Hjálp:Námskeið/Textavinnsla

Úr Wikipediu, frjálsa alfræðiritinu
Stökkva á: flakk, leita
Inngangur   Breytingar   Textavinnsla   Tenglar   Heimildaskráning   Spjallsíður   Nokkur mikilvæg atriði   Skráning   Lokaorð    

Textamótun á Wikipediu fer líklega öðruvísi fram en í þeim ritvinnsluforritum sem þú hefur notað áður. Í staðinn fyrir svokallaða WYSIWYG nálgun (það sem þú sérð er það sem þú færð) þá notast Wikipedia við sérstakar merkingar til þess að skilgreina hluti á síðunum (t.d. fyrirsagnir) og einkenni texta. Þetta er einfalt ívafsmál sem kallað er Wikimál og var hannað til þess að vera einfalt í notkun.

Feitletrun og skáletrun[breyta]

Algengustu wikimerkin eru feitletrun og skáletrun sem eru fengin með því að afmarka orð eða setningar með ákveðnum fjölda úrfellingarmerkja ('):

Þú skrifar Þú færð
''skáletur'' skáletur

'''feitletur''

feitletur

'''''feit- og skáletur'''''

feit- og skáletur

Nöfn viðfangsefna í greinum á Wikipediu eru feitrletruð þegar þau koma fyrst fyrir. Til dæmis hefst greinin um Svein Björnsson þannig:

Sveinn Björnsson (27. febrúar 1881 í Kaupmannahöfn í Danmörku25. janúar 1952) var fyrsti forseti Íslands...

Skáletrun er gjarnan notuð þegar fyrir koma titlar bóka, kvikmynda, hljómplata eða tölvuleikja. Ef greinin fjallar um slíkt efni þá ætti heitið að vera bæði feit- og skáletrað þegar það kemur fyrst fyrir.

Frekari upplýsingar um stílviðmið og viðeigandi notkun feit- og skáletrunar er að finna í handbókinni.

Fyrirsagnir og undirfyrirsagnir[breyta]

Fyrirsagnir og undirfyrirsagnir eru til þess gerðar að skipuleggja texta greinar og skipta honum í rökréttar einingar. Ef þú sérð grein þar sem fjallað er um aðgreind málefni í nokkrum málsgreinum þá getur þú sett inn fyrirsögn eða undirfyrirsögn til þess að kaflaskipta greininni og gera hana læsilegri.

Svona eru fyrirsagnir búnar til:

Þú skrifar Þú færð

==Lífshlaup þorsksins==

Lífshlaup þorsksins[breyta]

===Hrygning===

Hrygning[breyta]

Ef það eru a.m.k. fjórar fyrirsagnir í grein þá býr vefurinn sjálfkrafa til efnisyfirlit. Prófaðu nú að búa til fyrirsögn í sandkassa þessarar síðu. Fyrirsögnin bætist sjálfkrafa við efnisyfirlit síðunnar að því gefnu að þrjár aðrar fyrirsagnir séu til staðar.

HTML[breyta]

Wikimál býður upp á alla þá möguleika sem þarf til þess að fylgja stílviðmiðum Wikipedia þannig að HTML kunnátta er ekki nauðsynleg. Þó er HTML stundum notað við sérstakar aðstæður þar sem breyta þarf litum, uppsetningu texta og málsgreina eða formi síðu.

Sjá „að byrja nýja síðu“ eða svindlsíðuna varðandi breytingar á síðum.
Prófaðu þig áfram í sandkassanum.


Næst skulum við læra um Wikipediatengla