Hryggleysingjar

Hryggleysingjar (latínu Invertebrata) er flokkur dýra sem hefur ekki hryggjarsúlu og hafa flestar þeirra í staðinn svokallaða ytri stoðgrind. Hryggleysingjar mynda langstærstan hluta dýraríkisins; um eða yfir 95%. Flokkurinn er ekki notaður í nútíma vísindalegri flokkun.^{[heimild vantar]}

• 
  Marglyttur
• 
  Liðdýr
• 
  Liðormar
• 
  Sniglar

Fylkingar og ættir

Liðdýr

Aðalgrein: Liðdýr

Liðdýr er stærsta fylking dýra, og einkennast af liðskiptum líkama og ytri stoðgrind. Nokkrar ættir af liðdýrum eru skordýr, áttfætlur og krabbadýr.

Lindýr

Aðalgrein: Lindýr

Lindýr er ein fjölbreyttasta fylking hryggleysingja, og eiga þau öll sameiginlegt að hafa mjúkan líkama, og flest þeirra hafa einhverskonar kalkskel. Nokkrar ættir af lindýrum eru sniglar, samlokur, smokkar og nökkvar.

Holdýr

Aðalgrein: Holdýr

Holdýr er fylking einfaldra dýra sem finnast aðalega í sjó, og einkenni þess er að þau hafa aðeins eitt meltingarop. Nokkrar ættir af holdýrum eru kórallar, sæfíflar og marglyttur.

Svampdýr

Aðalgrein: Svampdýr

Svampdýrin eru elstu fjölfrumungarnir sem lifa á jörðinni og eru lifnaðarhættir og líkamsgerð þeirra mjög einföld. Þeir festa sig við undirlag í vatni og treysta á strauma til að færa sér æti.

Flögudýr

Aðalgrein: Flögudýr

Flögudýr er fylking sjávardýra sem lifa sjálfstæðu lífi en ekki sem sníkjudýr.

Ormar

Aðalgrein: Ormar

Ormar hafa sívalningslaga búk og enga útlimi. Nokkrar ættir af ormum eru liðormar, ranaormar, þráðormar og flatormar.

Skrápdýr

Aðalgrein: Skrápdýr

Skrápdýr draga nafn sitt af kalkflögum á húð þeirra sem geta myndað samfelda skel.

Mosadýr

Aðalgrein: Mosadýr

Mosadýr er fylking hryggleysingja sem lifa í vatni, og nærast á fæðuögnum sem þau sía frá með kórónu af örmum og bifhárum. Á meðal mosadýra má nefna stilkorma.

Klóberar

Aðalgrein: Klóberar

Klóberar (einnig kölluð flauelsdýr) eiga sér líklega liðskipta ættfeður en hafa tapað liðskiptingunni fyrir utan á höfði.

Tengt efni

• Hryggdýr