Jüri Ratas
Jüri Ratas (fæddur 2. júlí 1978 í Tallinn) er eistneskur stjórnmálamaður og fyrrverandi forsætisráðherra Eistlands. Hann var borgarstjóri Tallinn á árunum 2005 - 2007. Hann er meðlimur í eistneska Miðflokknum. Jüri Ratas er kvæntur og á þrjú börn.
Ratas baðst lausnar úr embætti forsætisráðherra þann 13. janúar 2021 eftir að rannsókn hófst á Miðflokknum í tengslum við spillingarmál. Málið snerist um fasteignafélag sem hafði þegið miklar fjárhæðir úr ríkissjóði og náð arðbærum samningum við borgarstjórn Tallinn, sem einnig er stýrt af Miðflokknum.[1]
Tilvísanir[breyta | breyta frumkóða]
- ↑ „Forsætisráðherra Eistlands segir af sér“. mbl.is. 13. janúar 2021. Sótt 27. janúar 2021.
| Fyrirrennari: Taavi Rõivas |
|
Eftirmaður: Kaja Kallas | |||
