Blokkflauta
Blokkflauta er tréblásturshljóðfæri með gripgötum án klappa og er af sömu ætt og pjáturflautan og okkarínan. Blokkflautur eru til í mörgum stærðum og eru oftast úr tré en líka til úr plasti. Í blokkflautufjölskyldunni eru sópranblokkflauta, altblokkflauta, tenórblokkflauta og bassablokkflauta, einnig eru til stærri bassaflautur. Algengasta tegund blokkflautu sem notuð er í kennslu er altblokkflautan.
Blokkflautur skiptast í þrjá hluta, munnstykki, bol og bjöllu. Hljóð blokkflautunnar er framkallað með því að blása í munnstykkið. Í munnstykkinu er blokk sem framkallar hljóðbylgju sem síðan er hægt að lengja með því að loka gripgötum flautunnar og dýpka þannig eða hækka tón hennar. Blokkflautur eru með átta göt en geta framkallað 25 mismunandi tóna hið minnsta. Blokkflautur eru hentug hljóðfæri fyrir byrjendur af því að einfalt er að læra fyrstu nóturnar og fingrasetningar. Sópranblokkflautan er mikið notuð í forskólakennslu í tónlistarskólum á Íslandi.
Saga
[breyta | breyta frumkóða]Á miðöldum voru blokkflautur alveg gríðarlega vinsælar og kunnu um það bil allir á þær, smalar léku fyrir kindur og menn til að ganga í augn á konum. En þær töpuðu þó nokkru af vinsældum sínum í kringum 1800 af því þá komu ný hljóðfæri eins og klarinett, óbó og þverflauta. Blokkflauturnar endurheimtu þó nokkuð af fyrri vinsældum á tuttugustu öld af því að þær eru einföld og góð hljóðfæri. Flauta er blásturshljóðfæri sem að fundið var upp fyrir 30.000 til 37.000 árum.
