [[Pelé]] og [[Garrincha]] við sögu. Þeir fengu hins vegar tækifærið á móti [[Sovéska karlalandsliðið í knattspyrnu|Sovétmönnum]] í lokaleiknum, eftir að lykilmenn liðsins gengu á fund þjálfarans og þrýstu á um það. Brasilíumenn unnu 2:0 og náðu loksins að sýna sínar bestu hliðar.

Í fjórðungsúrslitum mættu Brasilíumenn [[Velska karlalandsliðið í knattspyrnu|Walesverjum]] sem höfðu þurft að keppa aukaleik aðeins tveimur dögum fyrr. Pelé skoraði eina mark leiksins og sitt fyrsta í keppninni. Í undanúrslitunum skoraði táningurinn hins vegar þrennu í 5:2 sigri á [[Franska karlalandsliðið í knattspyrnu|Frökkum]]. Í úrslitunum voru svo [[Sænska karlalandsliðið í knattspyrnu|heimamenn]] lagðir að velli, einnig 5:2, með tveimur mörkum frá Pelé og Vavá og einu frá Mário Zagallo.

===Titillinn varinn===
[[Mynd:MFdSantos-Garrincha.jpg|thumb|right|Garrincha var hetja Brasilíu á HM 1962.]]Brasilíumenn mættu til leiks sem langsigurstranglegasta liðið á [[Heimsmeistaramót landsliða í knattspyrnu karla 1962|HM 1962]] sem fram fór í Suður-Ameríkulandinu [[Síle]]. Brasilíumenn unnu sinn riðil án mikilla vandræða, en gerðu dýrkeypt markalaust jafntefli í öðrum leik gegn Tékkóslóvakíu þar sem Pelé meiddist og kom lítið við sögu það sem eftir var keppninnar.

Í fjarveru Pelé tók Garrincha við keflinu og var óumdeild stjarna keppninnar. Hann skoraði tvö mörk í 3:1 sigri á Englendingum í fjórðungsúrslitum og endurtók leikinn í 4:2 sigri á [[Síleska karlalandsliðið í knattspyrnu|heimamönnum]] í undanúrslitum. Brasilía og Tékkóslóvakía mættust öðru sinni í keppninni í úrslitaleiknum þar sem Tékkar náðu forystunni en Brasilía svaraði með þremur mörkum og varði þar með titilinn.

Brasilíska þjóðin gerði sér vonir um að vinna þriðja skiptið í röð árið 1966 þegar keppnin var haldin [[Heimsmeistaramót landsliða í knattspyrnu karla 1966|á Englandi]]. Mótið byrjaði vel þar sem Pelé og Garrincha skoruðu hvor sitt markið í 2:0 sigri á [[Búlgarska karlalandsliðið í knattspyrnu|Búlgörum]]. Gamanið tók að kárna í næstu tveimur leikjum. Stjórnarmenn í brasilíska knattspyrnusambandinu höfðu hlutast í valið á landsliðinu til að tryggja að helstu félagslið ættu þar öll sína fulltrúa. Undirbúningnum var ábótavant og harður leikstíll evrópsku liðanna virtist koma Brasilíumönnum í opna skjöldu. Pelé meiddist í upphafsleiknum og var því fjarri góðu gamni í 3:1 tapleik gegn Ungverjum og þurfti að fara meiddur af velli í lokaleiknum gegn spútnikliði [[Portúgalska karlalandsliðið í knattspyrnu|Portúgals]] með [[Eusébio]] í broddi fylkingar sem einnig lauk með 3:1 tapi.

===Besta lið allra tíma?===
[[Mynd:Brazil 1970.JPG|thumb|left|Liðið sem vann Perú í fjórðungsúrslitum.]]Herforingjastjórnin sem var við völd í Brasilíu tók fram fyrir hendurnar á knattspyrnusambandinu í aðdraganda [[Heimsmeistaramót landsliða í knattspyrnu karla 1970|HM í Mexíkó 1970]]. Vinstrimaðurinn João Saldanha, sem mótað hafði sókndjarft en líkamlega sterkt landslið var látinn víka fyrir gömlu kepmpunni Mário Zagallo sem þjálfari. Zagallo hélt þó sama striki og forveri sinn og fyllti liðið af framherjum og sókndjörfum miðjumönnum. Útkoman var lið sem heillaði heimsbyggðina.

Brasilíumenn unnu alla sína leiki í keppninni, þar á meðal ríkjandi heimsmeistara Englendinga í riðlakeppninni. Suður-Ameríkuliðin [[Perúska karlalandsliðið í knattspyrnu|Perú]] og Úrúgvæ voru lögð í fjórðungs- og undanúrslitum en í úrslitaleiknum unnu Brasilíumenn sterkt lið Ítala 4:1 á sérlega sannfærandi hátt. Brasilía tryggði sér þar með Jules Rimet-verðlaunastyttuna til eignar. Oft er talað um sigurliðið 1970 sem það besta í sögu keppninnar og naut liðið þar vafalaust góðs af því að gervihnattatæknin var komin til sögunnar og beinar útsendingar frá leikjum voru aðgengilegar mun víðar en áður hafði þekkst.

===Hallar undan fæti===
[[Mynd:Figurita argentinacampeon v brasil.jpg|thumb|right|Úr leik Brasilíu og Argentínu á HM 1978.]]Péle lagði skóna á hilluna með landsliðinu eftir HM 1970 og þrátt fyrir mikinn þrýsting frá æðstu stöðum um að snúa aftur fyrir [[Heimsmeistaramót landsliða í knattspyrnu karla 1974|HM 1974]] lét hann sig ekki. Brasilíumenn mættu til leiks í [[Vestur-Þýskaland|Vestur-Þýskalandi]] með varnarsinnaðra lið en áður hafði sést. Þeir reyndust lítil fyrirstaða fyrir [[Hollenska karlalandsliðið í knattspyrnu|Hollendinga]] sem heilluðu knattspyrnuheiminn með frjálsu spili sínu og töpuðu að lokum í bronsleiknum fyrir Pólverjum.

Fjórum árum síðar, í [[Heimsmeistaramót landsliða í knattspyrnu karla 1978|Argentínu 1978]], höfnuðu Brasilíumenn í þriðja sætinu en ollu þó sér og stuðningsmönnum sínum vonbrigðum. Ýmsar samsæriskenningar fóru á flug í Brasilíu þess efnis að gestgjafarnir hefðu með ýmsum hætti reynt að leggja stein í götu brasilíska liðsins, svo sem með því að láta það spila á glænýjum og grjóthörðum leikvangi í riðlakeppninni, ýmsir dómar féllu Brasilíu í óhag og síðast en ekki síst þótti stórsigur Argentínu á Perú í lokaumferð milliriðla grunsamlegur, en með honum komst argentínska liðið í úrslitaleikinn. Hvað sem slíkum vangaveltum leið bar flestum saman um að HM-lið Brasilíu árin 1974 og 1978 hafi staðið meistaraliðum fyrri ára langt að baki.

===Óskaliðið sem ekki vann===
[[Mynd:Zico panini card mexico86.jpg|160px|left|Zico var lykilmaður í landsliðinu á HM 1978, 1982 og 1986.]]Brasilía var talin sigurstranglegust á [[Heimsmeistaramót landsliða í knattspyrnu karla 1982|HM á Spáni 1982]] með Zico og [[Sócrates]] í broddi fylkingar. Liðið lék blússandi sóknarbolta, vann alla leiki sína í forriðlinum og skellti heimsmeisturum Argentínu í milliriðli. Jafntefli gegn Ítölum í næsta leik hefði komið þeim í undanúrslitin en þrenna frá [[Paolo Rossi]] gerði það að verkum að liðið tapaði 3:2. Brasilíska liðið frá 1982 er oft nefnt í hópi sterkustu liða sem ekki náðu að hampa heimsmeistaratitlinum.

Í [[Heimsmeistaramót landsliða í knattspyrnu karla 1986|Mexíkó fjórum árum síðar]] mætti brasilíska liðið aftur nokkuð sigurvisst til keppni, en lykilmenn voru orðnir eldri og Sócrates átti við að glíma erfið meiðsli. Brasilíumenn unnu fjóra fyrstu leiki sína í keppninni án þess að fá á sig mark, en í fjórðungsúrslitum mættu þeir Evrópumeisturum Frakka. Grípa þurfti til vítaspyrnukeppni þar Frakkar höfðu betur.

Árið 1989 urðu Brasilíumenn [[Suður-Ameríkukeppni karla í knattspyrnu 1989|Suður-Ameríkumeistarar í fjórða sinn]]. Líkt og í fyrri þrjú skiptin gerðist það á heimavelli eftir 1:0 sigur á Úrúgvæ í lokaleik með marki frá [[Romário]].

===Fjórði heimsmeistaratitillinn===
[[Mynd:ROM 1994 MiNr4993 pm B002.jpg|thumb|right|Rúmenskt frímerki sýnir hvaða lið voru í riðli með Brasilíu 1994.]]Brasilíumenn stóðu ekki undir væntingum á [[Heimsmeistaramót landsliða í knattspyrnu karla 1990|HM 1990]] sem fram fór á Ítalíu. Eftir að hafa unnið alla leiki sína í riðlakeppninni með eins marks mun féll liðið úr leik fyrir erkifjendunum í Argentínu, 1:0. Brasilíska liðið þótti varnarsinnað með [[Dunga]] í lykilhlutverki og skoraði ekki nema fjögur mörk í leikjunum fjórum. Knattspyrnuáhugamenn í Brasilíu voru margir ósáttir við þessa nálgun sem þeir töldu ganga gegn gildum landsliðsins.

Fjórum árum síðar beitti þjálfarinn Carlos Alberto Parreira sömu leikaðferð, með enn betri árangri á [[Heimsmeistaramót landsliða í knattspyrnu karla 1994|HM í Bandaríkjunum]]. Auk Dunga voru þeir [[Romário]] og [[Bebeto]] í eldlínunni í liði sem lék fyrst og fremst agaða vörn og beitti skyndisóknum. Þrúgandi hiti einkenndi keppnina en Brasilíumenn unnu sinn riðil vandræðalítið. Þeir máttu hafa mikið fyrir að landa sigri á [[Bandaríska karlalandsliðið í knattspyrnu|heimamönnum]] í 16-liða úrslitum og 3:2 sigur þeirra á Hollendingum í fjórðungsúrslitum var einhver æsilegasta viðureign keppninnar. Svíar voru lagðir að velli í undanúrslitum og í úrslitaleiknum urðu Brasilíumenn fyrsta liðið til að lyfta heimsmeistarastyttunni eftir að hafa sigrað í vítaspyrnukeppni, þar sem [[Roberto Baggio]] misnotaði spyrnu fyrir Ítali.

Þremur árum síðar urðu Brasilíumenn fyrsta liðið í sögunni til að vera heimsmeistarar og Suður-Ameríkumeistarar á sama tíma, þegar liðið fór með sigur af hólmi í [[Suður-Ameríkukeppni karla í knattspyrnu 1997|Copa America 1997]] í [[Bólivía|Bólivíu]]. Það var einnig í fyrsta sinn sem Brasilíu tókst að vinna keppnina utan heimalands síns.

===Samsæri í París?===
[[Mynd:Ronaldo 2002 cropped.jpg|thumb|left|Ronaldo var í aðalhlutverki í Frakklandi.]]Brasilíumenn voru að margra áliti líklegir til að verja titil sinn á [[Heimsmeistaramót landsliða í knattspyrnu karla 1998|HM í Frakklandi 1998]]. Þrátt fyrir tap gegn [[Norska karlalandsliðið í knattspyrnu|Norðmönnum]], sem aldrei hafa lotið í lægra haldi fyrir Brasilíu - einir liða, tókt heimsmeisturunum að vinna sinn riðil. Við tóku sigurleikir gegn Síle og [[Danska karlalandsliðið í knattspyrnu|Danmörku]]. Grípa þurfti til vítaspyrnukeppni í undanúrslitunum þar sem Brasilía hafði betur gegn Hollandi.

Fyrir úrslitaleikinn hafði [[Ronaldo (fæddur 1976)|Ronaldo]], sem almennt var álitinn besti og frægasti leikmaður heims, staðið sig með prýði og skorað fjögur mörk. Fyrir úrslitaleikinn gegn heimamönnum Frakka fékk hann flog, sem þó var haldið rækilega leyndu fyrir blaðamönnum og varð í kjölfarið mikil reikistefna um hvort hann myndi fá að spila leikinn. Að lokum varð úr að Ronaldo var í byrjunarliðinu, en var skugginn af sjálfum sér og Frakkar unnu sannfærandi 3:0 sigur. Eftir keppnina fór á flug þrálátur orðrómur um að þrýstingur frá sportvörufyrirtækinu Nike hafi orðið til þess að knattspyrnusambandið hafi skipað fyrir um að Ronaldo yrði að spila leikinn.

Brasilíumenn gátu huggað sig við að árið eftir tókst þeim að verja Suður-Ameríkutitil sinn í fyrsta sinn en [[Suður-Ameríkukeppni karla í knattspyrnu 1999|keppt var í Paragvæ]].

===Meistarar í Asíu===
Brasilíumenn mættu til leiks á [[Heimsmeistaramót landsliða í knattspyrnu karla 2002|HM 2002]] í [[Japan]] og [[Suður-Kórea|Suður-Kóreu]] með R-in þrjú í broddi fylkingar: [[Ronaldo (fæddur 1976)|Ronaldo]], [[Rivaldo]] og [[Ronaldinho]]. Rivaldo bakaði sér óvinsældir í sigurleik gegn [[Tyrkneska karlalandsliðið í knattspyrnu|Tyrkjum]] í fyrstu umferð þegar hann henti sér í jörðina og hélt um andlit sér þegar sjónvarpsupptökur leiddu í ljós að bolta hafði verið spyrnt í fætur hans. Brasilía lauk riðlakeppninni á fullu húsi stiga.

Í 16-liða úrslitum voru [[Belgíska karlalandsliðið í knattspyrnu|Belgar]] slegnir úr keppni og Englendingar í fjórðungsúrslitum. Brasilía og Tyrkland mættust á nýjan leik í undanúrslitum þar sem mark frá Ronaldo skildi á milli. Hann skoraði svo bæði mörkin í úrslitunum gegn Þjóðverjum og endaði sem markakóngur með átta mörk.

Brasilíumenn urðu Suður-Ameríkumeistarar árin [[Suður-Ameríkukeppni karla í knattspyrnu 2004|2004]] og [[Suður-Ameríkukeppni karla í knattspyrnu 2007|2007]] og höfðu þar með sigrað á fjórum af síðustu fimm álfukeppnum, eftir að hafa unnið jafnoft í 37 tilraunum þar á undan.

===Martröð á heimavelli===
Ronaldo setti nýtt met yfir mörk skoruð í úrslitakeppni HM, fimmtán alls, í mótinu í [[Heimsmeistaramót landsliða í knattspyrnu karla 2006|Þýskalandi 2006]]. Eftir sigra í fjórum fyrstu leikjunum féll liðið úr keppni í fjórðungsúrslitum gegn Frökkum. Svipað gerðist í [[Heimsmeistaramót landsliða í knattspyrnu karla 2010|Suður-Afríku 2010]] þar sem Brasilía tapaði ekki leik fyrr en gegn Hollendingum í fjórðungsúrslitunum.

Brasilíska knattspyrnusambandið lagði höfuðáherslu á að endurheimta heimsmeistaratitilinn á [[Heimsmeistaramót landsliða í knattspyrnu karla 2014|heimavelli 2014]]. Miklu var til kostað í uppbyggingu leikvanga og lögðu knattspyrnuáhugamenn mikið traust á að [[Neymar]] myndi leiða liðið til sigurs. Neymar skoraði tvívegis í 3:1 sigri í opnunarleiknum gegn [[Króatíska karlalandsliðið í knattspyrnu|Króatíu]]. Brasilíumenn þóttu ósannfærandi gegn [[Mexíkóska karlalandsliðið í knattspyrnu|Mexíkó]] í markalausu jafntefli en unnu svo [[Kamerúnska karlalandsliðið í knattspyrnu|Kamerún]] af öryggi í lokaleik riðilsins.

Sílemenn þjörmuðu rækilega að brasilíska liðinu í 16-liða úrslitum en heimamenn komust þó áfram eftir vítaspyrnukeppni. Í fjórðungsúrslitum vann Brasilía 2:1 sigur á [[Kólumbíska karlalandsliðið í knattspyrnu|Kólumbíu]], en þar reið ógæfan yfir þegar Neymar meiddist og gat ekki tekið meiri þátt í keppninni. Áfallið sló brasilíska liðið fullkomlega út af laginu og það hrundi eins og spilaborg gegn Þjóðverjum í undanúrslitum. Eftir hálftíma leik var staðan orðin 5:0 fyrir þýska liðinu sem bætti svo tveimur mörkum við áður en Brasilía náði að klóra í bakkann með marki á lokamínútunni. 7:1 ósigurinn var stærsta tap í sögu landsliðsins og skildi þjóðina eftir í hálfgerðu losti. Til að bíta höfuðið af skömminni tapaði liðið bronsleiknum gegn Portúgal með þremur mörkum gegn engu.

===Eftirbátar Evrópubúa===
Árið 2018 fór [[Heimsmeistaramót_landsliða_í_knattspyrnu_karla_2018|HM fram í Rússlandi]]. Líkt og endranær átti Brasilía ekki í vandræðum með að komast upp úr riðlakeppninni og í 16-liða úrslitum sló liðið Mexíkó úr keppni. Í fjórðungsúrslitum reyndust Belgar hins vegar ofjarlar þeirra.

Eftir að hafa mistekist að komast í undanúrslit þriggja síðustu Suður-Ameríkukeppna tókst Brasilíumönnum að fara alla leið [[Suður-Ameríkukeppni karla í knattspyrnu 2019|á heimavelli 2019]]. Þetta var níundi álfumeistaratitill landsins frá upphafi.

Brasilía var í efsta sæti heimslistans þegar dregið var í riðla fyrir [[Heimsmeistaramót_landsliða_í_knattspyrnu_karla_2022|HM í Katar]] árið 2022. Brasilíska liðið nældi sér í toppsæti síns riðils þrátt fyrir óvænt tap gegn Kamerún í lokaleiknum. Fjögur brasilísk mörk í fyrri hálfleik dugðu til að kafsigla [[Suður-kóreska karlalandsliðið í knattspyrnu|Suður-Kóreu]] í 16-liða úrslitum og Brasilíumenn virtust til alls líklegir með Neymar í góðu formi.

Í fjórðungsúrslitum mættust stálin stinn, Brasilía og Króatía. Eftir markalausan venjulegan leiktíma skoraði hvort liðið sitt markið í framlengingu. Grípa þurfti til vítaspyrnukeppni og þar unnu Króatar 4:2.

==Keppnir==
=== [[Suður-Ameríkukeppni karla í knattspyrnu|Copa America]] ===
{| class="wikitable" style="text-align: center;"   
|-
!Ár
!Gestgjafar
!Árangur
|- bgcolor=Bronze
|[[Suður-Ameríkukeppni karla í knattspyrnu 1916|1916]]||align=left|{{fáni|Argentína}}||Brons
|-bgcolor=Bronze
|[[Suður-Ameríkukeppni karla í knattspyrnu 1917|1917]]||align=left|{{URY}}Úrúgvæ||Brons
|-bgcolor=Gold
|[[Suður-Ameríkukeppni karla í knattspyrnu 1919|1919]]||align=left|{{fáni|Brasilía}}||Gull
|-bgcolor=Bronze
|[[Suður-Ameríkukeppni karla í knattspyrnu 1920|1920]]||align=left|{{fáni|Síle}}||Brons
|-bgcolor=Silver
|[[Suður-Ameríkukeppni karla í knattspyrnu 1921|1921]]||align=left|{{fáni|Argentína}}||Silfur
|-bgcolor=Gold
|[[Suður-Ameríkukeppni karla í knattspyrnu 1922|1922]]||align=left|{{fáni|Argentína}}||Gull
|-
|[[Suður-Ameríkukeppni karla í knattspyrnu 1923|1923]]||align=left|{{URY}}Úrúgvæ||4. sæti
|-
|[[Suður-Ameríkukeppni karla í knattspyrnu 1924|1924]]||align=left|{{URY}}Úrúgvæ||Tók ekki þátt
|-bgcolor=Silver
|[[Suður-Ameríkukeppni karla í knattspyrnu 1925|1925]]||align=left|{{fáni|Argentína}}||Silfur
|-
|[[Suður-Ameríkukeppni karla í knattspyrnu 1926|1926]]||align=left|{{fáni|Síle}}||Tók ekki þátt
|-
|[[Suður-Ameríkukeppni karla í knattspyrnu 1927|1927]]||align=left|{{PER}}Perú||Tók ekki þátt
|- 
|[[Suður-Ameríkukeppni karla í knattspyrnu 1929|1929]]||align=left|{{fáni|Argentína}}||Tók ekki þátt
|-
|[[Suður-Ameríkukeppni karla í knattspyrnu 1935|1935]]||align=left|{{PER}}Perú||Tók ekki þátt
|-bgcolor=Silver
|[[Suður-Ameríkukeppni karla í knattspyrnu 1937|1937]]||align=left|{{fáni|Argentína}}||Silfur
|-
|[[Suður-Ameríkukeppni karla í knattspyrnu 1941|1941]]||align=left|{{fáni|Síle}}||Tók ekki þátt
|-bgcolor=Brons
|[[Suður-Ameríkukeppni karla í knattspyrnu 1942|1942]]||align=left|{{URY}}Úrúgvæ||Brons
|-bgcolor=Silver
|[[Suður-Ameríkukeppni karla í knattspyrnu 1945|1945]]||align=left|{{fáni|Síle}}||Silfur
|-bgcolor=Silver
|[[Suður-Ameríkukeppni karla í knattspyrnu 1946|1946]]||align=left|{{fáni|Argentína}}||Silfur
|-
|[[Suður-Ameríkukeppni karla í knattspyrnu 1947|1947]]||align=left|{{ECU}}Ekvador||Tók ekki þátt
|-bgcolor=Gold
|[[Suður-Ameríkukeppni karla í knattspyrnu 1949|1949]]||align=left|{{ECU}}Ekvador||Gull
|-bgcolor=Silver
|[[Suður-Ameríkukeppni karla í knattspyrnu 1953|1953]]||align=left|{{URY}}Úrúgvæ||Silfur
|-
|[[Suður-Ameríkukeppni karla í knattspyrnu 1955|1955]]||align=left|{{URY}}Úrúgvæ||Tók ekki þátt
|-
|[[Suður-Ameríkukeppni karla í knattspyrnu 1956|1956]]||align=left|{{URY}}Úrúgvæ||4. sæti
|-bgcolor=Silver
|[[Suður-Ameríkukeppni karla í knattspyrnu 1957|1957]]||align=left|{{PER}}Perú||Silfur
|-bgcolor=Bronze
|[[Suður-Ameríkukeppni karla í knattspyrnu 1959 (Argentínu)|1959(a)]]||align=left|{{fáni|Argentína}}||Silfur
|- 
|[[Suður-Ameríkukeppni karla í knattspyrnu 1959 (Ekvador)|1959(b)]]||align=left|{{fáni|Ekvador}}||Brons
|- 
|[[Suður-Ameríkukeppni karla í knattspyrnu 1963|1963]]||align=left|{{fáni|Bólivía}}||4. sæti
|-
|[[Suður-Ameríkukeppni karla í knattspyrnu 1967|1967]]||align=left|{{URY}}Úrúgvæ||Tók ekki þátt
|-bgcolor=Bronze
|[[Suður-Ameríkukeppni karla í knattspyrnu 1975|1975]]||align=left|Suður Ameríkal||Brons
|-bgcolor=Bronze
|[[Suður-Ameríkukeppni karla í knattspyrnu 1979|1979]]||align=left|Suður Ameríka||Brons
|-bgcolor=Silver
|[[Suður-Ameríkukeppni karla í knattspyrnu 1983|1983]]||align=left|Suður Ameríka||Silfur
|-
|[[Suður-Ameríkukeppni karla í knattspyrnu 1987|1987]]||align=left|{{fáni|Síle}}||Riðlakeppni
|-bgcolor=gold
|[[Suður-Ameríkukeppni karla í knattspyrnu 1989|1989]]||align=left|{{fáni|Brasilía}}||Gull
|-bgcolor=silver
|[[Suður-Ameríkukeppni karla í knattspyrnu 1991|1991]]||align=left|{{fáni|Síle}}||Silfur
|- 
|[[Suður-Ameríkukeppni karla í knattspyrnu 1993|1993]]||align=left|{{ECU}}Ekvador||8. liða úrslit
|-bgcolor=silver
|[[Suður-Ameríkukeppni karla í knattspyrnu 1995|1995]]||align=left|{{URY}}Úrúgvæ||Silfur
|-bgcolor=gold
|[[Suður-Ameríkukeppni karla í knattspyrnu 1997|1997]]||align=left|{{fáni|Bólivía}} ||Gull
|-bgcolor=gold 
|[[Suður-Ameríkukeppni karla í knattspyrnu 1999|1999]]||align=left|{{fáni|Paragvæ}}||Gull
|-
|[[Suður-Ameríkukeppni karla í knattspyrnu 2001|2001]]||align=left|{{PER}}Perú||8. liða úrslit
|-bgcolor=Gold
|[[Suður-Ameríkukeppni karla í knattspyrnu 2004|2004]]||align=left|{{fáni|Venesúela}}||Gull
|-bgcolor=Gold
|[[Suður-Ameríkukeppni karla í knattspyrnu 2007|2007]]||align=left|{{fáni|Argentína}}||Gull
|-
|[[Suður-Ameríkukeppni karla í knattspyrnu 2011|2011]]||align=left|{{fáni|Síle}}||8. liða úrslit
|-
|[[Suður-Ameríkukeppni karla í knattspyrnu 2015|2015]]||align=left|{{USA}}Bandaríkin ||8. liða úrslit
|- 
|[[Suður-Ameríkukeppni karla í knattspyrnu 2016|2016]]||align=left|{{fáni|Brasilía}}||Riðlakeppni
|-bgcolor=Gold 
|[[Suður-Ameríkukeppni karla í knattspyrnu 2019|2019]]||align=left|{{fáni|Brasilía}}||Gull
|-bgcolor=silver
|[[Suður-Ameríkukeppni karla í knattspyrnu 2021|2021]]||align=left|{{fáni|Brasilía}}||Silfur
|}

=== [[HM í knattspyrnu]] ===
{| class="wikitable" style="text-align: center;"   
|-
!Ár
!Gestgjafar
!Árangur
|-
|[[HM 1930|1930]]||align=left|{{URY}}Úrúgvæ||'''Riðlakeppni'''
|-
|[[HM 1934|1934]]||align=left|{{fáni|Ítalía}} ||16. liða úrslit
|-bgcolor=Bronze
|[[HM 1938|1938]]||align=left|{{fáni|Frakkland}}||Brons
|-bgcolor=Silver
|[[HM 1950|1950]]||align=left|{{fáni|Brasilía}}||Silfur
|-
|[[HM 1954|1954]]||align=left|{{fáni|Sviss}}||8. liða úrslit
|-bgcolor=Gold
|[[HM 1958|1958]]||align=left|{{fáni|Svíþjóð}}||Gull
|-bgcolor=Gold
|[[HM 1962|1962]]||align=left|{{fáni|Síle}}||Gull
|- 
|[[HM 1966|1966]]||align=left|{{fáni|England}}||Riðlakeppni
|-bgcolor=Gold
|[[HM 1970|1970]]||align=left|{{fáni|Mexíkó}}||Gull
|-
|[[HM 1974|1974]]||align=left|{{fáni|Þýskaland}}||4. sæti
|-bgcolor=bronze
|[[HM 1978|1978]]||align=left|{{fáni|Argentína}}||Brons
|- 
|[[HM 1982|1982]]||align=left|{{fáni|Spánn}}||2. umferð
|- 
|[[HM 1986|1986]]||align=left|{{fáni|Mexíkó}}||8. liða Úrslit
|-
|[[HM 1990|1990]]||align=left|{{fáni|Ítalía}}||16. liða úrslit
|-bgcolor=Gold
|[[HM 1994|1994]]||align=left|{{USA}}Bandaríkin||Gull
|- bgcolor=Silver
|[[HM 1998|1998]]||align=left|{{fáni|Frakkland}}||Silfur
|-bgcolor=Gold
|[[HM 2002|2002]]||align=left|<small>{{fáni|Suður-Kórea}} & {{fáni|Japan}}</small>||Gull
|- 
|[[HM 2006|2006]]||align=left|{{fáni|Þýskaland}}||8. liða úrslit
|-
|[[HM 2010|2010]]||align=left|{{fáni|Suður-Afríka}}||8. liða úrslit
|-
|[[HM 2014|2014]]||align=left|{{fáni|Brasilía}}||4. sæti
|- 
|[[HM 2018|2018]]|| align="left" |{{fáni|Rússland}}||8. liða úrslit
|- 
|[[HM 2022|2022]]|| align="left" |{{fáni|Katar}}||8. liða úrslit
|}

==Leikmenn==
==Leikmannahópur==
{{Fs start}}
{{Fs player|no=1|pos=K|nat=BRA|name=[[Alisson Becker]]|other=[[Liverpool FC|Liverpool]]}}
{{Fs player|no=2|name=[[Thiago Silva]]|nat=BRA|pos=F|other=[[Liverpool FC]]}}
{{Fs player|no=3|nat=BRA|pos=F|name=[[Miranda (fotballspiller)|João Miranda]]|other=[[Inter]]}}
{{Fs player|no=4|nat=BRA|pos=F|name=[[Pedro Geromel]]|other=[[Grêmio Foot-Ball Porto Alegrense|Grêmio]]}}
{{Fs player|no=5|pos=MB|nat=BRA|name=[[Casemiro]]|other=[[Real Madrid CF|Real Madrid]]}}
{{Fs player|no=6|nat=BRA |pos=F|name=[[Filipe Luís]]|other=[[Atlético Madrid]]}}
{{Fs player|no=7|nat=BRA|name=[[Richarlison]]|pos=MB|other=[[Everton]]}}
{{Fs player|no=8|nat=BRA|pos=MB|name=[[Renato Augusto]]|other=[[Beijing Guoan FC|Beijing Guoan]]}}
{{Fs player|no=9|nat=BRA|pos=A|name=[[Gabriel Jesus]]|other=[[Manchester City FC|Manchester City]]}}
{{Fs player|no=10|pos=A|nat=BRA|name=[[Neymar]]|other=[[Paris Saint-Germain]]|}}
{{Fs player|no=11|nat=BRA|name=[[Philippe Coutinho]]|pos=MB|other=[[FC Barcelona|Barcelona]]}}
{{Fs player|no=12|pos=F|nat=BRA|name=[[Marcelo Vieira|Marcelo]]|other=[[Real Madrid CF|Real Madrid]]}} (Fyrirliði)
{{Fs mid}}
{{Fs player|no=13|name=[[Marquinhos]]|nat=BRA|pos=F|other=[[Paris Saint-Germain]]}}
{{Fs player|no=14|pos=F|nat=BRA|name=[[Danilo Luiz da Silva|Danilo]]|other=[[Manchester City FC|Manchester City]]}}
{{Fs player|no=15|nat=BRA|name=[[José Paulo Bezerra Maciel Júnior|Paulinho]]|pos=MB|other=[[Guangzhou Evergrande]] <small>(á láni frá [[FC Barcelona|Barcelona]]</small>}}
{{Fs player|no=16|nat=BRA|pos=K|name=[[Cássio Ramos|Cássio]]|other=[[Sport Club Corinthians Paulista|Corinthians]]}}
{{Fs player|no=17|nat=BRA|pos=MB|name=[[Fernando Luiz Roza|Fernandinho]]|other=[[Manchester City FC|Manchester City]]}}
{{Fs player|no=18|pos=MB|nat=BRA|name=[[Frederico Rodrigues Santos|Fred]]|other=[[Manchester United FC|Manchester United]]}}
{{Fs player|no=19|nat=BRA|pos=MB|name=[[Willian Borges da Silva|Willian]]|other=[[Chelsea FC|Chelsea]]}}
{{Fs player|no=20|nat=BRA|name=[[Roberto Firmino]]|pos=A|other=[[Liverpool FC|Liverpool]]}}
{{Fs player|no=21|pos=MB|nat=BRA|name=[[Taison]]|other=[[Shaktar Donetsk]]}}
{{Fs player|no=22|nat=BRA|pos=F|name=[[Fagner Conserva Lemos|Fagner]]|other=[[Sport Club Corinthians Paulista|Corinthians]]}}
{{Fs player|no=23|nat=BRA|pos=K|name=[[Ederson Moraes|Ederson]]|other=[[Manchester City FC|Manchester City]]}}
{{Fs end}}
[[Mynd:Cafu brazil.jpg|thumb|170px|Cafu er Leikjahæsti landsliðsmaður í sögu Brasilíu með 142 leiki á bakinu]]

===Flestir leikir===
# [[Cafu]]: 142 
# [[Neymar]]: 128
# [[Dani Alves]]: 126
# [[Roberto Carlos]]: 125
# [[Thiago Silva]]: 113

===Flest mörk===
# '''[[Neymar]]: 79'''
# [[Pelé]]: 77
# [[Ronaldo (fæddur 1976)|Ronaldo]]: 62
# [[Romário]]: 55
# [[Zico]]: 48

===Þekktir leikmenn===
[[Mynd:Brazil 1970.JPG|thumb|Brasilíska landsliðið sem vann heimsmeistaramótið árið 1970 er af mörgum talið besta lið sögunnar]]

====1960-70====
* [[Pelé]]
* [[Garrincha]]
* [[Gérson]]

====1970-80====
* [[Carlos Alberto Torres|Carlos Alberto]]
* [[Jairzinho]]
* [[Roberto Rivelino|Rivelino]]

====1980-90====
* [[Careca]]
* [[Eder]]
* [[Falcão]]
* [[Leovegildo Lins da Gama Júnior|Júnior]]
* [[Sócrates]]
* [[Zico]]
|valign="top" width=33%|
====1990-2000====
* [[Cafu]]
* [[Rivaldo]]
* [[Romário]]
* [[Ronaldo (fæddur 1976)|Ronaldo]]
[[Mynd:Brazil fans Russia 2018.jpg|thumb|Brasilískir stuðningsmenn á HM 2018 í Rússlandi]]

====2000-2010====
* [[Roberto Carlos]]
* [[Ronaldinho]]
* [[Ronaldo (fæddur 1976)|Ronaldo]]
* [[Kaká]]
* [[Marcos Roberto Silveira Reis|Marcos]]
* [[Adriano]]
* [[Dida]]
* [[Robinho]]
* [[Lucio]]

====2010-2020====
* '''[[Neymar]]'''
* '''[[Roberto Firmino]]'''
* '''[[Dani Alves]]'''


[[Flokkur:Suður-amerísk knattspyrnulandslið]]
[[Flokkur:Karlalandslið í knattspyrnu]]