Al Pacino
Al Pacino | |
|---|---|
.jpg) Al Pacino árið 2016. | |
| Upplýsingar | |
| Fæddur | Alfredo James Pacino 25. apríl 1940 New York-borg, Bandaríkjunum |
| Þjóðerni | Bandarískur |
| Ár virkur | 1967– |
| Maki | Lyndall Hobbs (1989–1996)[1] Beverly D'Angelo (1997–2003) Lucila Polak (2008–2018) |
| Börn | 4 |
| Óskarsverðlaun | |
| Besti leikari 1992 Konuilmur | |
Alfredo James „Al“ Pacino (f. 25. apríl 1940) er bandarískur leikari, leikstjóri og handritshöfundur. Pacino er þekktur fyrir ákafan leik sinn í leikhúsum og kvikmyndum og er gjarnan talinn meðal bestu leikara allra tíma.[a] Hann hefur verið virkur í leiklist í rúma fimm áratugi og hefur á þeim tíma unnið fjölda verðlauna, þar á meðal Óskarsverðlaun, tvenn Tony-verðlaun og tvenn Emmy-verðlaun. Hann hefur jafnframt unnið fern Golden Globe-verðlaun, BAFTA-verðlaun og tvenn Screen Actors Guild-verðlaun, auk þess sem hann fékk Cecil B. DeMille-verðlaunin árið 2001, verðlaun Kvikmyndastofnunar Bandaríkjanna fyrir æviafrek árið 2007, þjóðarorðu fyrir listir árið 2011 og heiðursverðlaun Kennedy-miðstöðvarinnar árið 2016.[8][9][10][11] Kvikmyndir Pacinos hafa samanlagt þénað rúma þrjá milljarða bandaríkjadala á heimsvísu.[12]
Pacino byrjaði feril sinn í leiklist í litlum leikhúsum í New York-borg en vann sig upp í stærri sýningar á Broadway.[13] Pacino nam leiklist hjá HB Studio og Actors Studio þar sem Charlie Laughton og Lee Strasberg kenndu honum. Pacino hlaut Óskarsverðlaun sem besti leikarinn fyrir leik sinn í kvikmyndinni Konuilmur (1992). Hann hefur einnig verið tilnefndur til Óskarsverðlauna fyrir hlutverk sín í myndunum Guðfaðirinn (1972), Serpico (1973), Guðfaðirinn II (1974), Á heitum degi (1975), Sekur eða saklaus (1979), Dick Tracy (1990), Fasteignabraskarar (1992) og Írinn (2019). Meðal annarra frægra kvikmynda með Pacino má nefna Skelfing í Nálargarðinum (1971), Fuglahræðan (1973), Maðurinn með örið (1983), Losti (1989), Guðfaðirinn III (1990), Frankie og Johnny (1991), Leið Carlitos (1993), Í hita leiksins (1995), Donnie Brasco, Málsvari myrkrahöfðingjans (báðar 1997), Uppljóstrarinn, Sunnudagsleikurinn (báðar 1999), Svefnvana (2002), Nýliðinn (2003), Við þrettánda mann (2007), Einu sinni var í Hollywood (2019) og House of Gucci (2021).
Í sjónvarpi hefur Pacino leikið í ýmsum verkum í framleiðslu HBO, meðal annars þáttaröðinni Englar í Ameríku (2003) og You Don't Know Jack, ævisögumynd um Jack Kevorkian. Hann vann Emmy-verðlaun fyrir framúrskarandi leik í sjónvarpsþáttaröð eða kvikmynd fyrir bæði hlutverkin. Pacino lék aðalhlutverkið í sjónvarpsþáttunum Hunters (2020–23) hjá Amazon Prime Video. Hann hefur jafnframt leikið fjölmörg hlutverk í leikritum. Hann hefur tvisvar unnið Tony-verðlaun, fyrst fyrir leikritið Does a Tiger Wear a Necktie? (1969) og svo fyrir The Basic Training of Pavlo Hummel (1977). Hann lék jafnframt Sælokk í uppsetningu á Kaupmanninum í Feneyjum árið 2010 og í kvikmyndaútgáfu verksins frá 2004.
Frumraun Pacinos sem leikstjóra var heimildarmyndin Í leit að Ríkharði (1996), sem hann hlaut verðlaun Directors Guild of America fyrir framúrskarandi leikstjórn í heimildarmynd fyrir. Hann hefur síðan leikstýrt og leikið í myndunum Kínverskt kaffi (2000), Wilde Salomé (2011) og Salomé (2013). Árið 2006 heimilaði Pacino að andlit hans yrði notað í tölvuleiknum Scarface: The World Is Yours. Hann skrifaði endurminningar sínar, Sonny Boy, sem voru gefnar út af Penguin Press árið 2024.[14] Pacino hefur verið meðforseti Actors Studio frá árinu 1995.[15]
Neðanmálsgreinar
[breyta | breyta frumkóða]Tilvísanir
[breyta | breyta frumkóða]- ↑ Rocca, Jane (30 júní 2017). „Lyndall Hobbs: I'm ready to remarry again at 64“. Sydney Morning Herald. Afrit af uppruna á 16 janúar 2025. Sótt 22 apríl 2025.
- ↑ „Pacino named 'greatest film star'“ (bresk enska). 5 maí 2003. Sótt 26 maí 2025.
- ↑ „Five of the best al Pacino movies“. 25 apríl 2025. Afrit af uppruna á 25 apríl 2025. Sótt 26 apríl 2025.
- ↑ Muir, Hugh (6 maí 2003). „Pacino, godfather of movie stars“. The Guardian. Afrit af uppruna á 29. desember 2020. Sótt 22 apríl 2025.
- ↑ Marchese, David (5 október 2024). „Al Pacino Is Still Going Big“. The New York Times. Afrit af uppruna á 5 október 2024. Sótt 5 október 2024.
- ↑ Travis, Ben (20. desember 2022). „Empire's 50 Greatest Actors Of All Time List, Revealed“. Empire. Afrit af uppruna á 29. desember 2022. Sótt 22 apríl 2025.
- ↑ Stevenson, Rick (15 nóvember 2024). „The 20 Best Actors Of All Time“. Looper. Afrit af uppruna á 11 apríl 2025. Sótt 22 apríl 2025.
- ↑ „Ready for My deMille: Profiles in Excellence – Al Pacino, 2001“. Golden Globe Awards. júní 2020. Afrit af uppruna á 1 janúar 2023. Sótt 1 janúar 2023.
- ↑ „Pacino 'overwhelmed' by AFI honor“. The Hollywood Reporter. 11 júní 2007. Afrit af uppruna á 1 janúar 2023. Sótt 1 janúar 2023.
- ↑ „Al Pacino honoured at White House“. BBC News (bresk enska). 14 febrúar 2012. Afrit af uppruna á 16 júní 2020. Sótt 13 apríl 2020.
- ↑ „Kennedy Center Honors: Al Pacino, The Eagles, James Taylor Among Those Feted“. The Hollywood Reporter. 4. desember 2016. Afrit af uppruna á 1 janúar 2023. Sótt 1 janúar 2023.
- ↑ „Al Pacino“. The Numbers. Sótt 23 júlí 2025.[óvirkur tengill]
- ↑ „This Month in Theatre History“. American Theatre. 7 apríl 2025. Afrit af uppruna á 13 febrúar 2026. Sótt 6. mars 2026.
- ↑ „Sonny Boy“. Penguin Press. 15 október 2024. Sótt 8. mars 2026.
- ↑ „The Actors Studio Leadership“. Actors Studio. 12. mars 2026. Sótt 12. mars 2026.
