Bróðir Svartúlfs

Bróðir Svartúlfs var íslensk hljómsveit, sem er afkvæmi fimm ólíkra hugmynda. Samstarfið hófst september 2008 og kom öllum meðlimunum strax á óvart hve samstilltir þeir voru, sérstaklega þegar litið var til forsögu hvers og eins þeirra í tónlist. Margur hefur reynt að koma bandinu fyrir innan ákveðins ramma eða stefnu, en ásættanleg niðurstaða í þeim málum hefur enn ekki fengist. Meðlimir kæra sig yfirleitt kollótta um þetta mál og fljóta því stefnulaust áfram, og hefur hömluleysið enn sem komið er einungis skilað sér í formi litríkari tónlistarsköpunar. Sveitin tók þátt í Músíktilraunum árið 2009 og fór með sigur af hólmi.

Meðlimir

1. Arnar Freyr Frostason - Rapp/söngur
2. Sigfús Arnar Benediktsson - Rafmagnsgítar
3. Andri Þorleifsson - Trommur
4. Jón Atli Magnússon - Bassi
5. Helgi Sæmundur Guðmundsson - Synth/bakrödd

Útgáfa

Bróðir Svartúlfs gaf út sína fyrstu plötu árið 2009 að nafni Bróðir svartúlfs. Platan fékk 4,0 í einkunn hjá vefritinu Rjómanum.

Lagalisti:

1. Gullfalleg útgáfa af forljótum náunga
2. Úldnir og ormétnir ávextir erfiðis
3. Rólan sveiflast enn
4. Augun
5. Fyrirmyndarveruleikaflóttamaður
6. Alinn upp af úlfum