Marteinn Lúther
Marteinn Lúther (stundum líka Marteinn Lúter á íslensku) (10. nóvember 1483 – 18. febrúar 1546) (þýska: Martin Luther) var þýskur munkur af Ágústínusarreglunni og prófessor í biblíufræðum við háskólann í Wittenberg. Hann er þekktastur fyrir að vera einn af siðbótarmönnum kirkjunnar á 16. öld. Við hann er kennd evangelísk-lúthersk kirkja. Lúther var fjölhæfur guðfræðingur og iðinn rithöfundur. Eftir hann liggur mikið safn rita af ýmsum toga. Hann stóð einnig fyrir þýðingu Biblíunnar yfir á þýsku.
Marteinn Lúther negldi táknrænt skjal á dyr kirkjunnar í Wittenberg, þar sem hann setti fram í 95 greinum kenningar sínar um kristna trú og leiðir til þess að endurbæta hana, þá sér í lagi með tilliti til sölu á syndaaflausn. Með þessum gjörningi kom hann af stað Mótmælendahreyfingunni innan Rómversk-kaþólsku kirkjunnar sem þróaðist loks í evangelísku-lúthersku kirkjuna.
[breyta] Tengt efni
[breyta] Tenglar
- Marteinn Lúther. Stuttorð fræðsla - um það sem leita bera að og vænta skal í fagnaðarboðskapinum; grein í Lesbók Morgunblaðsins 1967
- Hann birti frelsi og náð; grein í Lesbók Morgunblaðsins 1983
- Á slóðum Lúthers; grein í Lesbók Morgunblaðsins 1981
Erlendir
