Spilling í stjórnmálum á Íslandi

Spillingarmál þar sem stjórnmálamenn koma við sögu eru algeng, og hafa nokkuð langvarandi áhrif á umrædda stjórnmálamenn sem og þjóðfélagsumræðuna þar sem þau koma upp. Oft er lítill eða enginn greinarmunur gerður á umræða um spillingarmál þar sem grunur var um spillingu, þar sem sannanir komu fram, þar sem pólitísk afsögn átti sér stað, og þar sem dæmt er í sakamáli tengt umræddri spillingu. Ennfremur hafa spillingarmál oft víðtæk áhrif út í samfélagið, sem getur leitt til sakamála höfðuð gegn öðrum en stjórnmálamönnunum.

Spillingarmál

Nafn	Nafn máls	Stjórnmálaflokkur	Staða	Ríkisstjórn / Sveitarfélag	Dagsetning	Dæmdur	Afsögn
Sigmundur Davíð Gunnlaugsson, Gunnar Bragi Sveinsson, Anna Kolbrún Árnadóttir, Bergþór Ólason, Ólafur Ísleifsson og Karl Gauti Hjaltason	Klaustursupptökurnar	Miðflokkurinn og Flokkur Fólksins	Þingmenn	Alþingi	2018	Nei	Nei
Sigríður Ásthildur Andersen og Bjarni Benediktsson	Hjaltamálið	Sjálfstæðisflokkurinn	Dómsmálaráðherra	Ríkisstjórn	2017	Nei	Nei
Sigríður Ásthildur Andersen	Landsréttarmálið	Sjálfstæðisflokkurinn	Dómsmálaráðherra	Ríkisstjórn	2017	Nei	Sagði af séri
Sigmundur Davíð Gunnlaugsson	Wintrismálið	Framsóknarflokkurinn	Forsætisráðherra	Ríkisstjórn	2016	Nei	Sagði af sér
Ragnheiður Elín Árnadóttir	Ráðning Baldurs Guðlaugssonar	Sjálfstæðisflokkurinn	Iðnaðar- og viðskiptaráðherra	Ríkisstjórn	2016	Nei	Nei
Bjarni Benediktsson	Borgun[heimild vantar]	Sjálfstæðisflokkurinn	Fjármálaráðherra	Ríkisstjórn	2015	Nei	Nei
Bjarni Benediktsson	Vafningsmálið[heimild vantar]	Sjálfstæðisflokkurinn	Fjármálaráðherra	Ríkisstjórn	2013	Nei	Nei
Illugi Gunnarsson	Orka energy[heimild vantar]	Sjálfstæðisflokkurinn	Menntamálaráðherra	Ríkisstjórn	2015	Nei	Nei
Hanna Birna Kristjánsdóttir	Lekamálið[heimild vantar]	Sjálfstæðisflokkurinn	Innanríkisráðherra	Ríkisstjórn	2015	Nei	Sagði af sér
Finnur Ingólfsson	Frumherji[heimild vantar]	Framsóknarflokkurinn		Ríkisstjórn	2007	Nei
Björgvin G. Sigurðsson	Fjárdráttur	Samfylkingin	Sveitarstjóri	Ásahreppur	2015	Nei	Vikið frá störfum en tók síðar sæti á Alþingi
Björn Ingi Hrafnsson	Fjárdráttur vegna jakkafata[heimild vantar]	Framsóknarflokkurinn	Borgarfulltrúi	Reykjavík	2008	Nei	Sagði af sér.
Árni Johnsen	Þjóðleikhúsmálið[heimild vantar]	Sjálfstæðisflokkurinn	Þingmaður	Alþingi	2003	Já. Var síðar veitt uppreist æru af staðgenglum forseta.
Geir H. Haarde, Guðlaugur Þór Þórðarson, o.fl.	Styrkjamálið	Samfylkingin, Sjálfstæðisflokkurinn	Stjórnmálaflokkar	Alþingi	2009	Nei
Steingrímur Hermannsson	Grænubaunamálið[heimild vantar]	Framsóknarflokkur	Forsætisráðherra	Ríkisstjórn	1987	Nei
Albert Guðmundsson	Vantaldar greiðslur[heimild vantar]	Sjálfstæðisflokkurinn	Iðnaðarráðherra	Ríkisstjórn	1987	Nei	Sagði af sér.
Þórólfur Árnason	Samráð olíufélaganna	Reykjavíkurlistinn	Borgarstjóri	Reykjavík	2004	Nei	Sagði af sér.
Bjarni Benediktsson	Sala Íslandsbanka[heimild vantar]	Sjálfstæðisflokkurinn	Fjármálaráðherra	Ríkisstjórn		Nei

Lekamálið (2014-2015)

Lekamálið snérist um upplýsingaleka úr Innanríkisráðuneytinu undir stjórn Hönnu Birnu Kristjánsdóttur til fjölmiðla. Málinu lauk með afsögn ráðherra, en pólitískur aðstoðarmaður hennar, Gísli Freyr Valdórsson, var dæmdur fyrir aðild sína að málinu.

Borgunarmálið (2015-2016)

Í nóvember 2014 seldi Landsbankinn 31,2 prósent hlut sinn í Borgun fyrir 2,2 milljarða. Hluturinn var ekki auglýstur til sölu og voru kaupendur náskyldir fjármálaráðherra. Í febrúar 2015, á aðalfundi fyrirtækisins, var ákveðið að greiða hluthöfum 800 milljónir króna í arð, í fyrsta sinn síðan 2007.

Orka Energy (2015)

Illugi Gunnarsson var í launuðu starfi hjá Orku Energy eftir að hann vék tímabundið af þing eftir hrun. Orka Energy keypti húsið hans, sem hann leigði af þeim þangað til í Desember 2015. Stjórnarformaður Orku Energy, Haukur Harðarson er einnig náinn vinur Illuga. Orka Energy komst í fordæmalausa "stjórnskipulega stöðu" sem framkvæmdaaðili fyrir hönd ríkisins í samstarfi við Kína.

Ráðning Baldurs Guðlaugssonar (2016)

Baldur Guðlaugsson, lögfræðingur, var skipaður formaður hæfnisnefndar sem metur umsækjendur um starf skrifstofustjóra í atvinnu- og nýsköpunarráðuneytinu. Baldur hlaut tveggja ára fangelsisdóm í Hæstarétt 2012 fyrir innherjasvik og brot í opinberu starfi. Ragnheiður Elín Árnadóttir, iðnaðar- og viðskiptaráðherra, skipar hæfnisnefndina. Baldur er tengdur Sjálfstæðisflokknum og var í hinum svonefnda Eimreiðarhóp á yngri árum

Sjá einnig

• Stjórnmálahneyksli á Íslandi