Bimbi-rimbi-rimm-bamm

Bimbi-rimbi-rimm-bamm er leikur þar sem þátttakendur standa upp við vegg og einn er valinn „hann“. Sá sem er „hann“ stendur í nokkurri fjarlægð og snýr á móti hópnum. Leikurinn felst í því að syngja saman vísu og fylgja henni eftir með tiltekinni hreyfingu, þar sem „hann“ velur einn úr hópnum til að koma yfir til sín og framkvæma ákveðið verk.

Leikreglur

Þátttakendur stilla sér upp við vegg, á meðan sá sem er „hann“ stendur í nokkurri fjarlægð á móti hópnum.

Sá sem er „hann“ byrjar að syngja:

„Hann“: „Bim-bam-bim-bam, bimbi-rimbi-rimm-bamm“

(Um leið gengur „hann“ fram í fyrri hluta vísunnar en bakkar til baka í þeim síðari)

Hópurinn svarar (og gerir sömu hreyfingar):

Hópur: „Hver er að berja, bimbi-rimbi-rimm-bamm“

„Hann“ heldur áfram:

„Hann“: „Það er (nafn þess sem er „hann“), bimbi-rimbi-rim-bam“

Hópurinn spyr:

Hópur: „Hvern vill hann finna, bimbi-rimbi-rimm-bamm“

„Hann“ velur einhvern úr hópnum með því að nefna nafn:

„Hann“: „(Valið nafn), bimbi-rimbi-rimm-bamm“

Hópurinn spyr hvað hann vilji að viðkomandi geri:

Hópur: „Hvað vill hann með (valið nafn), bimbi-rimbi-rimm-bamm“

„Hann“ segir hvað sá sem hann valdi á að gera:

„Hann“: „Láta (valið nafn) standa á tám, bimbi-rimbi-rimm-bamm“

Hópurinn spyr hvað sá sem hann valdi fái að launum:

Hópur: „Hvað fær (valið nafn) að launum, bimbi-rimbi-rimm-bamm“

„Hann“ svarar með sniðugu svari (getur verið hvað sem er, en má ekki vera meiðandi):

„Hann“: „Sykursnúð með gullhúð“

Hópurinn lýkur svo textanum, annaðhvort með gleði eða „skít og skömm“, allt eftir því hvað við á:

Hópur: „Fari (valið nafn) þá með gleði, bimbi-rimbi-rimm-bamm“

Að lokum fer sú persóna sem „hann“ nefndi yfir til hans og þau koma sér saman um hvern á að kalla á næst. Leikurinn heldur svo áfram þar til allir hafa fengið að vera „hann“ eða þar til þátttakendur ákveða að hætta.

Sjá einnig

• Listi yfir leiki barna

Tilvísanir

  Þessi grein er stubbur. Þú getur hjálpað til með því að bæta við greinina.