Þvag

Úr Wikipediu, frjálsa alfræðiritinu
Jump to navigation Jump to search
Þvagprufa úr manni

Þvag eða piss er vökvi sem líkaminn notar til að skilja út aukaafurðir efnaskipta líkamans. Þvagið er myndað í nýrunum. Það fer í gegnum þvagpípurnar yfir í þvagblöðruna, og þaðan í gegnum þvagrásina út úr líkamanum.

Yfirleitt er þvag gult á lit en ýmislegt getur haft áhrif á litinn, til dæmis hversu mikið maður drekkur og borðar. Sumar matvörur geta líka haft áhrif á litinn, til dæmis ef mikils af rauðrófu er neytt þá getur þvagið orðið rautt. Ef blóð er í þvaginu getur það bent á sjúkdóma eins og nýrnasteina eða nýrnabólgu.[1]

Með þvagi skilar líkaminn út vatnsleysanlegum efnum, þá sér í lagi efnum sem innihalda nitur eins og þvagefni, þvagsýru, og kreatínín.

Þvag samanstendur af vatni (yfir 95 %), þvagefni 9,3 g/L, klóríði 1,87 g/L, natríni 1,17 g/L, kalíni 0,750 g/L, og öðrum uppleystum jónum, ólífrænum og lífrænum efnasamböndum.

Heimildir[breyta | breyta frumkóða]

  1. „Vísindavefurinn: Af hverju er þvag gult?“. Sótt 23. nóvember 2011.
  Þessi líffræðigrein er stubbur. Þú getur hjálpað til með því að bæta við greinina.