Bretanía

Úr Wikipediu, frjálsa alfræðiritinu
(Tilvísað frá Bretagne)
Stökkva á: flakk, leita
Kort sem sýnir héraðið Bretagne í Frakklandi.

Bretagne (Bretanía eða Bertangaland og nefnt Bretland, Syðra-Bretland eða Bretland hið syðra [1] til forna) er eitt af 26 héruðum í Frakklandi og er skagi sem teygir sig út í Atlantshafið í vestanverðu landinu. Héraðið skiptist í fimm sýslur og íbúafjöldi þess er 6,5 milljónir (1998). Þar er töluð, ásamt frönsku, bretónska, en það er keltneskt tungumál skylt velsku. Um 1,2 milljónir manna tala bretónsku á þessum slóðum. Einnig er talað galló sem er latnesk mállýska, en hún á rætur að rekja til hernáms Rómverja. Íbúar Bretagne nefnast Bretónar.

Strandlengja Bretagne er 1200 km löng. Bretónar kalla strandlengjuna Armor og innskagann Argoat. Þar eru um 200 sumarleyfisstaðir og munur flóðs og fjöru allt að 18 m. Ströndin austur og vestur af St. Maló er kölluð Smaragðsströndin (Côte d'Emeraude). Á Bretagneskaga tíðkast byggingarstíll sem er einkennandi fyrir svæðið og heimamenn halda fast í gamla siði og hefðir.

Tilvísanir[breyta]

  1. Í upphafi Tristrams sögu segir: Á Bretlandi var eitt ungmenni... Bretland merkir hér Bretland hið syðra, þ.e. Bretagne.