Skoða frumkóða fyrir Belgíska karlalandsliðið í knattspyrnu

{{Knattspyrnu landslið
| Nafn = Belgíska karlalandsliðið í knattspyrnu
| Gælunafn = Rauðu Djöflarnir
| Merki = Flag of Belgium.svg
| Íþróttasamband = (''KBVB/URBSFA/KBFV'')
| Þjálfari   = [[Domenico Tedesco]]
| Aðstoðarþjálfari = 
| Fyrirliði = [[Eden Hazard]]
| Varafyrirliði = 
| Flestir leikir = [[Wesley Sneijder]]   (134)
| Flest mörk = [[Romelu Lukaku]](59){{efn-ua|name=fifa_unrec}}
| Leikvangar = Breytilegt
| FIFA sæti = 4 (6. apríl 2023)
| FIFA hæst = 1 
| FIFA hæst ár = Nóvember 2015 – mars 2016, september 2018
| FIFA lægst = 71
| FIFA lægst ár =  Júní 2007
| Fyrsti leikur =  3-3 gegn [[Mynd:Flag_of_France.svg|20px]] [[Franska karlalandsliðið í knattspyrnu|Frakkland]] í [[Uccle]], [[Belgía|Belgíu]] [[1. maí]] [[1904]]
| Stærsti sigur =  10–1 gegn [[Mynd:Flag_of_San Marino.svg|20px]] [[Sanmarínóska karlalandsliðið í knattspyrnu|San Marínó]] [[Brussel|Brussel]] [[Belgía|Belgíu]] [[28. febrúar]] [[2001]]
| Mesta tap =  11-2 gegn [[Mynd:Flag_of_England.svg|20px]] [[Enska karlalandsliðið í knattspyrnu|Englandi]], [[London]], [[England|Englandi]][[17. apríl]] [[1909]]
| HM leikir = 13
| Fyrsti HM leikur = 1930
| Fyrsta HM keppni = 1930
| Mesti HM árangur = 3. sæti [[HM 2018]]
| Álfukeppni = 
| Álfukeppni leikir = 
| Fyrsta álfukeppni = 
| Mesti álfu árangur = 
| pattern_la1        = _bel20h
| pattern_b1         = _bel20h
| pattern_ra1        = _bel20h
| pattern_sh1        = _adidas_black
| pattern_so1        = _3_stripes_black
| leftarm1           = FF0000
| body1              = FF0000
| rightarm1          = FF0000
| shorts1            = FF0000
| socks1             = FF0000
| pattern_la2        = _bel20a
| pattern_b2         = _bel20a
| pattern_ra2        = _bel20a
| pattern_sh2        = _adidas_red
| pattern_so2        = _3_stripes_red
| leftarm2           = FAFAFF
| body2              = FAFAFF
| rightarm2          = FAFAFF
| shorts2            = FAFAFF
| socks2             = FAFAFF
}}
'''Belgíska karlalandsliðið í knattspyrnu''' keppir fyrir hönd [[Belgía|Belgíu]] í [[Knattspyrna|knattspyrnu]]. Besti árangur þess var þegar þeim tókst að hreppa gull á [[Ólympíuleikarnir|Ólympíuleikunum]] 1920, silfurverðlaun á [[EM 1980]] og bronsverðlaun á [[HM 2018]].

==Saga==
Belgar voru fyrstir þjóða á meginlandi [[Evrópa|Evrópu]] til að leggja stund á knattspyrnu. Upphafsmaður þess er talinn [[Írland|írskur]] námsmaður, Cyril B. Morrogh, sem mætti með leðurknött í skóla sinn í borginni Melle þann 26. október 1863. [[Stóra-Bretland|Breskir]] kennarar áttu stóran þátt í útbreiðslu íþróttarinnar í skólum. Iðkunin var í fyrstu bundin við yfirstéttardrengi en með tímanum varð fótbolti að vinsælustu íþrótta alls þorra almennings. Íþróttasamband var stofnað í Belgíu árið 1895 og árið eftir var efnt til fyrsta belgíska meistaramótsins í knattspyrnu.

Óopinbert belgískt landslið mætti hollensku úrvalsliði vorið 1901 í fjórum leikjum. Belgar unnu þá alla, en leikir þessir eru í dag ekki viðurkenndir af [[FIFA]] sem formlegir landsleikir. Fyrsta slíka viðureignin fór hins vegar fram þann 1. maí 1904, þar sem 1.500 áhorfendur sáu Belga og [[Franska karlalandsliðið í knattspyrnu|Frakka]] gera 3:3 jafntefli í Uccle. Þremur vikum síðar voru Belgar í hópi sjö þjóða sem komu að stofnun Alþjóðaknattspyrnusambandsins. Um þessar mundir var landslið Belga valið af nefnd sem í sátu fulltrúar 6-7 sterkustu félagsliða landsins.

===Upphafsár===
Frá og með 1905 mættust Belgar og [[Hollenska karlalandsliðið í knattspyrnu|Holland]] tvisvar á ári, yfirleitt í [[Antwerpen]] og [[Rotterdam]]. Sigurvegari þessa einvígis taldist ''Niðurlandameistari''. Ein þessara fyrstu viðureigna gat af sér viðurnefni belgíska landsliðsins, en hollenskur blaðamaður skrifaði að lið Belga hefði „barist eins og djöflar“ og var í kjölfarið farið að kalla liðið „rauðu djöflana“ eða „rauðu smádjöflana“ með vísun í rauðar liðstreyjurnar. 

Árið 1910 varð [[Skotland|Skotinn]] William Maxwell fyrsti eiginlegi landsliðsþjálfari Belgíu. Undir hans stjórn steig Alphonse Six sín fyrstu spor í landsliðstreyjunni, en hann var talinn besti leikmaður Belga á þessu upphafsskeiði landsliðsins og talinn slyngasti framherji utan Bretlandseyja. [[Fyrri heimsstyrjöldin]] setti stórt strik í alþjóðlegar knattspyrnukeppnir. Engir formlegir landsleikir fóru fram frá 1915-18, þótt Belgar og Frakkar mættust í fáeinum óformlegum vináttuleikjum. Þá féllu þrír belgískir landsliðsmenn í stríðinu mikla.

===Fyrstu stórmótin===
[[File:France-Belgium 1918-04-21.jpg|thumb|upright=1.2|Belgar og Frakkar leika vináttuleik árið 1918. Leikir á stríðsárunum voru haldnir í fjáröflunarskyni, m.a. fyrir fórnarlömb heimsstyrjaldarinnar]]Belgar voru gestgjafar á [[Sumarólympíuleikarnir 1920|Ólympíuleikunum 1920]]. Knattspyrnukeppni leikanna varð söguleg. Landslið hins nýstofnaða ríkis [[Tékkóslóvakía|Tékkóslóvakíu]] fór í úrslitaleikinn eftir að hafa unnið allar viðureignir sínar sannfærandi. Í úrslitunum mættu þeir liði heimamanna í leik þar sem allt fór í loft upp og lið Tékkóslóvakíu gekk af velli til að mótmæla frammistöðu dómarans. Belgar, sem sátu hjá í fyrstu umferð, hlutu því gullverðlaunin eftir einungis tvo eiginlega sigurleiki. Knattspyrnukeppni þessara leika var mun lakari en síðar varð, þannig voru engir þátttakendur frá [[Suður-Ameríka|Suður-Ameríku]] og Bretar tefldu fram áhugamannaliði.

Á leikunum [[Sumarólympíuleikarnir 1924|fjórum árum síðar]] biðu Belgar gríðarlega óvænt afhroð gegn [[Sænska karlalandsliðið í knattspyrnu|Svíum]], 8:1. Litlu betur gekk í [[Sumarólympíuleikarnir 1928|Amsterdam 1928]] þar sem Belgar steinlágu í fjórðungsúrslitum fyrir silfurliði [[Argentínska karlalandsliðið í knattspyrnu|Argentínu]].

Ekki varð uppskeran betri í heimsmeistarakeppninni í knattspyrnu á árunum milli stríða. Belgar mættu til leiks á [[Heimsmeistaramót landsliða í knattspyrnu karla 1930|HM 1930]], [[Heimsmeistaramót landsliða í knattspyrnu karla 1934|1934]] og [[Heimsmeistaramót landsliða í knattspyrnu karla 1938|1938]], en töpuðu öllum sínum leikjum. Frægasti landsliðsmaður Belgíu á þessu tímabili var Raymond Braine. Hann varð fyrsti atvinnumaður Belga í íþróttinni þegar hann gekk til liðs við tékkneska liðið ''Sparta Prag'', en á þessum árum voru belgískir knattspyrnumenn að nafninu til áhugamenn, þótt greiðslur til leikmanna undir borðið væru alsiða.

===Mögru árin===
Eftir að hafa verið fastagestir á stórmótum áranna fyrir [[síðari heimsstyrjöldin|seinna stríð]] voru Belgar sjaldséðir hvítir hrafnar á slíkum mótum frá 1950-70. Þjóðin komst aðeins einu sinni í úrslitakeppni, á [[Heimsmeistaramót landsliða í knattspyrnu karla 1954|HM í Sviss 1954]]. Sú þátttaka varð þó söguleg. Belgar gerðu 4:4 jafntefli við [[Enska karlalandsliðið í knattspyrnu|Englendinga]] í opnunarleik sínum og slógu því næst [[Ítalska karlalandsliðið í knattspyrnu|Ítali]] úr leik eftir tvær viðureignir. Eftir Englandsleikinn fóru einhverjir blaðamenn að nefna Belga sem möguleg heimsmeistaraefni. Í fjórðungsúrslitunum mættust Belgar og [[Austurríska karlalandsliðið í knattspyrnu|Austurríkismenn]] í mögnuðum knattspyrnuleik sem lauk með sigri þeirra síðarnefndu, 7:5.

Þótt Belgar heiðruðu ekki fleiri stórmót með nærveru sinni á þessum árum, náði liðið oft furðugóðum úrslitum í vináttuleikum. Þannig unnu Belgar nýjrýnda heimsmeistara [[Þýska karlalandsliðið í knattspyrnu|Vestur-Þjóðverja]] árið 2:0, skelltu [[Brasilíska karlalandsliðið í knattspyrnu|Brasilíumönnum]] 5:1 árið 1963 og unnu magnaðan 5:4 sigur á hinu frábæra [[Ungverska karlalandsliðið í knattspyrnu|ungverska landsliði]] árið 1956. Fyrir vikið gáfu gárungar belgíska liðinu viðurnefnið „heimsmeistarar í vináttulandsleikjum“.

===Endurreisnin og hollenska vandamálið===
Belgíska landsliðið tók stórfelldum framförum í byrjun áttunda áratugarins, þrátt fyrir að standa rækilega í skugganum á nágrönnum sínum Hollendingum. Belgar skildu bæði [[Júgóslavneska karlalandsliðið í knattspyrnu|Júgóslava]] og [[Spænska karlalandsliðið í knattspyrnu|Spánverja]] eftir í undankeppninni og komust á [[Heimsmeistaramót landsliða í knattspyrnu karla 1970|HM í Mexíkó 1970]]. Þar lenti liðið í strembnum riðli og komst ekki áfram.

Betur gekk í Evrópukeppninni tveimur árum síðar. Belgar ruddu m.a. Ítölum úr vegi til að komast í fjögurra liða úrslitakeppni [[Evrópukeppnin í knattspyrnu 1972|EM 1972]]. Hún fór fram í Belgíu, þar sem heimamenn töpuðu naumlega fyrir Vestur-Þjóðverjum en lögðu Ungverja í leiknum um bronsverðlaunin.

Ekki tókst að byggja á þessari velgengni því Belgar lentu í riðli með erkifjendum sínum Hollendingum (og Íslandi) í forkeppni [[Heimsmeistaramót landsliða í knattspyrnu karla 1974|HM 1974]], þar sem Belgar máttu bíta í það súra epli að falla úr leik á markatölu þrátt fyrir að fá ekki á sig eitt einasta mark. Hollendingar komu einnig í veg fyrir að grannar sínir kæmust á [[Evrópukeppnin í knattspyrnu 1976|EM 1976]] með því að gjörsigra þá í fjórðungsúrslitum. Og enn lentu Belgar í riðli með Hollendingum (og Íslendingum) í undankeppni [[Heimsmeistaramót landsliða í knattspyrnu karla 1978|HM 1978]].

===Fyrri gullöldin===
Guy Thys tók við stjórn landsliðsins árið 1976 og stýrði þvið til 1989. Undir hans stjórn náði liðið áður óþekktum hæðum. Fyrsta stórmótið var [[EM 1980]] þar sem Belgar fóru ósigraðir upp úr sterkum riðli í forkeppninni. Í úrslitakeppninni á Ítalíu skutu Belgar bæði [[Enska karlalandsliðið í knattspyrnu|Englendingum]] og [[Spænska karlalandsliðið í knattspyrnu|Spánverjum]] aftur fyrir sig og tóku toppsætið af [[Ítalska karlalandsliðið í knattspyrnu|heimamönnum]] á fleiri skoruðum mörkum eftir markalaust jafntefli í lokaleik liðanna. Við tók hreinn úrslitaleikur um gullið gegn liði [[Þýska karlalandsliðið í knattspyrnu|Vestur-Þjóðverja]]. Þýskt sigurmark í blálokin, 2:1, gerði það að verkum að Belgar máttu sætta sig við silfrið, sem er enn besti árangur landsins á Evrópumóti.<ref>{{cite journal |url=https://newrepublic.com/article/118096/2014-world-cup-test-belgiums-new-golden-generation |title=Why You Should (and Should Not) be Excited About Belgium's New Golden Generation |magazine=[[The New Republic]] |date=16 June 2014 |author=[[David Runciman]] |accessdate=5 May 2015}}</ref>

Eftir þennan óvænta árangur á Ítalíu tók athygli fótboltaheimsins að beinast að Belgum í vaxandi mæli. Belgar unnu forriðil sinn fyrir [[Heimsmeistaramót landsliða í knattspyrnu karla 2018|HM 1982]] og lentu þar fyrir ofan fjandvini sína Frakka og Hollendinga. Í úrslitakeppninni unnu Belgar [[Argentínska karlalandsliðið í knattspyrnu|heimsmeistara Argentínu]] í opnunarleiknum en töpuðu báðum leikjum sínum í milliriðli.

Í úrslitakeppni [[EM 1984]] unnu Belgar Júgóslava en töpuðu illa fyrir Frökkum og naumlega fyrir [[Danska karlalandsliðið í knattspyrnu|Dönum]] og misstu af undanúrslitasæti. Þetta var síðasta skiptið til ársins 2016 sem Belgar komust fyrir eigin rammleik í úrslitakeppni Evrópumótsins, en árið 2000 fengu Belgar sæti sem gestgjafar í samvinnu við Hollendinga.

Betur gekk á heimsmeistaramótum, þar sem Belgar komust í úrslitakeppnina í hvert einasta sinn frá 1982 til 2002 og fóru oftast upp úr forriðlinum. Sérstaka athygli vakti frammistaðan á [[Heimsmeistaramót landsliða í knattspyrnu karla 1986|HM 1986]] í [[Mexíkó]]. Byrjunin var raunar ekki burðug þar sem Belgar skriðu í 16-liða úrslit eftir að hafa aðeins náð þriðja sæti í riðli sem talinn var einn sá veikasti. Í 16-liða úrslitum unnu Belgar 4:3 sigur á Sovétmönnum eftir framlengingu í einhverjum æsilegasta leik HM-sögunnar. Í fjórðungsúrslitum þurfti vítaspyrnukeppni til að ryðja Spánverjum úr vegi. Lengra komust Belgar þó ekki og höfnuðu í fjórða sæti eftir töp gegn Argentínu og Frökkum.

Belgar tefldu mörgum sömu leikmönnum fram á [[Heimsmeistaramót landsliða í knattspyrnu karla 1990|HM 1990]] og fjórum árum fyrr. Þeirra kunnasti og mikilvægasti leikmaður var af flestum talinn miðjumaðurinn [[Enzo Scifo]]. Belgar komust vandkvæðalítið upp úr riðlakeppninni og vítaspyrnukeppni virtist blasa við í 16-liða úrslitunum þegar Engledingurinn David Platt skoraði sigurmark í blálok framlengingar.

Belgar byrjuðu [[Heimsmeistaramót landsliða í knattspyrnu karla 1994|HM 1994]] með látum og unnu sigra á [[Marokkóska karlalandsliðið í knattspyrnu|Morokkó]] og erkifjendunum Hollendingum í tveimur fyrstu leikjunum. Toppsætið, sem gefið hefði 16-liða úrslitaleik gegn [[Írska karlalandsliðið í knattspyrnu|Írum]], virtist innan seilingar. Öllum að óvörum töpuðu Belgar hins vegar lokaleiknum gegn [[Sádiarabíska karlalandsliðið í knattspyrnu|Sádi-aröbum]] og féllu niður í þriðja sæti riðilsins. Það kostaði strembna viðureign gegn ríkjandi heimsmeisturum Þjóðverja sem unnu 3:2.

===Hallar undan fæti===
Belgar komust á [[Heimsmeistaramót landsliða í knattspyrnu karla 1998|HM 1998]] eftir að hafa enn og aftur lent í forkeppni með Hollendingum. Að þessu sinni var styrkleikamunur liðanna þó æpandi. Hollendingar unnu heimaleikinn 3:1 og útileikinn með þremur mörkum gegn engu. Enzo Scifo hélt á sitt fjórða og síðasta heimsmeistaramót, 32 ára að aldri. Hann gat lítið spilað vegna meiðsla og lagði landsliðsskóna á hilluna eftir keppnina. Útlitið var svo sem bjart í fyrstu þar sem Belgar og Hollendingar gerðu markalaust jafntefli í fyrsta leik. Belgar misstu svo tveggja marka forystu niður í jafntefli gegn Mexíkó, en sigur á [[Suðurkóreska karlalandsliðið í knattspyrnu|Suður-Kóreu]] hefði átt að duga í næstu umferð. Þar mistókst Belgum hins vegar að hanga á forystu sem þeir náðu snemma leiks og þar með var draumurinn úti.

Sársaukafull endurnýjun landsliðsins átti sér stað fyrir [[EM 2000]] sem Belgar og Hollendingar héldu í sameiningu. Sigur á [[Sænska karlalandsliðið í knattspyrnu|Svíum]] í fyrsta leik lofaði góðu en töp gegn Ítölum og [[Tyrkneska karlalandsliðið í knattspyrnu|Tyrkjum]] þýddu að Belgar máttu bíta í það súra epli að falla úr leik í riðlakeppni á heimavelli.

Síðasta stórmótið um hríð var svo [[Heimsmeistaramót landsliða í knattspyrnu karla 2002|HM 2002]]. Þangað komust belgar eftir sigur á [[Tékkneska karlalandsliðið í knattspyrnu|Tékkum]] í umspili. Belgar duttu í lukkupottinn og lentu í riðli með [[Japanska karlalandsliðið í knattspyrnu|Japönum]], [[Rússneska karlalandsliðið í knattspyrnu|Rússum]] og [[Túniska karlalandsliðið í knattspyrnu|Túnisbúum]]. Þeir náðu öðru sætinu en áttu lítið erindi í heimsmeistaraefni [[Brasilíska karlalandsliðið í knattspyrnu|Brasilíumanna]] í 16-liða úrslitum.
[[Mynd:Match Algérie vs Belgique, Coupe du Monde 2014, Brésil (cropped).jpg|thumb|alt=Belgian defender maneuvering around the Algerian goal|Belgar ''(í rauðu)'' að spila gegn [[Alsírska karlalandsliðið í knattspyrnu|Alsíringum]] á Heimsmeistaramótinu árið 2014.|245x245px]]

===Ný dögun===
Belgar komust ekki á stórmót í karlaflokki í rúman áratug eftir HM 2002. Þjálfaraskipti voru ör og liðið fjarri því að teljast í hópi þeirra bestu. Knattspyrnuáhugamenn hugguðu sig þó við sterk yngri landslið. U21-árs liðið stóð sig með sóma á EM 2007 og tryggði sér sæti á [[Sumarólympíuleikarnir 2008|Ólympíuleikunum 2008]] þar sem Belgar höfnuðu í fjórða sæti. Farið var að tala um nýja gullkynslóð.

[[Mark Wilmots]] tók við stjórn landsliðsins árið 2012 og skilaði því taplausu í gegnum undankeppni [[Heimsmeistaramót landsliða í knattspyrnu karla 2014|HM 2014]]. Þegar til Brasilíu var komið sigruðu Belgar alla leiki sína í riðlakeppninni og unnu því næst [[Bandaríska karlalandsliðið í knattspyrnu|Bandaríkjamenn]] í 16-liða úrslitum. Í fjórðungsúrslitum tapaði liðið hins vegar fyrir Argentínu. Árangurinn var þó talinn lofa afar góðu og talað var um belgíska liðið sem eitt það efnilegasta í heimi.

Miklar væntingar voru bundnar við belgíska liðið á [[EM 2016]], enda var það um þær mundir orðið tíður gestur í efstu sætum heimslista FIFA. Belgar höfnuðu í öðru sæti á eftir Ítölum á færri mörkum skoruðum, skelltu svo [[Ungverska karlalandsliðið í knattspyrnu|Ungverjum]] 4:0 en töpuðu óvænt fyrir spútnikliði [[Velska karlalandsliðið í knattspyrnu|Wales]], 3:1 í fjórðungsúrslitum.

Belgar mættu til leiks á [[Heimsmeistaramót landsliða í knattspyrnu karla 2018|HM 2018]] í Rússlandi sem þriðja efsta lið heimslistans. Þeir unnu sinn riðil eftir harða keppni við Englendinga og unnu því næst [[Japanska karlalandsliðið í knattspyrnu|Japani]] í hörkuleik í 16-liða úrslitum. Í fjórðungsúrslitum lögðu Belgar Brasilíumenn að velli, 2:1 en töpuðu fyrir Frökkum í undanúrslitum með einu marki gegn engu. Fjórum dögum síðar unnu þeir Englendinga í bronsleiknum og bættu þannig sinn besta árangur frá árinu 1986.

Á [[EM 2021]] léku meiðsli lykilmanna Belga grátt auk þess sem hluti hópsins var kominn af léttasta skeiði. Belgar unnu alla leikina í riðlakeppninni og slógu því næst [[Portúgalska karlalandsliðið í knattspyrnu|Portúgali]] úr keppni en máttu lúta í gras gegn Ítölum í fjórðungsúrslitum. 

Á [[HM 2022]] í Katar komust Belgar ekki upp úr sínum riðli og var talað um að síðasta tækifæri gullkynslóðar þeirra hafi farið forgörðum. Lykilmaðurinn [[Eden Hazard]] hætti eftir mótið. <ref>[https://www.bbc.co.uk/sport/football/63739245 BBC News - Croatia 0-0 Belgium: Early exit for Belgium as Croatia reach last 16 in Qatar] BBC sótt 7/12 2022</ref>

==Árangur á stórmótum==
=== EM í knattspyrnu ===
{| class="wikitable" style="text-align: center;"   
|-
!Ár
!Gestgjafar
!Árangur
|- 
|[[EM 1960]]||align=left|{{fáni|Frakkland}}||''Tóku ekki þátt''
|-
|[[EM 1964]]||align=left|{{fáni|Spánn}}||''Tóku ekki þátt''
|-
|[[EM 1968]]||align=left|{{fáni|Ítalía}}||''Tóku ekki þátt''
|-bgcolor=bronze
|[[EM 1972]]||align=left|{{fáni|Belgía}}||'''Brons'''
|-
|[[EM 1976]]||align=left|{{fáni|Júgóslavía}}||''Tóku ekki þátt''
|-bgcolor=silver
|[[EM 1980]]||align=left|{{fáni|Ítalía}}||'''Silfur'''
|- 
|[[EM 1984]]||align=left|{{fáni|Frakkland}}||''Riðlakeppni''
|-
|[[EM1988]]||align=left|{{fáni|Þýskaland}}||''Tóku ekki þátt''
|- 
|[[EM 1992]]||align=left|{{fáni|Svíþjóð}}||''Tóku ekki þátt''
|- 
|[[EM1996]]||align=left|{{fáni|England}}||''Tóku ekki þátt''
|- 
|[[EM 2000]]||align=left|<small>{{fáni|Belgía}} & {{fáni|Holland}}</small>||''Riðlakeppni''
|- 
|[[EM 2004]]||align=left|{{fáni|Portúgal}}||''Tóku ekki þátt''
|-
|[[EM 2008]]||align=left|<small>{{fáni|Austurríki}} & {{fáni|Sviss}}</small>||''Tóku ekki þátt''
|-
|[[EM 2012]]||align=left|<small>{{fáni|Pólland}} & {{fáni|Úkraína}}</small>||''Tóku ekki þátt''
|- 
|[[EM 2016]]||align=left|<small>{{fáni|Frakkland}}</small>||''8. liða úrslit''
|-
|[[EM 2021]]||align=left|<small>{{ESB}}Evrópa </small>||''8.liða úrslit''
|-
|[[EM 2024]]||align=left|<small>{{fáni|Þýskaland}}</small>||''16. liða úrslit''
|-
|}

=== HM Árangur ===
{| class="wikitable" style="text-align: center;"   
|-
!Ár
!Gestgjafar
!Árangur
|-
|[[HM 1930]]||align=left|Úrúgvæ||''Riðlakeppni''
|-
|[[HM 1934]]||align=left|{{fáni|Ítalía}} ||''Riðlakeppni''
|-
|[[HM 1938]]||align=left|{{fáni|Frakkland}}||''Riðlakeppni''
|-
|[[HM 1950]]||align=left|{{fáni|Brasilía}}||''Tóku ekki þátt''
|-
|[[HM 1954]]||align=left|{{fáni|Sviss}}||''Riðlakeppni''
|-
|[[HM 1958]]||align=left|{{fáni|Svíþjóð}}||''Tóku ekki þátt''
|-
|[[HM 1962]]||align=left|{{fáni|Síle}}||''Tóku ekki þátt''
|- 
|[[HM 1966]]||align=left|{{fáni|England}}||''Tóku ekki þátt''
|-
|[[HM 1970]]||align=left|{{fáni|Mexíkó}}||''Riðlakeppni''
|-
|[[HM 1974]]||align=left|{{fáni|Þýskaland}}||''Tóku ekki þátt''
|-
|[[HM 1978]]||align=left|{{fáni|Argentína}}||''Tóku ekki þátt''
|- 
|[[Heimsmeistaramót landsliða í knattspyrnu karla 1982|HM 1982]]||align=left|{{fáni|Spánn}}||''Milliriðill''
|- 
|[[HM 1986]]||align=left|{{fáni|Mexíkó}}||''4. sæti''
|-
|[[HM 1990]]||align=left|{{fáni|Ítalía}}||''16. liða úrslit''
|-
|[[HM 1994]]||align=left|{{fáni|Bandaríkin}}||''16 liða úrslit''
|- 
|[[HM 1998]]||align=left|{{fáni|Frakkland}}||''Riðlakeppni''
|-
|[[HM 2002]]||align=left|<small>{{fáni|Suður-Kórea}} & {{fáni|Japan}}</small>||''16 liða úrslit''
|- 
|[[HM 2006]]||align=left|{{fáni|Þýskaland}}||''Tóku ekki þátt''
|-
|[[HM 2010]]||align=left|{{fáni|Suður-Afríka}}||''Tóku ekki þátt''
|-
|[[HM 2014]]||align=left|{{fáni|Brasilía}}||''8. liða úrslit''
|- bgcolor=bronze
|[[HM 2018]]|| align="left" |{{fáni|Rússland}}||'''Brons'''
|-
|[[HM 2022]]||align=left|{{fáni|Katar}}||''Riðlakeppni''
|}

==Leikmannahópur (desember 2022)==
===Markverðir===
*[[Thibaut Courtois]] ([[Real Madrid]])
*Simon Mignolet (Club Brugge)
*Koen Casteels ([[Vfl Wolfsburg]])
===Varnarmenn===
*Thomas Meunier (Borussia Dortmund)
*Timothy Castagne (Leicester City)
*Jan Vertonghen (Anderlecht)
*Arthur Theate (Rennes)
*Wout Faes (Leicester City)
*Zeno Debast (Anderlecht)

===Miðjumenn=== 
*Leander Dendoncker (Aston Villa)
*[[Axel Witsel]] ([[Borussia Dortmund]])  
*[[Kevin De Bruyne]] ([[Manchester City]])
*Amadou Onana (Everton)
*Yannick Carrasco (Atletico Madrid) 
*Youri Tielemans ([[Leicester City F.C.]])
*Hans Vanaken (Club Brugge)
*[[Thorgan Hazard]] ([[Borussia Dortmund]])
*Charles De Ketelaere (AC Milan)
===Sóknarmenn===
*[[Eden Hazard]] ([[Real Madrid]]) (Fyriliði)
*[[Romelu Lukaku]] ([[Internazionale]]) 
*Michy Batshuayi (Fenerbahce)
*[[Leandro Trossard]] ([[Brighton & Hove Albion]])
*[[Dries Mertens]] (Galatasaray)
*Lois Openda (Lens)
*Jeremy Doku (Rennes)

===Flestir leikir===
# '''[[Jan Vertonghen]]''': 145
# '''[[Axel Witsel]]''': 130
# '''[[Toby Alderweireld]]''': 127
# '''[[Eden Hazard]]''': 126
# '''[[Dries Mertens]]''': 109
# '''[[Romelu Lukaku]]''': 104
# '''[[Thibaut Cortois]]''': 100
# '''[[Kevin De Bruyne]]: 97 
# Jan Ceulemans: 96
# Timmy Simons: 94 

===Flest mörk===
# '''[[Romelu Lukaku]]''': 68 
# '''[[Eden Hazard]]''': 33
# Bernard Voorhoof: 30
# Paul Van Himst: 30
# Marc Wilmots: 29 
# Mithy Batshuayi
# Joseph Mermans: 27 
# Ray Braine: 26
# Robert De Veen: 26 
# '''[[Kevin De Bruyne]]''': 25

==Tilvísanir==
[[Flokkur:Evrópsk knattspyrnulandslið]]
[[Flokkur:Karlalandslið í knattspyrnu]]