Listi yfir hin fornu héruð Frakklands

Úr Wikipediu, frjálsa alfræðiritinu
Stökkva á: flakk, leita

Frakklandi var að fornu skipt í héruð (stjórnsýslusvæði) fram til 4. mars 1790, þegar þau voru lögð af og í staðinn teknar upp „sýslur“ (Département français) við umfangsmiklar stjórnkerfisbreytingar eftir frönsku byltinguna.

Með því að leggja niður héruðin ætlaði byltingarstjórnin að ná nokkrum markmiðum. Í fyrsta lagi vildu menn fjarlægja síðustu leifar af lénsskipulaginu, rjúfa gömul hagsmunatengsl ínnan héraðanna og stuðla að tryggð við miðstjórnina í París og uppbyggingu franskrar þjóðerniskenndar. Í öðru lagi vildu menn hafa sýslurnar það litlar að auðvelt væri að stjórna þeim. Í þriðja lagi voru öll gömul sérréttindi, staðbundin lög og stjórnkerfi lögð niður og í staðinn komið á samræmdu stjórnkerfi sem skipulagt var frá höfuðborginni París.

Mörg af gömlu héraðanöfnunum lifa áfram sem nöfn á landshlutum Frakklands, og þau eru enn hluti af menningarlegri vitund margra Frakka.

Listi yfir hin fornu héruð Frakklands[breyta]

Héruð Frakklands á fyrri öldum.

Hér á eftir fer listi yfir héruð Frakklands fyrir byltinguna.

Innan sviga er franska heitið, ef það er annað, ártal fyrir innlimun í franska konungsríkið, og nafn höfuðborgar héraðsins.

  1. Île-de-France (987, París)
  2. Berry (1101, Bourges)
  3. Orléanais (1198, Orléans)
  4. Normandí (Normandie 1204, Rouen eða Rúðuborg)
  5. Languedoc (1270, Toulouse)
  6. Lyonnais (1313, Lyon)
  7. Dauphiné (1343, Grenoble)
  8. Champagne (1361, Troyes)
  9. Aunis (1371, La Rochelle)
  10. Saintonge (1371, Saintes)
  11. Poitou (1416, Poitiers)
  12. Akvitanía (Aquitaine, 1453, Bordeaux)
  13. Búrgúnd (Bourgogne, 1477, Dijon)
  14. Picardie (1482, Amiens)
  15. Anjou (1482, Angers)
  16. Provence (1482, Aix-en-Provence)
  17. Angoumois (1515, Angoulême)
  18. Bourbonnais (1527, Moulins)
  19. La Marche (1527, Guéret)
  20. Bretanía eða Bretagne (1532, Rennes)
  21. Maine (1584, Le Mans)
  22. Touraine (1584, Tours)
  23. Limousin (1589, Limoges)
  24. Foix (1607, Foix)
  25. Auvergne (1610, Clermont-Ferrand)
  26. Béarn (1620, Pau)
  27. Elsass (Alsace, 1648, Strassborg)
  28. Artois (1659, Arras)
  29. Roussillon (1659, Perpignan)
  30. Flandur (Flandre, 1668, Lille)
  31. Franche-Comté (1678, Besançon)
  32. Lótringen (Lorraine, 1766, Nancy)
  33. Korsíka (Corse, 1768, Ajaccio)
  34. Nivernais (1789, Nevers)
  35. Comtat Venaissin og Avignon, 1791. Avignon var aðsetur páfans frá 1309 til 1377, og eftir það heyrði borgin áfram undir Vatíkanið.
  36. Mulhouse (1798) var fríríki sem tengdist Sviss.
  37. Savoie og
  38. Nice voru lögð undir Frakkland 1792, skilað aftur með friðarsamningunum 1815, en endanlega afhent Frakklandi 1860.
  39. Montbéliard (1793) var hluti af hinu skammlífa Raurakíska lýðveldi frá 1792.

Nr. 35–39 voru ekki hluti af Frakklandi fyrir byltinguna, en voru sameinuð því síðar.