Skoða frumkóða fyrir Íslamska ríkið

{{Félagasamtök
|nafn =Íslamska ríkið<br>{{small|الدولة الإسلامية (ad-Dawlah al-Islāmiyah)}}
|mynd =Flag of the Islamic State of Iraq and the Levant2.svg
|myndaheiti ={{small|Fáni ISIS með innsigli Múhameðs. Efri línan vísar í [[Trúarjátning múslima|trúarjátningu múslima]]: „Það er enginn guð nema Allah“ og hvíta merkið vísar til innsiglis Múhameðs og textans „Múhameð er sendiboði Allah“.}}
|kort =Territoires de l'Etat islamique juin 2015.png
|kortaheiti={{small|Yfirráðasvæði ISIS þegar það var stærst, í júní 2015. Yfirráðasvæði ISIS er í gráum lit.}}
|skammstöfun= ISIS eða ISIL
|undanfari= [[Jama'at al-Tawhid wal-Jihad]] (1999)
|stofnun= {{start date and age|1999}} (sem [[Jama'at al-Tawhid wal-Jihad]])<br>{{start date and age|2006|10|13}} (stofnun íslamsks ríkis yfirlýst)<br>{{start date and age|2014|6|29}} (stofnun [[kalífadæmi]]s yfirlýst)
|höfuðstöðvar=Óvíst (síðan 2019)
|staðsetning=[[Sýrland]] og [[Írak]]
|stofnandi=[[Abu Musab al-Zarqawi]] {{KIA}}
|titill_leiðtoga = Leiðtogi
|nafn_leiðtoga = [[Abu Bakr al-Baghdadi]] {{KIA}} (2010-2019)<br>[[Abu Ibrahim al-Hashimi al-Qurashi]] {{KIA}} (2019-2022)<br>[[Abu al-Hasan al-Hashimi al-Qurashi]] {{KIA}} (2022)<br>[[Abu al-Hussein al-Husseini al-Qurashi]] {{KIA}} (2022-2023)<br>[[Abu Hafs al-Hashimi al-Qurashi]] (2023–)
|hugmyndafræði=[[Jihad]]ismi, [[Íslam|íslömsk]] [[bókstafstrú]], [[wahhabismi]]
}}
[[Mynd:Syrian Civil War map (November 24, 2023).svg|thumb|right|Kort sem sýnir yfirráðasvæði Íslamska ríkisins (grátt).]]
[[Mynd:Coalition Airstrike on ISIL position in Kobane.jpg|thumb|Loftárás á ISIS í kúrdíska bænum Kobane.]]
'''Íslamskt ríki í Írak og Austurlöndum nær''' ([[arabíska]]: الدولة الإسلامية في العراق والشام‎ ''ad-Dawlah al-Islāmiyah fī 'l-ʿIrāq wa-sh-Shām'', skammstafað ''Daesh'') eða einfaldlega '''Íslamska ríkið''', oftast kallað '''ISIS''' (''Islamic State of [[Írak|Iraq]] and [[Sýrland|Syria]]'') eða '''ISIL''' (''Islamic State of Iraq and the [[Botnalönd|Levant]]''), oft nefnt „Samtökin sem kenna sig við íslamskt ríki“ í fjölmiðlum á Íslandi, eru hryðjuverkasamtök sunní-múslima sem fylgja [[jihad]] samkvæmt rétttrúnaði ([[Salafismi|salafisma]]) í [[íslam]]. Samtökin komust á legg árið 2012 upp úr mótmælum og andófi gegn ríkisstjórn og forseta Sýrlands í kjölfar þjóðfélagsumróta í Mið-Austurlöndum, sem nefnd hafa verið [[arabíska vorið]]. Samtökin voru virk í [[Uppreisnin í Írak (2003-)|Uppreisninni í Írak]] og [[Sýrlenska borgarastyrjöldin|Sýrlensku borgarastyrjöldinni]]. Á árinu 2014 lýsti Íslamska ríkið yfir stofnun nýs [[kalífadæmi]]s múslima á svæði sem tók yfir stóran hluta Sýrlands og Íraks. ISIS kom á fót [[sharía]]-löggjöf á valdasvæði sínu og stóð fyrir stórtækum ofsóknum, ofbeldisverkum og kúgun. Trúarhópar kristinna, jasída og shía-múslima voru ofsóttir og drepnir í fjöldamorðum. Þúsundir kvenna voru hnepptar í kynlífsþrældóm og seldar á þrælamörkuðum við Persaflóa. 

Ólýsanleg ofbeldisverk hafa verið framin af vígamönnum Íslamska ríkisins. [[Sameinuðu þjóðirnar]] hafa sakað Íslamska ríkið um [[stríðsglæpir|stríðsglæpi]] og [[mannréttindabrot]] og [[Amnesty International]] hefur talað um [[þjóðernishreinsanir]] á „sögulegum skala“. Fjöldi ríkja, Sameinuðu þjóðirnar og [[Evrópusambandið]] hafa lýst samtökin [[hryðjuverk]]asamtök. Yfir 60 lönd hafa átt beint eða óbeint í stríði við Íslamska ríkið. Vestrænir blaðamenn og hjálparstarfsmenn hafa verið myrtir af samtökunum.

==Upphaf==
Í kjölfar innrásar Bandaríkjmanna og Breta í Írak árið 2003 urðu [[súnní-múslimar]], sem voru hluti af ríkjandi valdhöfum, valdalausari og [[shía]]-múslimar fengu aukin völd í Írak. Þetta leiddi til ólgu og meiri róttækni innan súnní-samfélaga. [[Abu Musab Zarqawi]], upprunalega frá [[Jórdanía|Jórdaníu]], var leiðtogi hóps sem rekja má til ársins 1999 og var tengdur [[Al-Kaída]]. Hann gerði árásir á shía-múslima og bandaríska herliðið. Hann sór eið til [[Al-Kaída]] samtakanna. Zarqawi féll í loftárás BNA árið 2006 en eftir dauða hans stofnuðu róttækir uppreisnarmenn súnní-múslima Íslamska ríkið í Írak ([[ISI]]) sem átti að sameina Al-Kaída og aðra hryðjuverkahópa múslima. Leiðtogar þeirra voru drepnir af Bandaríkjaher í árið 2010 og uppreisnarmennirnir hörfuðu og urðu æ einangraðari. Leifar af þessum uppreisnarhópum voru leiddir af Ibrahim Awad al-Badri sem síðar kallaði sig, [[Abu Bakr al-Baghdadi]] eftir [[Abu Bakr]] sem á að hafa verið fyrsti arftaki Múhameðs skv. trúarritum íslams. Baghdadi hafði verið í fangabúðum Bandaríkjahers, [[Camp Bucca]], árið 2004 þar sem hann byggði upp tengsl við aðra róttæka súnní-múslima.

Árið 2011 opnaðist fyrir landamærin í Sýrlandi vegna borgarastríðs þar og Baghdadi og fylgismenn nýttu tækifærið og fóru inn í landið. Þar fundu þeir fyrir róttæka súnní-múslima, andstæðinga [[Bashar Al-Assad]]s Sýrlandsforseta, og stofnuðu Al-Nusra samtökin. Bandaríski herinn yfirgaf Írak árið 2011 og undir nýjum forseta [[Nouri al-Maliki]] sem var [[shía]]-múslimi. Fannst súnní-múslimum þeir vera enn meir jaðarsettir. Árið 2013 lýsti Baghdadi yfir að Al-Nusra væri undir sínum væng og stofnaði til Íslamska ríkis Íraks og Sýrland (ISIS). Síðar voru átök milli Al-Nusra og ISIS og sumir úr Al-Nusra gengu yfir í ISIS. Al Kaída höfnuðu ISIS árið 2014 því þeim fannst þeir hafa of ofsafengnar aðferðir.<ref>[http://www.bbc.com/news/world-middle-east-35695648 Islamic State group: The full story] BBC. Skoðað 14. október, 2016.</ref>

==Hugmyndafræði==
Hugmyndafræði og kenningar ISIS koma úr [[bókstafstrú]] í [[íslam]] um [[Jihad]] (arabíska: ''salafiya jihadiyah''), sem krefst þess að allir múslimar taki þátt í „heilögu stríði“ gegn „vantrúuðum“ og „heiðingjum“ (þeim sem ekki eru múslimar). Stríð og árásir ISIS gegn hópum múslima sem teljast hófsamir, eru réttlættar með því að um sé að ræða „hræsnara“ (arabíska: ''takfir'') sem ekki iðka og fylgja súnní-íslamstrú rétt. Takmark ISIS er að sameina alla múslima í eitt ríki, „[[Kalífat]]“, undir stjórn eins drottnara, „kalífa“ og að ná loks öllum heiminum undir vald múslima og lögmál íslams („[[sharía]]“).<ref>Dr. Lawrence A. Franklin, Post-Caliphate ISIS, Gatestone Institute, 19.2.2019, https://www.gatestoneinstitute.org/13750/post-caliphate-isis</ref><ref>ISIS’s Ideology and Vision, and their Implementation, Crethi Plethi, 21.2.2019, http://www.crethiplethi.com/isis-s-ideology-and-vision-and-their-implementation/islamic-countries/syria-islamic-countries/2015/</ref>

==2014-2019==
ISIS-liðar náðu stórum hluta Sýrlands og Íraks á sitt vald í júní árið 2014 og lýstu yfir stofnun Íslamska ríkisins sem nýs kalifats múslima á svæðinu með [[Abu Bakr al-Baghdadi]] sem æðsta valdhafa eða „[[Kalífi|kalífa]]“ (arabíska: ''khalīfah'', þýðir „arftaki“ [Múhameðs]). ISIS kom á fót sharía-löggjöf og stóð fyrir stórtækum ofsóknum og ofbeldisverkum á svæðinu allt frá stofnun þess. Trúarhópar [[Kristni|kristinna]], [[Jasídar|jasída]] og [[sjía]]-múslima hafa verið ofsóttir og drepnir. Þúsundir kvenna og stúlkna hafa verið hnepptar í kynlífsþrældóm og seldar á þrælamörkuðum múslima við Persaflóa. Ólýsanleg ofbeldisverk voru framin af vígamönnum Íslamska ríkisins, t. d. þar sem óléttum konum og nýfæddum börnum var nauðgað og þau drepin.

Þegar kom fram á árið 2017 höfðu yfir 300.000 manns verið drepnir í Sýrlandi og margar milljónir höfðu flúið heimili sín. Tugum þúsunda fólks af trúarhópum jasída í Írak hefur verið útrýmt af vígamönnum ISIS.<ref>Muhammad Jambaz, Sarah Sirgany, Bodies of 1,500 Yazidis found in northern Iraq since 2015, CNN, 12.4.2017, https://edition.cnn.com/2017/04/12/middleeast/iraq-yazidi-mass-graves-isis/</ref>
<ref>UN: ISIS genocide of Yazidis in Iraq ongoing, CBS News, 3.8.2016, https://www.cbsnews.com/news/united-nations-says-isis-yazidi-genocide-ongoing-in-iraq/</ref>

Í janúar 2014 náðu ISIS undir sig [[Fallujah]] og í júní [[Mósúl]], annarri stærstu borg Íraks. Samtökin komust yfir vopnabúr íraska hersins í Mósúl sem styrkti stöðu þeirra heilmikið. Síðar fóru niður Tígris dal og náðu undir sig borginni Tikrit og smærri bæjum. Shí-múslimar voru teknir af lífi. Í Sýrlandi höfðu ISIS lagt undir sig borgina Rakka ([[Al-Raqqah]]). Síðar héldu þeir norður til Kúrdahéraða, og á svæði [[Jasídar|Jasída]], borginni [[Sinjar]]. Karlmenn jasída sem náðu ekki að flýja voru drepnir. Konur og börn voru tekin föngnum, sumar konur í kynlífsþrælkun. 

Liðsmenn ISIS sátu um kúrdísku borgina [[Kobane]] í september 2014. Umsátrið varði lengi og borgin var illa farin eftir átökin. Bandaríkjamenn blönduðu sér inn í átökin og sprengdu svæði ISIS í borginni. 

[[Ramadi]], höfuðborg Anbar héraðs, var endurheimt í lok 2015 eftir talsvert umsátur og eyðileggingu. Samtökin höfðu um mitt ár 2016 tapað um þriðjung af svæði sínu þegar að var umfangsmest.

Haustið 2016 var réðst íraski stjórnarherinn í [[Mósúl]], Írak, en borgin var frelsuð í júlí 2017. Einnig réðust Kúrdar og fleiri á borgina [[Al-Raqqah]], Sýrlandi, sem talið var höfuðvígi ISIS.

Í desember 2017 hafði ISIS misst megnið að svæði sínu og réðu aðeins 2% af því svæði sem þeir höfðu á hámarki veldis síns. Forsætisráðherra Íraks, [[Haider al-Abadi]] sagði þá samtökin hafa verið upprætt í landinu. ISIS réði þá aðeins yfir litlu svæði í Sýrlandi.

Í febrúar árið 2019 hafði veldi ISIS í Sýrlandi verið brotið á bak aftur. Þá sátu kúrdískar hersveitir ([[Lýðræðissveitir Sýrlands]] eða SDF) með stuðningi frá hersveitum og lofther Bandaríkjanna um nokkur hundruð vígamenn og fjölskyldur ISIS sem höfðu hreiðrað um sig í bænum [[Baghuz]] á bökkum Efratsfljótsins. Herforingi Kúrda sagði vígamenn ISIS þá að mestu samanstanda af múslimum frá Frakklandi, Írak, Rússlandi, Úkraínu, Kanada og Mið-Asíu. Margir meðlimir ISIS reyndu að flýja af vígvellinum, en voru þá skotnir af ISIS liðum sjálfum.

Talið var að foringi samtakanna, Abu Bakr al-Bagdadi, hefði þá verið flúinn til [[Afganistan]] eða [[Pakistan]] og að margir ISIS-liðar myndu fylgja honum þangað.<ref>Martin Chulov, Isis fighters firing at escaping family members, says coalition, The Guardian, 14.2.2019, https://www.theguardian.com/world/2019/feb/14/isis-fighters-shot-escaping-family-members-says-coalition</ref><ref>Dr. Lawrence A. Franklin, Post-Caliphate ISIS, Gatestone Institute, 19.2.2019, https://www.gatestoneinstitute.org/13750/post-caliphate-isis</ref>

Sameinuðu þjóðirnar vöruðu þá við því að þó samtökin (ISIS) væru að mestu sigruð hernaðarlega, hefðu þau yfir að ráða meira en 230 milljónum sterlingspunda, sem geymd væru í ýmsum löndum til að fjármagna hryðjuverk og árásir þegar tækifæri gæfust til.<ref>Jacob Dirnhuber, Desperate ISIS terror fanatics have stashed away MILLIONS, The Sun, 12.2.2019, https://www.thesun.co.uk/news/8408606/isis-stashed-millions-fun-attack-britain-west/</ref><ref>[http://www.visir.is/g/2019190229909 Fjölskyldur fluttar á brott úr síðasta ferkílómetra ISIS] Vísir, skoðað 22. feb. 2019.</ref>

Síðasta vígi Íslamska ríkisins í Baghuz féll svo þann 21. mars. Síðustu vígamennirnir gáfust þá upp, en vikurnar áður höfðu um 60.000 liðsmenn þess flúið átökin. Flestir höfðu verið handteknir og var haldið í fangabúðum kúrdískra hersveita, sem höfðu farið fram á aðstoð Bandaríkjamanna við að setja upp dómstóla til að ákæra og rétta yfir fylgismönnum Íslamska ríkisins. Á hátindi íslamska ríkisins í Sýrlandi og Írak stjórnaði það yfir um 8 milljónum manna.<ref>Benjamin Hall, ''ISIS caliphate has crumbled and last stronghold liberated'', Fox News Network, 21.3.2019, https://www.foxnews.com/world/isis-has-officially-crumbled-and-last-stronghold-liberated-fox-news-has-learned</ref><ref>''Lýsa yfir sigri á Ríki íslams '', mbl.is, 23.3.2019, https://www.mbl.is/frettir/erlent/2019/03/23/lysa_yfir_sigri_a_riki_islams/</ref>

==Eftir fall kalífadæmisins (2019–)==
Abu Bakr al-Baghdadi, leiðtogi ISIS, sprengdi sjálfan sig í loft upp þann 27. október árið 2019 til að forðast handtöku þegar sérsveit Bandaríkjahers réðst á fylgsni hans í Sýrlandi.<ref>{{Vefheimild|titill=Leiðtogi Ríkis íslams sprengdi sig í loft upp|url=https://www.mbl.is/frettir/erlent/2019/10/27/leidtogi_rikis_islams_sprengdi_sig_i_loft_upp/|útgefandi=mbl.is|mánuður=27. október|ár=2019|árskoðað=2019|mánuðurskoðað=27. október|höfundur=}}</ref> Maður að nafni [[Abu Ibrahim al-Hashimi al-Qurashi]] tók við af Baghdadi sem leiðtogi og „kalífi“ samtakanna.<ref name=":0">{{Cite web|url=https://www.theguardian.com/world/2019/oct/31/islamic-state-new-leader-abu-bakr-al-baghdadi-abu-ibrahim-al-hashimi-al-qurayshi|title=Islamic State names new leader after death of Abu Bakr al-Baghdadi|last=Chulov|first=Martin|date=2019-10-31|work=The Guardian|access-date=2019-10-31|language=en-GB|issn=0261-3077|archive-url=https://web.archive.org/web/20191031162013/https://www.theguardian.com/world/2019/oct/31/islamic-state-new-leader-abu-bakr-al-baghdadi-abu-ibrahim-al-hashimi-al-qurayshi|archive-date=2019-10-31|url-status=live}}</ref> Abu Ibrahim al-Hashimi al-Qurashi var einnig drepinn í árás Bandaríkjahers þann 3. febrúar 2022.<ref>{{Vefheimild|titill=Leiðtogi ISIS-samtakanna drepinn í aðgerð Bandaríkjahers|url=https://www.visir.is/g/20222217534d/leid-togi-isis-sam-takanna-drepinn-i-ad-gerd-banda-rikja-hers|útgefandi=''[[Vísir (vefmiðill)|Vísir]]''|mánuður=3. febrúar|ár=2019|árskoðað=2022|mánuðurskoðað=4. febrúar|höfundur=Atli Ísleifsson}}</ref> Eftir dauða hans var [[Abu al-Hasan al-Hashimi al-Qurashi]] skipaður nýr kalífi samtakanna, en hann er eldri bróðir Abu Bakr al-Baghdadi.<ref>{{Vefheimild|titill=Nýr leiðtogi Íslamska ríkisins bróðir stofnandans|url=https://www.visir.is/g/20222233740d/nyr-leid-togi-islamska-rikisins-brodir-stofnandans|útgefandi=''[[Vísir (vefmiðill)|Vísir]]''|mánuður=11. mars|ár=2022|árskoðað=2022|mánuðurskoðað=3. mars|höfundur=Árni Sæberg}}</ref> Sá var einnig drepinn í lok nóvember sama ár.<ref>{{Vefheimild|titill=Enn einn leiðtogi ISIS er fallinn|url=https://www.visir.is/g/20222346005d/enn-einn-leidtogi-isis-er-fallinn|útgefandi=''[[Vísir (vefmiðill)|Vísir]]''|dags=30. nóvember 2022|skoðað=30. nóvember 2022|höfundur=Samúel Karl Ólason}}</ref>

Næsti leiðtogi ISIS var [[Abu al-Hussein al-Husseini al-Qurashi]] en hann var drepinn af tyrknesku leyniþjónustunni í apríl 2023.<ref>{{Vefheimild|titill=Segir Tyrki hafa fellt leiðtoga ISIS|url=https://www.visir.is/g/20232409072d/segir-tyrki-hafa-fellt-leid-toga-isis|útgefandi=''[[Vísir (vefmiðill)|Vísir]]''|dags=30. apríl 2023|skoðað=1. maí 2023|höfundur=Árni Sæberg }}</ref>

==ISIS í öðrum löndum==
Skæruliðar í Líbíu voru fyrstir til að sverja hollustu við samtökin árið 2014  og stuttu eftir í [[Egyptaland]]i, nánar tiltekið [[Sínaískagi|Sinaískaga]]. [[Boko Haram]] í [[Nígería|Nígeríu]] fylgdi fordæminu árið 2015. Hópar frá [[Jemen]] og [[Afganistan]] hafa einnig lýst yfir stuðningi við ISIS. Samtökin [[ISIS-K|Íslamska ríkið í Khorasan]] (ISIS-K eða IS-KP) hafa framið fjölda árása í Afganistan á síðari árum,<ref name=mbl>{{Vefheimild|titill=Hver eru Isis-K hryðjuverkasamtökin?|url=https://www.mbl.is/frettir/erlent/2021/08/26/hver_eru_isis_k_hrydjuverkasamtokin/|útgefandi=[[mbl.is]]|dags=26. ágúst 2021|skoðað=28. mars 2024}}</ref> auk þess sem samtökin lýstu yfir ábyrgð á mannskæðri [[Hryðjuverkaárásin á Crocus City Hall|hryðjuverkaárás í Moskvu]] í mars 2024.<ref>{{Vefheimild|titill=Hverjir eru ISKP? Skæðasti angi Íslamska ríkisins teygir anga sína til Moskvu|url=https://www.visir.is/g/20242548334d/hverjir-eru-isis-k-skaedasti-angi-islamska-rikisins-teygir-anga-sina-til-moskvu|útgefandi=[[Vísir (vefmiðill)|Vísir]]|dags=26. mars 2024|skoðað=28. mars 2024|höfundur=Samúel Karl Ólason}}</ref> 
 
==Áróður==
ISIS gefur út vefritið [[Dabiq]] þar sem hugmyndafræði og áróðri er dreift. Undir stjórn ISIS þarf fólk að fara eftir ákveðnum reglum um klæðaburð og háttvísi: konur þurfa að klæðast blæju og karlmenn að safna skeggi. Tónlist, kaffihús, sjónvarp og farsímar eru bannaðir. Siðalögregla fer um svæði; vaktar og leitar að brotamönnum. Þeir sem búa á svæði samtakanna en aðhyllast ekki íslam þurfa að borga skatt, ellegar snúast til íslams eða verða líflátnir ella.

Aðgerðir sínar og hugmyndafræði réttlæta ISIS-liðar nánar með áróðri og tilvísunum í Kóraninn og aðra trúartexta íslams. Fjöldinn allur af múslimum frá Vesturlöndum hefur gengið til liðs við ISIS. Stærsti hópur vígamanna ISIS hefur komið frá Sádi-Arabíu.<ref>Christine Williams, “More citizens of Saudi Arabia have joined the Islamic State than from any other country”, Jihad Watch, 11.3.2017, https://www.jihadwatch.org/2017/03/more-citizens-of-saudi-arabia-have-joined-the-islamic-state-than-from-any-other-country {{Webarchive|url=https://web.archive.org/web/20181203152646/https://www.jihadwatch.org/2017/03/more-citizens-of-saudi-arabia-have-joined-the-islamic-state-than-from-any-other-country |date=2018-12-03 }}</ref> Um 6000 sjálfboðaliða frá [[Túnis]] hafa gengið til liðs við samtökin.

Íslamska ríkið sendi út ákall og hvatningu árið 2014, og fleiri síðar, til múslima á Vesturlöndum um að ráðast á og drepa fólk sem ekki er múslimar með öllum tiltækum ráðum. Þar voru múslimar hvattir til þess að drepa fólk með grjóti, hnífaárásum, keyra yfir fólk á bílum, kasta fólki ofan af byggingum, eitra fyrir þeim og kyrkja.<ref>Yara Bayoumy, “Isis urges more attacks on Western ‘disbelievers’”, Independent, http://www.independent.co.uk/news/world/middle-east/isis-urges-more-attacks-on-western-disbelievers-9749512.html {{Webarchive|url=https://web.archive.org/web/20181224195316/https://www.independent.co.uk/news/world/middle-east/isis-urges-more-attacks-on-western-disbelievers-9749512.html |date=2018-12-24 }}</ref><ref>"Normandy terrorists pledged allegiance to ISIS", Arutz Sheva, 28.7.2016, http://www.israelnationalnews.com/News/News.aspx/215645</ref><ref>Greg Myre, "A Mass Shooter Pledges Allegiance To ISIS", National Public Radio, 13.6.2016, https://www.npr.org/sections/parallels/2016/06/13/481284054/a-mass-shooter-pledges-allegiance-to-isis-what-does-this-mean?t=1551470806557</ref><ref>Alice Foster, "Terror attacks timeline: From Paris and Brussels", Express, 18.8.2017, https://www.express.co.uk/news/world/693421/Terror-attacks-timeline-France-Brussels-Europe-ISIS-killings-Germany-dates-terrorism</ref> Árið 2016 sendi Íslamska ríkið frá sér yfirlýsingu þar sem segir að stríð þeirra gegn Vesturlöndum sé trúarlegt að fyrirskipun og uppskrift Kóranins og að þeir muni hata hin kristnu Vesturlönd þar til þau taki upp íslam. Í sömu yfirlýsingu var einnig hæðst að ummælum [[Frans páfi|Frans páfa]] Kaþólsku kirkjunnar, sem hafði áður lýsti því yfir að „rétt túlkun á Kóraninum hafnaði öllu ofbeldi“.<ref>Theresa Giarratano, ISIS To Pope Francis: This Is A Religious War Between The Muslim Nation And The Nations Of Disbelief, American Military News, 3.8.2016, https://americanmilitarynews.com/2016/08/isis-to-pope-francis-this-is-a-religious-war-between-the-muslim-nation-and-the-nations-of-disbelief/</ref>

==Fjármögnun==
ISIS hefur fjármagnað starfssemi sína m.a. með því að selja olíu og með fjárkúgunum. Auðugir einstaklingar hafa einnig styrkt samtökin.<ref>[http://www.bbc.com/news/world-middle-east-29052144 What is 'Islamic State'?] BBC. Skoðað 14. október, 2016</ref> Samtökin hafa einnig selt fornminjar ásamt því að eyðileggja þær. ISIS hefur eyðilagt hluta af fornu borginni [[Palmýra]], einni elstu borg í heimi.

==Hryðjuverk og fjöldamorð==
Haustið 2015 voru framin hryðjuverk þar sem gjörningsmennirnir sögðust hafa framið þau fyrir samtökin ISIS. Í Egyptalandi var flugvél sprengd í miðju lofti þar sem meira en 200 létust og í París [[Hryðjuverkaárásirnar í París nóvember 2015|drápu byssumenn um 130 manns]]. Bandaríkjamenn höfðu gert loftárásir á samtökin fram að þessu en Frakkar skárust í leikinn tímabundið. Rússland einnig en þeir ráðast auk þess á aðra andstæðinga Assads forseta Sýrlands.

Í júnímánuði árið 2017 lýsti neðri deild austurríska þingsins (þýska: Nationalrat) því yfir að Íslamska ríkið hefði framið þjóðarmorð gegn kristnu fólki í Mið-Austurlöndum. Þar var því lýst hvernig Íslamska ríkið hafði hálshöggvið og grýtt kristið fólk til bana, börn kristins fólks höfðu verið pyntuð og hálfhöggvin fyrir framan foreldra sína fyrir að neita að taka íslam, börnum kristinna hafði verið nauðgað og þau brennd lifandi og að heilu þorpum kristinna hefði verið eytt.<ref>Stoyan Zaimov, “Austria Among First Nations to Recognize ISIS' Genocide Against Christians“, The Christian Post, 21.6.2017, http://www.christianpost.com/news/austria-among-first-nations-recognize-isis-genocide-against-christians-188925/</ref>
==Tilvísanir==
<references/>
{{s|1999}}
[[Flokkur:Íslamska ríkið| ]]
[[Flokkur:Íslömsk hryðjuverkasamtök]]