Broddfura

Broddfura
Ástand stofns
Ekki í útrýmingarhættu (IUCN)
Vísindaleg flokkun
Ríki: Jurtaríki (Plantae) Fylking: Berfrævingar (Pinophyta) Flokkur: Barrtré (Pinopsida) Ættbálkur: Pinales Ætt: Þallarætt (Pinaceae) Ættkvísl: Furur (Pinus) Undirættkvísl: Strobus section Parrya subsection Balfourianae Tegund: P. aristata
Tvínefni
Pinus aristata Engelm.
Útbreiðsla broddfuru

Broddfura (fræðiheiti Pinus aristata), einnig kölluð broddafura, er meðalstórt barrtré af þallarætt. Tréð verður 5–15 m hátt og ummál bols allt að 1,5 m. Nálarnar eru fimm 2,5 til 4 sm langar. Könglar eru 5-10 sm langir og 3-4 sm breiðir þegar þeir eru lokaðir og eru þeir fjólubláir í fyrstu en gulna seinna. Broddfura á sín náttúrulegu heimkynni hátt til fjalla í 2500-3700 metra hæð í Colorado, Nýju Mexíkó og á takmörkuðu svæði í Arizóna.

Broddfura í náttúrulegu umhverfi í Black Mountain í Colorado

Furunálar og köngull broddfuru

Broddfura er langlíft tré. Elsta þekkta broddfura vex hátt í fjöllum Black Mountain í Colorado í Bandaríkjunum og er hún talin um 2480 ára en þó er sjaldgæft að broddfurur verði yfir 1500 ára gamlar.

Broddfura vex hægt og hentar sem garðtré fyrir litla garða á norðlægum slóðum. Nafnið er tilkomið vegna brodda á könglum hennar.

Skyldar tegundir broddfuru eru Pinus balfouriana og Pinus longaeva. Sú síðarnefnda er meðal elstu þekktra lífvera heims, rúmlega 5000 ára gömul.

Broddfura í Reykjavík

Broddfura í Árnessýslu

Tenglar

• Gymnosperm gagnagrunnur: Pinus aristata
• Flora of North America: Pinus aristata
• Mynd af könglu (neðst á síðunni)
• USDA upplýsingar um plöntu: Pinus aristata
• High-elevation white pine educational website: Pinus aristata

Heimildir

  Þessi trésgrein er stubbur. Þú getur hjálpað til með því að bæta við greinina.