Fæddur á Húsavík, var bóndi austur á fjörðum, hef starfað sem ættfræðingur hjá Íslendingabók og einnig hjá Bændasamtökum Íslands. Þar að auki má sjá handverk eftir mig við bæinn á Þingvöllum, grjóthleðslur sem ég vann þar við með Kolbeini Sveinbjörnssyni, sumrin 2007 og 2008.
Áhugamál mín eru ættfræði, saga, íslenska og hvernig líf mannsins virkar og ég hef skrifað nokkrar greinar um þess háttar, aðallega í tímaritið Heilsuhringinn en það finnst einnig eitthvert efni um vitund mannsins og virkni hennar eftir mig á wikibooks, á síðu sem ég gerði þar árið 2007 og slóðin er [1].
