Bolafjall

Bolafjall er 638 metra hátt fjall fyrir ofan Bolungarvík. Á Bolafjalli er ein af fjórum ratsjárstöðum sem Ratsjárstofnun rak fyrir hönd varnarliðsins og NATO. Ratsjárstöðin á Bolafjalli hóf rekstur 18. janúar 1992 en rekstur hennar er nú í umsjá Landhelgisgæslunnar. Það liggur brattur akvegur upp á Bolafjall. Vegurinn hefur verið opinn bílum í júlí og ágúst. Ofan á Bolafjalli er rennislétt hrjóstrug háslétta og er þar útsýni til allra átta.

Árið 2020 veitti ríkisstjórnin styrk til að byggja útsýnispall við fjallið.

• 

  Hásléttan á Bolafjalli, snarbrattar hlíðar

• 

  Ratsjárstöðin á Bolafjalli

• 

  Hrjóstrug hásléttan á Bolafjalli að sumarlagi

• 

  Ratsjárstöðin á Bolafjalli

Heimildir

• Varnarsamstarf í 50 ár Geymt 2006-08-08 í Wayback Machine
• Myndir af Bolafjalli