Allt í drasli

Allt í drasli
Sjónvarpsstöð	Skjár Einn
Kynnir	Heiðar Jónsson (2005-2007) Margrét Sigfúsdóttir Eva Ásrún Albertsdóttir (2007-2008)
Yfirlestur	Hjálmar Hjálmarsson
Land	Ísland
Tungumál	Íslenska
Fjöldi þáttaraða	3
Fjöldi þátta	26
Framleiðsla
Framleiðslufyrirtæki	Saga Film
Lengd þáttar	22 mínútur
Útsending
Sýnt	2005 – 2008

Allt í drasli er íslenskur sjónvarpsþáttur sem hefur verið á dagskrá á Skjá einum frá 2005. Þátturinn er íslensk útfærsla á breska þættinum How Clean is Your House?. Þátturinn gengur út á það að farið er heim til fólks þar sem umgengni og hreinlæti er verulega ábótavant og messað yfir heimilisfólki um leið og ræstingafólk tekur til og þrífur.

Upphaflega voru þáttastjórnendur Heiðar Jónsson snyrtir og Margrét Sigfúsdóttir skólastjóri Hússtjórnarskólans í Reykjavík, en árið 2007 tók Eva Ásrún Albertsdóttir við af Heiðari við hlið Margrétar. Sögumaður er Hjálmar Hjálmarsson.

Þættirnir eru gerðir samkvæmt bresku forskriftinni og mikið er um ýktar raddir, upphrópanir og líkamlegt látbragð til að lýsa yfir vanþóknun yfir ástandinu. Þessi forskrift er nú í notkun við þáttagerð í fjöldamörgum Evrópulöndum, íslenska útgáfan var ellefta staðfæringin á þáttunum.

Meðaltals áhorf á þættina, á meðan þeir voru í sýningu var tuttugu og tvö prósent.

þriðja þáttaröð

Aðalgrein: Allt í drasli (3. þáttaröð)

Eva Ástrún Albertsdóttir kemur fersk inn í stað Hreiðars sem kynnir. 3 af 13 heimilum verða valin í stórtækar breytingar í þættinum Innlit/útlit. Þessi þáttaröð er sú síðasta af þættinum Allt í drasli.

Tengill

• S1.is:Allt í drasli

Heimild

• „SagaFilm: Allt í drasli“, skoðað þann 3. febrúar 2006.

  Þessi sjónvarpsgrein er stubbur. Þú getur hjálpað til með því að bæta við greinina.