Wikipedia:Hlutleysisreglan

Úr Wikipediu, frjálsa alfræðiritinu
Stökkva á: flakk, leita

Wikipedia hefur þá stefnu að greinar á verkefninu skuli lýsa viðfangsefni sínu frá hlutlausu sjónarhorni. Upphafsmaður Wikipedia, Jimbo Wales, hefur sagt að hlutleysisstefnan sé „algjör og óumsemjanleg“. [1] Enska skammstöfunin NPOV (Neutral point of view) er oft notuð yfir hlutleysisregluna og mikið er skrifað á ensku Wikipedia um hana.

Textað myndband um sannreynanleika- og hlutleysisregluna. Smelltu á CC og „íslenska” til að fá íslenskan texta.

Hlutleysisstefnan þýðir ekki að það sé hægt að skrifa allar greinar frá einu hlutlausu sjónarhorni heldur er markmið hennar að öllum sjónarmiðum varðandi viðfangsefnið sé lýst með sanngjörnum hætti og opnum huga án þess að gefa í skyn að eitt sjónarmið og ein skoðun sé öðrum fremri. Fyrst og fremst á að leitast við að lýsa staðreyndum á Wikipedia og leyfa lesandanum að gera upp hug sinn. Það gengi til dæmis gegn hlutleysisstefnunni ef greinin um Adolf Hitler segði að hann hafi verið vondur maður, greinin á hinsvegar að segja frá staðreyndunum og láta lesandann komast að eigin niðurstöðu.

Þegar viðfangsefnið snertir að einhverju leyti á fegurðarskyni hvers og eins eins og með tónlist, bókmenntir, náttúrufegurð vissra staða o.s.frv. þá hættir greinahöfundum til að vera full lofgjörðarlegir í lýsingum sínum enda það oftast þeir sem efnið er kært sem vinna mest í slíkum greinum. Fullyrðingar á borð við þá að Bítlarnir séu besta hljómsveit 20. aldar, náttúrufegurð sé mikil í Steingrímsfirði og að John Maynard Keynes sé áhrifaríkasti hagfræðingur seinni tíma eiga ekki heima í alfræðiorðabók, þó er sjálfsagt og eðlilegt að geta þess að fjöldi fólks hafi þessar skoðanir og vísa til heimilda því til stuðnings. Best væri að þeir sem semja greinar á þessum sviðum hafi að því frumkvæði að biðja aðra um að fara yfir og tryggja hlutlaust sjónarmið því margir eru blindir á eigin skrif.

Þegar þú rekst á síðu sem þér finnst ekki vera skrifuð frá hlutlausu sjónarmiði þá er um að gera að setja inn {{hlutleysi}} efst í greininni og hefjast svo handa við að breyta henni til betri vegar, ef málið er viðkvæmt er þó betra að vekja fyrst athygli á því á viðkomandi spjallsíðu og reyna að ná fram sátt um málið áður en lagst er í stórar breytingar.

Lista yfir þær greinar sem í augnablikinu eru til umræðu vegna skorts á hlutlausu sjónarhorni er að finna hér.

Tengt efni[breyta]


Wikipedia samfélagið
Potturinn | Samfélagsgátt | Gátlistinn | Handbókin
Reglur: Hlutleysisreglan | Sannreynanleikareglan | Engar frumrannsóknir |

Æviágrip lifandi fólks | Máttarstólpar Wikipedia | Markvert efni

Önnur stefnumál: Nafnavenjur | Flokkakerfið | Viðhald | Deilumál | Framkoma á Wikipediu
Notendur: Möppudýr | Vélmenni | Hver erum við? | Notendur eftir breytingafjölda | Notendakassar
Annað: Samvinna mánaðarins | Tillögur að úrvalsgreinum | Tillögur að gæðagreinum | Bezt í heimi | Merkisáfangar | Hugtakaskrá