The Big Bang Theory

Úr Wikipediu, frjálsa alfræðiritinu
Stökkva á: flakk, leita
The Big Bang Theory
The big bang theory.jpg
Opnunarmynd þáttanna
Tegund Gaman
Handrit Chuck Lorre
Bill Prady
Leikstjórn James Burrows (1. þátturinn)
Mark Cendrowski
Sjónvarpsstöð CBS
Leikarar Johnny Galecki
Jim Parsons
Kaley Cuoco
Simon Helberg
Kunal Nayyar
Sara Gilbert
Upphafsstef „The History of Everything“ - Barenaked Ladies
Land Fáni Bandaríkjana Bandaríkin
Tungumál Enska
Fjöldi tímabila 5
Fjöldi þátta 98
Framleiðsla
Framleiðslufyrirtæki Chuck Lorre
Bill Prady
Lee Aronsohn
Framleiðandi Steve Molaro
Mike Collier
Faye Oshima Belyeu
Klipping Peter Chakos
Myndataka Multi-camera
Lengd þáttar 21 mín.
Útsending
Upprunaleg sjónvarpsstöð CBS
Myndframsetning 480i (SDTV)
1080i (HDTV)
Fyrsti þáttur í September 2007
Sýnt 24. september 2007 – –

The Big Bang Theory er bandarískur gamanþáttur sem er búinn til og framleiddur af Chuck Lorre og Bill Prady og fór í loftið 24. september 2007.

Þátturinn gerist í Pasadena í Kaliforníu og snýst um líf tveggja karlmanna á þrítugsaldri sem eru eðlisfræðingar. Annar þeirra (Leonard) er tilrauna-eðlisfræðingur en hinn (Sheldon) er kennilegur eðlisfræðingur og búa þeir á móti fallegri ljóshærðri þjónustustúlku sem reynir að komast áfram í skemmtanaiðnaðinum (Penny).

Nördaskapur og gáfur Leonards og Sheldons eru langt frá því Penny á að venjast í mannlegri hegðun og almennri skynsemi og er það grundvöllur fyrir skemmtanagildi þáttanna. Tveir álíka nördalegir vinir þeirra, Howard og Rajesh, eru líka aðalpersónur. Þátturinn er framleiddur í samstarfi Warner Bros. Television og Chuck Lorre Productions. Í mars 2009 var tilkynnt um að þátturinn hefði verið endurnýjaður fyrir þáttaraðir þrjú og fjögur. Í ágúst 2009 vann þátturinn TCA verðlaun fyrir bestu gamanþáttaröðina og Jim Parsons vann verðlaun fyrir frammistöðu sína í gamanþáttaröð.

Aðalpersónur[breyta]

  • Johnny Galecki er doktor Leonard Hofstadter. Leonard er tilraunaeðlisfræðingur, með greindarvísitöluna 173 og fékk doktorsgráðuna sína þegar hann var 24 ára. Hann deilir íbúð með vinnufélaga sínum og vini, Sheldon Cooper. Hann er eðlilegasti karlmaðurinn í þáttunum. Handritshöfundarnir hafa leikið sér með rómantík á milli hans og nágrannans, Penny, og er óleyst kynferðisleg spenna á milli þeirra.
  • Jim Parsons er doktor Sheldon Cooper. Upphaflega frá Austur-Texas, var mjög gáfað barn og hóf háskólanám aðeins 11 ára, rétt eftir að hafa klárað 5. bekk. Sem kennilegur eðlisfræðingur er hann með meistaragráðu, tvær doktorsgráður og greindarvísitöluna 187. Hann sýnir sterka hneigð til þess að halda öllu í sömu skorðum og það eru ákveðnir mannlegir hlutir sem hann skilur ekki; hann skilur alls ekki kaldhæðni og kímnigáfu eða hógværð og lítillæti. Þessi atriði eru aðalatriðin sem gera persónuna fyndna og stundum þungamiðja þáttarins. Sheldon deilir íbúð með samstarfsfélaga sínum og vini, Leonard Hofstadter. Samkvæmt tvíburasystur Sheldons, sendi hann ímynduðu vini sína heim í lok dagsins, þegar þau voru lítil. Sheldon segir þá á móti: „Þeir voru ekki vinir, þeir voru ímyndaðir samstarfsfélagar“.
  • Kaley Cuoco er Penny. Hún er vinkona Sheldons og Leonards sem býr í íbúðinni á móti þeim. Hún er þjónustustúlka á veitingastaðnum Cheesecake Factory og er líka að reyna að komast áfram sem leikkona. Hún er eina aðalpersónan sem hefur ekki látið ættarnafn sitt koma fram. Hún er fædd og uppalin á búgarði í Omaha í Nebraska og skilur oft lítið í nördalegu vinum sínum sem búa hinumegin við ganginn. Hún skilur ekkert í Sheldon og eru persónurnar tvær oft látnar tala saman bara til þess að gera þættina fyndnari.
  • Simon Helberg sem Howard Wolowitz sem er með meistaragráðu í verkfræði. Hann vinnur sem verkfræðingur og býr hjá móður sinni og eru þau gyðingar. Ólíkt Sheldon, Leonard og Raj, hefur Howard ekki doktorsgráðu. Hann ver það með því að benda á að hann sé með meistaragráðu í verkfræði frá MIT. Hann finnur upp fáránlegar „pikk-öpp“-línur og telur sjálfan sig vera kvennamann og fær það ekki góð viðbrögð frá Penny, en hann hefur haft velgengni með öðrum konum.
  • Kunal Nayyar sem Doktor Rajesh Koothrappali. Rajesh, sem kemur frá Nýju-Delí á Indlandi, vinnur sem stjörnufræðingur hjá Caltech. Hann er oftast mjög feiminn og þorir ekki að tala í kringum fallegar konur; og mörg atriði þáttanna eru með Penny, þá hefur þögn hans oft látið hann gleymast. Aðeins alkóhól og tilraunalyf virðast virka á þögn hans. Í eitt skipti gat hann þó beðið Penny afsökunar án þess að vera á lyfjum eða drukkinn. Foreldrar hans, kynnt sem doktor og frú V.M. Koothrappali, hafa sést í gegnum vefmyndavél; faðir hans er kvensjúkdómalæknir og keyrir um á Bentley og er það oft notað gegn Raj þegar hann segist hafa alist upp við fátækt á Indlandi.
  • Sara Gilbert sem Doktor Leslie Winkle. Hún er tilraunaeðlisfræðingur sem sefur stundum hjá Leonard eða Howard. Henni og Sheldon kemur ekki vel saman og gerir hún oft grín að honum. Hún var hækkuð upp í aðalhlutverk í annarri þáttaröðinni en var lækkuð aftur niður í aukapersónu þegar handritshöfundarnir komust að því að þeir gætu ekki gefið henni góðar línur í hverjum einasta þætti.

Heimildir[breyta]

Fyrirmynd greinarinnar var „The Big Bang Theory“ á ensku útgáfu Wikipedia. Sótt janúar 2010.