Norræna Afríkustofnunin

Norræna Afríkustofnunin (NAI) er vettvangur fyrir félagsvísindarannsóknir um Afríku. NAI heyrir undir sænska utanríkisráðuneytið, er staðsett í Uppsölum og fjármögnuð í sameiningu af Finnlandi, Íslandi og Svíþjóð. Fram til ársins 2015 var Noregur einnig fjármögnunaraðili, svo og Danmörk fram til ársins 2013.

Saga

Stofnunin var sett á legg árið 1962 sem norræn miðstöð fyrir rannsóknir, skjalavörslu og upplýsingamiðlun um Afríku. Verkefni stofnunarinnar er meðal annars að efla samstarf afrískra og norrænna vísindamanna og gera rannsóknir um málefni Afríku aðgengilegar stefnumótunaraðilum, fjölmiðlum og öðrum markhópum. Á NAI er bókasafn sem er fyrst og fremst sérhæft á sviði félagsvísinda um nútíma Afríku og er ætlað notendum á Norðurlöndum. Auk þess að sinna eigin rannsóknum styrkir NAI einnig gestarannsakendur, fyrst og fremst frá háskólum í Afríku og á Norðurlöndunum.

Tenglar

• Um Norrænu Afríkustofnunina á www.nai.uu.se
• Um Norrænu Afríkustofnunina á X/Twitter
• Um Norrænu Afríkustofnunina á www.stjornarradid.is