Spjall:Líparít

Mér þykir kjánalegt að enn sé stuðst við "líparít". Er ekki hægt að beygja sig undir hatt rökhugsunar og hefðar og byrja að kalla þetta rýólít, eins og heilbrigðar manneskjur? Fimbulfamb 28. febrúar 2010 kl. 23:43 (UTC)

Hatt rökhugsunar? Hvað er svona mikið rökréttara við það? Ég meina, það má vel vera að það rýólít sé heppilegra nafn, hef svo sem ekki skoðun á því, en hvernig færðu samt út að það sé rökréttara? Og hvað hefðina varðar, þá man ég ekki betur en að kennslubókin sem ég lærði upp úr hafi notað orðið "líparít" en ég hef hana svo sem ekki við höndina og get því ekki staðfest það núna. Hvað segja íslenskar kennslubækur um jarðfræði? --Cessator 28. febrúar 2010 kl. 23:53 (UTC)

Orðið líparít er lang algengasta orðið, þ.a. það verður einnig heiti greinarinnar. Thvj 1. mars 2010 kl. 09:01 (UTC)

Þetta orð er vissulega útbreitt á Íslandi, og í nýlegum jarðfræðibókum (ég minnist helst yfirlitsrits Ara Trausta um íslenskar eldstöðvar) eru nöfnin tvítekin, sumsé er sagt "Torfajökulssvæðið er ríkt að rýólíti eða líparíti", eða eitthvað á þá vegu. Mér skilst að "líparít" hafi orðið til fyrir misskilning, og það er ruglandi því líparít er nafn á annarri erlendri bergtegund, en rýólít er alþjóðlega nafnið yfir það sem sumir Íslendingar kalla enn líparít. Vísindavefurinn bendir á að "[í] seinni tíð er farið að nefna það rhýólít eða ríólít á íslensku vegna þess að hið upprunalega líparít – kísilríkt gosberg á eynni Líparí norðan við Sikiley — hefur aðra efnasamsetningu en hið íslenska": http://visindavefur.hi.is/svar.php?id=31266 Fimbulfamb 12. apríl 2010 kl. 21:41 (UTC)