Kopar

Nikkel	Kopar	Sink
	Silfur
Efnatákn Cu Sætistala 29 Efnaflokkur Hliðarmálmur Eðlismassi 8920,0 kg/m³ Harka 3,0 Atómmassi 63,546 g/mól Bræðslumark 1357,6 K Suðumark 2840,0 K Efnisástand (við staðalaðstæður) Fast form Lotukerfið

Kopar eða eir er frumefni með efnatáknið Cu og er númer 29 í lotukerfinu.

Almennir eiginleikar

Kopar er rauðleitur málmur með mikla raf- og varmaleiðni (af hreinum málmum við stofuhita hefur einungis silfur hærri rafleiðni). Kopar er að líkindum elsti málmur í notkun í dag. Fundist hafa tilbúnir hlutir úr kopar sem taldir eru vera frá um 8700 f.Kr. Auk þess að finnast í margvíslegu málmgrýti, finnst kopar sums staðar í hreinu formi.

Á tímum Forn-Grikkja, var málmurinn þekktur undir nafninu khalkos. Á tíma Rómverja varð hann svo þekktur sem aes Cyprium (aes er almennt latneskt orð yfir koparmálmblöndur eins og brons og aðra málma og mikið af því var unnið úr námum á Kýpur). Heitið var einfaldað yfir í cuprum og þaðan, með breytingum, yfir í íslenska orðið kopar.

Notkun

Kopar er þjáll og sveigjanlegur og er notaður mikið í vörur eins og:

• Koparvír.
• Pípulagnir úr kopar.
• Hurðarhúna og aðra húsmuni.
• Styttur: Frelsisstyttan inniheldur, til dæmis, 81.3 tonn af kopar.
• Rafsegulstál.
• Hreyfla, þá sérstaklega rafmagnshreyfla.
• Gufuvélar.
• rafliða, safnteina, og rofa.
• Rafeindalampi, bakskautslampa, og örbylgjuvaka í örbylgjuofnum.
• Bylgjuleiðara fyrir örbylgjur.
• Það hefur aukist útskipting á áli fyrir kopar í samrásum sökum betri leiðni kopars.
• Mynt. Íslenska 5- og 10-krónu myntin er 0,2% kopar.
• Í eldunarvörum eins og steikarpönnum.
• Flestur borðbúnaður (hnífar, gafflar, skeiðar) innihalda kopar (nikkelsilfur).
• Sterlingsilfur, ef það á að notast í borðbúnaði, verður að innihalda nokkur prósent af kopar.
• Sem hluti af leirgljáa og til að lita gler.
• Hljóðfæri, þá sérstaklega látúnshljóðfæri.

Sjá einnig

• Eirgræna, spanskgræna (verdigris)
• Eirgrænn