Langhús

Langhús af gerð sem tíðkast meðal frumþjóða við Kyrrahafsströnd Ameríku.

Langhús er notað um hverskyns stórar aflangar byggingar. Það er notað jafnt um híbýli manna sem um önnur hús og þekkist t.d. sem nafn á fjárhúsum á Íslandi.

Langhús er notað í sértækari merkingu um þá húsagerð sem var ráðandi í Norður-Evrópu frá bronsöld og fram á miðaldir. Langhús er stundum notað í enn þrengri merkingu til að gera greinarmun á þeim húsum sem höfðu fjós undir sama þaki og hinum sem höfðu það ekki og eru þau síðarnefndu þá fremur kölluð skáli eða eldaskáli.

Landnámsbær er stundum notað í sömu merkingu og eldaskáli um elstu gerð mannabústaða á Íslandi. Enginn skáli hefur þó verið rannsakaður sem óyggjandi er að byggður sé af landnámsmanni og gerðin tíðkaðist á Íslandi alla víkingaöld.