Aragónít
Aragónít er með sömu efnasamsetningu og kalsít. Nafnið dregur af héraðinu Aragon á Spáni.
Lýsing[breyta | breyta frumkóða]
Geislar grófari en hjá geislasteinum (zeólítum) og sjást í þversprungum. Þegar það er ferskt er það glært og glergljáandi. Finnst oftast veðrað, þá gráleitt og gljái daufur.
- Efnasamsetning: CaCO3
- Kristalgerð: rombísk
- Harka: 3½-4
- Eðlisþyngd: 2,95
- Kleyfni: greinileg
Útbreiðsla[breyta | breyta frumkóða]
Finnst allvíða á Íslandi, aðallega á háhitasvæðum. Holufylling í storkubergi, aðallega í andesíti og basalti. Óstöðugt við venjulegan hita og þrýsting.
Þegar aragónít er hitað upp í 400 °C án aukins þrýstings, umbreytist það í kalsít.
Algengt í skeljum sjávardýra.
Til er hvítt afbrigði af aragóníti sem kallast járnblóm. Útlitið líkist kóralgróðri en ekkert járn finnst í því, þó að það myndist við veðrun járnsambanda.
Heimild[breyta | breyta frumkóða]
- Kristján Sæmundsson og Einar Gunnlaugsson (1999) Íslenska steinabókin. ISBN 9979-3-1856-2