Hjálp:Tungumálatenglar

Tungumálatenglar eru tenglar á milli mismunandi tungumála á sama wiki-verkefni. Þessir tenglar koma fram í hliðarstikunni til vinstri og gerir notendum kleift að skoða sömu síðu á öðru tungumáli.

Uppbygging

Tungumálatengillinn er settur fram á eftirfarandi hátt: [[tungumálakóði:Titill]]

Tungumálakóðinn er tveggja eða þriggja stafa kóði samkvæmt ISO 3166-1, sjá lista yfir tungumál röðuðum eftir tungumálakóða.

Tungumálatenglar eru alltaf settir neðst á síðuna. Ef um snið er um að ræða eru tungumálatenglar alltaf settir á milli <noinclude> </noinclude> til að forðast að tungumálatenglarnir birtist á þeim síðum sem sniðin eru notuð á.

Einnig er hægt að merkja gæða- og úrvalsgreinar á öðrum tungumálum. Þetta er gert með sniðunum {{Tengill ÚG}} og {{Tengill GG}} á þennan hátt:

• {{Tengill ÚG|tungumálakóði}} merkir grein sem úrvalsgrein
• {{Tengill GG|tungumálakóði}} merkir grein sem gæðagrein.

Ábendingar

• Þegar þú vinnur að síðu, athugaðu hvort hún sé til á öðru tungumáli (til dæmis sænsku, dönsku, norsku eða ensku) og búðu til tengil þangað.
• Settu fram tengil til baka á íslensku síðunna.

Ábending um breytingarágrip

Þegar þú breytir tungumálatenglum, þá væri best að þú tilgreinir í breytingarágripinu hver breytingin er. Gott er að setja plús (+) fyrir þau tungumál sem þú bætir við og mínus (-) fyrir þau tungumál sem þú fjarlægir, ásamt tungumálakóðum þeirra. Til dæmis ef þú myndir fjarlægja tengil á enska síðu og bæta við tengili á danska síðu þá myndi breytingarágripið vera: -en, +da.

Aðrir tenglar

• Ef að tengilinn á að birtast í greininni sjálfri, þá getur þú sett tvípunkt strax á eftir hornklofanum. Til dæmis þá myndi tengill á grein um Epli á ensku wikipediu vera [[:en:Apple]]
• Það sama gildir einnig um tengla á önnur nafnrými. Til dæmis myndi tengill á flokkinn tónlist sem ætti að birtast á síðunni vera [[:Flokkur:Tónlist]].
• Einnig er hægt að tengja á önnur verkefni. Til dæmis myndi tengill á orðið Epli á wikiorðabók vera [[:wiktionary:is:epli]].