Beinviður

Beinviður
	; Evrópu beinviður (Euonymus europaeus)
Vísindaleg flokkun
Ríki:	Plantae;
(óraðað):	Angiosperms;
(óraðað)	Eudicots;
(óraðað)	Rosids;
Ættbálkur:	Benviðar-ættbálkur (Celastrales);
Ætt:	Celastraceae;
Ættkvísl:	Euonymus;
Tegund:	E. europaeus;
Tvínefni
	Euonymus europaeus; L.

Beinviður (fræðiheiti: Euonymus europaeus) er blómstrandi runni sem vex víða í Evrópu í skógarjöðrum og við hæðir. Beinviður þrífst best í frjóum kalkríkum jarðvegi. Runninn er vinsæl skrautjurt í almenningsgörðum og heimilisgörðum vegna bleikra og fjóublárra aldina og fallegra haustlita en runninn þolir einnig vel frost og vind. Sums staðar í Bandaríkjum Norður-Ameríku hefur beinviður breiðst út og orðið ágeng jurt. Viðurinn er mjög harður og var notaður til að búa til snældur og heitir runninn "spindle wood" á ensku.

Hlutar af beinvið eru notaðir til lækninga en aldinið er eitrað og inniheldur þeóbrómín og koffín og er mjög beiskt. Eitrun er algeng hjá ungum börnum sem borða litrík aldinin. Eitrun getur valdið nýrnaskemmdum og verið lífshættuleg.