Atlantseyjafélagið

Atlantseyjafélagið (á dönsku: Foreningen De Danske Atlanterhavsøer) var danskt hagsmunafélag sem vann að því að styrkja samband milli íbúa í danska ríkinu. Félagið var stofnað 1902 þegar umræða var um hvort danska ríkið ætti að selja Dönsku Vestur-Indíur til Bandaríkja Norður-Ameríku.

Stofnendur félagsins voru andstæðingar sölu danskra landssvæða og margir efnaðir Kaupmannahafnarbúar studdu það. Félagið gaf út mánaðarritið Atlanten. Meirihluti fólks taldi sig þó ekki eiga mikið sameiginlegt með Dönsku Vestur-Indíum og margir voru andstæðingar þrælahalds og nýlendueigenda þar. Valtýr Guðmundsson var félagsmaður í félaginu. Í desember 1909 var veru Íslendinga í Atlantseyjafélaginu mótmælt á fundi Íslendinga í Kaupmannahöfn og það kallað „Skrælingjafélagið“. Í kjölfar sölunnar á Dönsku Vestur-Indíum fyrir 24 milljónir dollara árið 1917 var félagið endurskipulagt árið 1919 og nafni þess breytt í Dansk Samvirke (nú Danes Worldwide).

Tilvísanir

  Þessi grein er stubbur. Þú getur hjálpað til með því að bæta við greinina.