Tollabandalag
Tollabandalag er ein tegund verslunarbandalags milli ríkja þar sem gilda sameiginlegir ytri tollar gagnvart öðrum ríkjum. Þau hafa þannig sameiginlega stefnu í utanríkisverslun en geta verið með ólíka innflutningskvóta. Tilgangur tollabandalaga er að auka efnahagssamvinnu milli ríkja til að auka skilvirkni, stjórnmála- og menningartengsl. Tollabandalög eru þriðja stig (af sjö) efnahagslegrar samvinnu sem nær frá ívilnandi verslunarsamningum (PTA) að efnahagssamruna.
