Skoða frumkóða fyrir Hollenska

{{tungumál|nafn=Hollenska|nafn2=Nederlands
|ættarlitur=Indóevrópskt
|ríki=[[Holland]]i, [[Belgía|Belgíu]], [[Súrínam]], [[Arúba]], [[Hollensku Antillaeyjar|Hollensku Antillaeyjum]], [[Indónesía|Indónesíu]]
|svæði=[[Vestur-Evrópa]], hlutar [[Suður-Ameríka|Suður-Ameríku]] og [[Austur-Asía|Austur-Asíu]]
|talendur=23 milljónir
|sæti=37
|ætt=[[Indóevrópsk tungumál|Indóevrópskt]]<br />
&nbsp;[[Germönsk tungumál|Germanskt]]<br />
&nbsp;&nbsp;[[Vesturgermönsk tungumál|Vesturgermanskt]]<br />
&nbsp;&nbsp;&nbsp;[[Lágþýsk tungumál|Lágþýskt]]<br />
&nbsp;&nbsp;&nbsp;&nbsp;[[Lágfrankísk tungumál|Lágfrankískt]]<br />
&nbsp;&nbsp;&nbsp;&nbsp;&nbsp;'''Hollenska'''
|þjóð={{ABW}} [[Arúba]]<br />{{BEL}} [[Belgía|Belgíu]]<br />{{ESB}} [[Evrópusambandið|Evrópusambandsins]]<br />{{NLD}} [[Holland]]s<br />{{ANT}} [[Hollensku Antillaeyjar|Hollensku Antillaeyja]]<br />{{SUR}} [[Súrínam]]
|stafróf=Latneska stafrófið (hollensk útgáfa)
|stýrt af=Nederlandse Taalunie<br />([[Hollensk málstöð]])
|iso1=nl|iso2=dut (B), nld (T)|iso3=nld|sil=}}
<onlyinclude>
'''Hollenska''' (''Nederlands''; {{framburður|Nl-Nederlands.ogg}}), er [[Lágþýsk tungumál|lágþýskt]] [[tungumál]] sem talað er af u.þ.b. 24 milljónum manna, aðallega í [[Holland]]i og [[Belgía|Belgíu]]. Þær hollensku [[Mállýska|mállýskur]] sem talaðar eru í Belgíu eru stundum kallaðar [[flæmska]]. Hollenska er stundum í daglegu tali kölluð ''Hollands'' í heimalandinu, en sú orðnotkun fer minnkandi.
</onlyinclude>
[[File:WIKITONGUES- Eva speaking Dutch.webm|thumb|280px|Hollenska]]

== Saga ==
[[Vesturgermönsk tungumál|Vesturgermönskum málum]] má skipta eftir þjóðflokkum (í [[Frísneska|frísnesku]], [[Saxneska|saxnesku]], [[Frankíska|frankversku]], [[Bæverska|bæversku]] og [[Svæfska|svæfsku]]), og eftir því hversu mikills áhrifa [[Háþýska samhljóðabreytingin|háþýsku samhljóðabreytingarinnar]] gætir í þeim. Hin staðlaða nútímahollenska er að miklu leyti komin úr [[Lágfrankísk tungumál|lágfrankverskum]] mállýskum sem talaðar voru í [[Niðurlönd]]um sem höfðu sérstöðu eigi síðar en [[600]] e. Kr.

Fornt handritsbrot á hollensku segir: ''„Hebban olla vogala nestas hagunnan, hinase hic enda tu, wat unbidan we nu“'' („Allir fuglar hafa hafist handa við að byggja hreiður, nema ég og þú, hvers bíðum við nú“). Handritið var skrifað um [[1100]] af flæmskum [[Munkur|munki]] í [[Klaustur|nunnuklaustri]] í [[Rochester í Kent|Rochester]] á [[England]]i. Lengi vel var litið á þessa setningu sem elsta dæmi um ritaða hollensku, en síðan hafa fundist enn eldri brot eins og ''„Visc flot aftar themo uuatare“'' („Fiskur synti í vatninu“) og ''„Gelobistu in got alamehtigan fadaer“'' („Trúirðu á Guð, almáttugan föður“). Það síðarnefnda var skrifað um [[900]]. Prófessor Luc de Grauwe frá [[Háskólinn í Gent|Gent-háskóla]] efast þó um að þarna sé um hollensku að ræða, og telur að á ferðinni sé [[fornenska]], svo að enn eru deilur um þessi handrit.<br clear="all" />{{Breið mynd|Hebban.jpg|639px|''Hebban olla vogala''-handritsbrotið.}}<br clear="all" />
Samræming tungumálsins hófst á [[Miðaldir|miðöldum]], einkum undir áhrifum [[búrgúndí]]sku greifahirðarinnar í Dijon (Brussel eftir [[1477]]). Flæmskar og [[brabant]]skar mállýskur voru um þær mundir áhrifamestar. Á [[16. öld]] jókst samræmingin enn frekar, og hafði borgarmállýska [[Antwerpen]] þá mest áhrif. Árið [[1585]] féll Antwerpen í hendur [[Spánn|Spánverja]], og flúðu þá margir til héraðsins [[Holland (hérað)|Hollands]], en innflytjendurnir höfðu mikil áhrif á þéttbýlismállýskur svæðisins. Árið [[1637]] var tekið mikilvægt skref í átt að samræmdri tungu,<ref>{{cite web |url=http://www.ccjk.com/dutch-full-historical-junk/ |title=Dutch & Other Languages |publisher=Ccjk.com |accessdate=August 12, 2015}}</ref> þegar út kom fyrsta stóra hollenska [[biblíuþýðing]]in sem fólk þvert yfir [[Sameinuðu héröðin]] skildi. Þýðingin var byggð á ýmsum (jafnvel lágþýskum) mállýskum, en þó aðallega á þéttbýlismállýskum Hollands.<ref>{{cite web |url=http://taal.phileon.nl/brabants.php |title=Taal in Nederland .:. Brabants |publisher=Taal.phileon.nl |accessdate=June 11, 2014 |archive-date=júní 19, 2014 |archive-url=https://web.archive.org/web/20140619102750/http://taal.phileon.nl/brabants.php |url-status=dead }}</ref>

:''Sjá einnig: [[Hollenskar bókmenntir]]''

=== Nafngiftir ===
Frumgermanska orðið *''theodisk'' (sbr. stofnin „þjóð“, þ.e. „fólksins“ eða „tungumál fólksins“, andstætt opinberu eða vísindamáli, sem var [[latína]], síðar [[franska]]) hefur í [[Þýska|nútímaþýsku]] orðið að ''deutsch'' („þýskur“). Í hollensku hefur það þróast í tvö form: ''duits'' („þýskur“) og ''diets'' (þýddi u.þ.b. niðurlenskur/hollenskur, en er fallið úr almennri notkun). Enska orðið ''Dutch'' er af sama uppruna og merkti fyrst „þýskur“ (náði þá yfir öll málsvæði há- og lágþýskra mála, m.a. hollensku, s.s. allt [[Þýskaland]], [[Holland]], [[Belgía|Belgíu]], [[Austurríki]], [[Sviss]], o.s.frv.), en fór í byrjun [[17. öldin|17. aldar]] að merkja einungis „hollenskur“ eða „hollenska“. Nokkur dæmi um eldri merkingu orðsins:

* [[William Caxton]] (c. 1422–1491) skrifaði árið [[1490]] í inngang sinn að ''Aeneids'' að gamall enskur texti væri líkari ''Dutche'' en ensku. Í glósum sínum gerir próf. W. F. Bolton það ljóst að orðið merkir „þýska“ í mjög víðri merkingu frekar en „hollenska“.

* ''Cosmography in four books containing the Chronography and History of the whole world'' eftir Peter Heylyn, annað bindi (London, [[1677]]: 154) segir m.a. „…the Dutch all call Leibnitz“, og bætir við að ''Dutch'' sé töluð í hlutum Ungverjalands við landamæri Þýskalands.

* Fram til dagsins í dag hafa afkomendur þýskra innflytjenda í [[Pennsylvanía|Pennsylvaníu]] verið kallaðir [[Pennsylvaníuþjóðverjar|''Pennsylvania Dutch'']].

Orðið *''theodisk'' er einnig uppruni íslensku orðanna „þjóðverji“, „þýskur“ og „þýska“ (*''theodisk'' > *þjóðiskr > þýðskr > þýzk(u)r > þýskur), og einnig [[ítalska]] orðsins ''tedesco'' („þýskur“, „þýska“).

== Flokkun og skyldleiki við önnur mál ==
Hollenska er [[Germönsk tungumál|germanskt tungumál]], nánar tiltekið [[Vesturgermönsk mál|vesturgermanskt]]. Vegna þess að hún varð ekki fyrir [[Háþýska samhljóðabreytingin|háþýsku samhljóðabreytingunni]]<ref group="n">Friedrich Maurer uses the term ''[[Istvaeones|Istvaeonic]]'' instead of Franconian; see Friedrich Maurer (1942), ''Nordgermanen und Alemannen: Studien zur germanischen und frühdeutschen Sprachgeschichte, Stammes- und Volkskunde'', Bern: Verlag Francke.</ref> (að undanskildu þ→d) er hún stundum flokkuð sem [[lágþýsk tungumál|lágþýskt mál]], og reyndar er hún skyldust lágþýsku mállýskunum í norðanverðu Þýskalandi. Í raun breytast mállýskurnar smátt og smátt úr lágþýskum í hollenskar, mörkin þar á milli eru óskýr, og lágfrankísku sveitamállýskurnar neðarlega í Rínardalnum eru mikið líkari hollensku en ríkisþýsku. Skipting vesturgermönsku málanna í lág og há á þennan hátt hylur hins vegar þá staðreynd að hollenska er skyldari ríkis(há)þýsku en ensku.

Hollensku svipar til þýsku málfræðilega, t.d. setningafræðin og sagnbeygingarnar (sjá [[germönsk veik sögn]] og [[vesturgermönsk sterk sögn]]). Berið t.d. saman:

:''De kleinste kameleon is maar (slechts) 2 cm groot, de grootste kan wel 80 cm worden.'' (hollenska)

:''Das kleinste Chamäleon ist nur 2 cm groß, das größte kann auch 80 cm erreichen.'' (þýska)

Með ögn óalgengara orðalagi má fá fram skyldari orð í þýskunni:

:''Der kleinste Chamäleon ist nur (schlechthin) 2 cm groß, der größte kann wohl 80 cm werden.'' (óalgengari þýska)

(Útleggst á íslensku sem „Minnsta kameljónið er aðeins 2 cm langt, það stærsta getur náð 80 cm [að lengd].“)

Frekari dæmi um náinn skyldleika hollensku og þýsku:

:''Op de berg staat een klein huisje'' (hollenska) - ''Auf dem Berg steht ein kleines Häuschen'' (þýska) 

(á íslensku: Á fjallinu stendur lítið hús.)

:''In de stad leven veel mensen'' (hollenska) - ''In der Stadt leben viele Menschen'' (þýska)

(á íslensku: Í bænum býr margt fólkt.)

Sums staðar (nálægt landamærum Þýskalands og Hollands/Belgíu) talar fólk bæði þýsku og hollensku. Flestir Hollendingar geta lesið þýsku, og þýskumælandi fólk sem einnig kann ensku getur vanalega skilið ritaða hollensku þótt því finnist talmálið mjög skrýtið.

Hollenska hefur enn fallbeygingu, en hún er nánst takmörkuð við fornöfn og föst orðasambönd og hefur að öðru leyti dottið að mestu úr málinu. Tæknilega er enn gerður greinarmunur á málfræðilegu karl- og kvenkyni, en í reynd má segja að nú séu aðeins tvö málfræðileg kyn í hollensku, hvorugkyn (ákv. gr. ''het'') og samkyn (ákv. gr. ''de''), líkt og í [[Danska|dönsku]]. Beygingakerfi nafnorða og sambanda þeirra hefur verið einfaldað til muna, og líkist fremur því enska en því þýska.

Upprunaleg hollensk orð (þ.e. orð sem ekki eru tökuorð) koma úr sameiginlegum vesturgermönskum grunni, og með tilliti til hljóðbreytinga standa þau einhvers staðar á milli ensku og þýsku. Í töflunni hér að neðan má sjá samanburð þessara mála. Íslenska er nokkuð fjarskyldari ([[Norðurgermönsk mál|norðurgermanskt]], en er engu að síður höfð með til samanburðar og skilningsauka).

{| class="wikitable"
! Íslenska
! Enska
! Hollenska
! Þýska
! Athuga&shy;semd
|-----
| eta<br />köttur<br />tún || eat<br />cat<br />town (bær) || eten<br />kat<br />tuin (garður) || essen<br />Katze<br />Zaun (girðing) || Íslenska, enska og hollenska hafa haldið germönsku t; í þýsku hefur orðið breytingin t→s/z/tz
|-
| epli<br />pípa<br />þorp || apple<br />pipe<br />(Scun)&shy;thorpe || appel<br />pijp<br />dorp||Apfel<br />Pfeife<br />Dorf || Íslenska, enska og hollenska hafa haldið germönsku p; í þýsku hefur orðið breytingin p→f/pf
|-
| þenkja<br />bróðir<br />þorn || think<br />brother<br />thorn || denken<br />broer<br />doorn|| denken<br />Bruder<br />Dorn || Íslenska og enska hefur haldið germönsku þ; í hollensku hefur, eins og í þýsku, orðið breytingin þ→d
|-
|(í gær)<br />garn<br />dagur || yester&shy;day<br />yarn<br />day||gisteren<br />garen<br />dag||gestern<br />Garn<br />Tag || Í hollensku hefur germanskt g breyst í raddaða önghljóðið /ɣ/ (hefur síðan færst aftar í munninum í mörgum mállýskum), en g haldist í stafsetning&shy;unni, og líkist því sjónrænt þýsku; í ensku hefur orðið breytingin g→y
|-----
|}

Jafnvel þegar hollenska lítur svipað út og þýska, getur [[framburður]]inn þó verið töluvert ólíkur. Þetta gildir sér í lagi um [[Tvíhljóði|tvíhljóðana]] og stafinn g, sem er borinn fram svipað ch í svissneskri þýsku. Framburðinum er erfitt að ná fyrir ensku- og þýskumælandi fólk, þó að um frekar skyld mál sé að ræða, en kokhljóðin og tvíhljóðin reynast mörgum erfiðust. Þýskumælandi fólk virðist þá hafa visst málfræðilegt forskot. Auðveldast er fyrir Norður-Þjóðverja að læra málið, en þó er framburðurinn áfram nokkurt vandamál. Hollenska er yfirleitt ekki á námsskrá þýskra skóla, nema sums staðar rétt við landamærin, t.d. í [[Aachen]] eða [[Oldenburg]].

== Landfræðileg dreifing ==
Hollenska er töluð af flestum íbúum [[Holland]]s. Hún er einnig töluð af flestum í hinum [[Flæmingjaland|flæmska]] norðurhluta [[Belgía|Belgíu]], að undanskilinni [[Brussel]], en þar er hollenska í minnihluta (ca. 10%) og [[franska]] er móðurmál flestra. Nyrst í Frakklandi eru minnihlutahópar sem tala hollensku, en málið er þar oftast kallað ''Vlemsch''. Á [[Karíbahaf|karabísku]] eyjunum [[Arúba]] og [[Hollensku Antillaeyjar|Hollensku Antillaeyjum]] er töluð hollenska, en ekki eins mikið og [[papiamento]]. Hollenska er einnig töluð í [[Súrínam]] og af sumum í [[Indónesía|Indónesíu]]. Í [[Suður-Afríka|Suður-Afríku]] og [[Namibía|Namibíu]] er töluð [[afríkanska]], en hún er náskyld hollensku og er komin af máli hollenskra innflytjenda á [[17. öldin|17.]] og [[18. öld]].

=== Opinber staða ===
Hollenska er [[opinbert tungumál]] Hollands, Belgíu, Evrópusambandsins<ref>{{Cite web |url=https://europa.eu/european-union/about-eu/eu-languages_en |title=EU languages |website=European Union |access-date=2019-10-20}}</ref>, Súrínam, Arúba og Hollensku Antillaeyja. Hollensk, flæmsk og súrínömsk yfirvöld stjórna saman opinberu formi málsins í [[Hollensk málstöð|Hollenskri málstöð]] (''Nederlandse Taalunie''). Afrikaans er opinbert mál í Suður-Afríku. Á [[Nýja-Sjáland]]i segja 0,7% að heimilismál þeirra sé hollenska. Þó er þar hlutfall fólks frá Hollandi töluvert hærra, en flestir af annarri kynslóð nota frekar ensku.

''Standaardnederlands'' eða ''Algemeen Nederlands'' („Almenn hollenska“, oft stytt í AN) er hið staðlaða mál sem kennt er í skólum og notað af yfirvöldum í Hollandi, Flæmingjalandi, Súrínam og Hollensku Antillaeyjum. Hollensk málstöð ákveður hvað skuli teljast AN og hvað ekki, t.d. hvað varðar stafsetningu. Hugtakið ''Algemeen Nederlands'' var tekið upp í stað hins eldra heitis ''Algemeen Beschaafd Nederlands'' („Almenn siðmenntuð hollenska“, ABN) þegar það var ekki lengur talið viðeigandi vegna þess að það gaf í skyn að þeir sem ekki töluðu ABN væru ósiðmenntaðir.

=== Mállýskur ===
[[Flæmska]] er hugtak sem oft er notað yfir þær hollensku mállýskur sem talaðar eru í Belgíu. Flæmska er ekki sérstakt tungumál (þó er hugtakið oft notað til að greina á milli ritstaðals Hollands og Belgíu), enda eru mállýskurnar í Belgíu ekkert skyldari hver annarri en hollenskum mállýskum. Ritstaðallinn er örlítið ólíkur í Hollandi og Belgíu: Flæmingjar nota frekar eldri myndir orða og framburðurinn er oft talinn „mýkri“ en í Hollandi, en það finnst sumum Hollendingum hljóma undarlega eða gamaldags. Aftur á móti líta Belgar á hollenska hollensku sem harðari og kokmæltari; sumum þeirra finnst hún of kraftmikil, óvinsamleg, og jafnvel dálítið hrokafull. Bera mætti þennan mun saman við muninn á breskri og bandarískri ensku, sem nota örlítið mismunandi orðaforða þótt bæði formin séu opinberlega rétt hvort á sínum stað. Hins vegar er bandarísk enska af sumum talin fátæklegri afleiða enskunnar, en hollenska og flæmska eru að þessu leyti sögulega jafnar.

== Heimildir ==
{{wpheimild|tungumál= en|titill= Dutch language|mánuðurskoðað= 20. janúar|árskoðað= 2006 }}
<references />

== Neðanmálsgreinar ==
<references group="n" />

== Tengt efni ==
* [[Bargoens]]
* [[Hollensk málfræði]]
* [[Hollensk stafsetning]]
* [[Hollenskar bókmenntir]]

== Tenglar ==
{{Wikibækur|Hollenska|Hollensku}}
<font size="+1">'''[[:nl:Hoofdpagina|Wikipedia á hollensku]]'''</font><p>
[http://is.wikibooks.org/wiki/Hollenska Wikibók um hollensku á íslensku]<br />
[[wikibooks:Dutch|Wikibók um hollensku á ensku]]<p>
{{commons|Dutch pronunciation|hollenskum framburði}}
* [http://www.linguasphere.net/secure/ip/pdf/zones/52.pdf Linguasphere um mállýskur hollensku og annarra mála] {{Webarchive|url=https://web.archive.org/web/20051213200641/http://www.linguasphere.net/secure/ip/pdf/zones/52.pdf |date=2005-12-13 }}
* [http://www.learnonline.nl Online Nederlands leren]
* [http://www.leren.nl/rubriek/talen/nederlands/learn_dutch/ Lærið hollensku] {{Webarchive|url=https://web.archive.org/web/20070927223723/http://www.leren.nl/rubriek/talen/nederlands/learn_dutch/ |date=2007-09-27 }}
* [http://www.ned.univie.ac.at/publicaties/taalgeschiedenis/en/ Saga hollensks máls] {{Webarchive|url=https://web.archive.org/web/20051201061656/http://www.ned.univie.ac.at/publicaties/taalgeschiedenis/en/ |date=2005-12-01 }}
* [http://www.taalunie.org/ Nederlandse Taalunie] (Hollensk málstöð — á hollensku)
* [http://www.forbeginners.info/dutch/ Dutch for Beginners] {{Webarchive|url=https://web.archive.org/web/20051201023636/http://www.forbeginners.info/dutch/ |date=2005-12-01 }} (Inngangur að hollenskri málfræði og orðaforða)
* [http://oase.uci.kun.nl/~ans/ Algemene Nederlandse Spraakkunst] {{Webarchive|url=https://web.archive.org/web/20070512125701/http://oase.uci.kun.nl/~ans/ |date=2007-05-12 }} (Almenn hollensk málfræði – á hollensku)
* [http://www.dutchgrammar.com/ Online Dutch Grammar Course] (Hollensk málfræði – á ensku)
* [http://www.sprachprofi.de.vu/english/nl.htm Ókeypis kennsluefni á netinu] {{Webarchive|url=https://web.archive.org/web/20040203102855/http://www.sprachprofi.de.vu/english/nl.htm |date=2004-02-03 }}
* [http://www.ethnologue.com/show_language.asp?code=nld Skýrsla Ethnologue um hollensku]
* [http://www.uoc.es/euromosaic/web/document/neerlandes/an/i1/i1.html Euromosaic - Flemish in France] - Staða hollensku í Frakklandi
* [http://www.phon.ucl.ac.uk/home/sampa/dutch.htm Sampa fyrir hollensku]
* [http://language-directory.50webs.com/languages/dutch.htm Listi yfir efni tengt hollensku á netinu]
* [http://www.ielanguages.com/dutch.html Dutch Language Tutorial á ielanguages.com]
* [https://web.archive.org/web/20051129020005/http://homepage.mac.com/schuffelen/index.html Hollenskur framburður]
* [http://www.loecsen.com/travel/discover_pop.php?lang=en&to_lang=25&learn-Dutch/ Lærið og hlustið á gagnlega frasa á hollensku] – Hver frasi er settur fram með hljóðupptöku og skýringarmynd
* [http://www.ucl.ac.uk/dutch/grammatica/ University College London Department of Dutch] {{Webarchive|url=https://web.archive.org/web/20060619133619/http://www.ucl.ac.uk/dutch/grammatica/ |date=2006-06-19 }} (málfræði)

=== Orðabækur ===
* [http://nl.wiktionary.org/ WikiWoordenboek, hollenska wikiorðabókin]
* [http://www.dicts.info/dictlist1.php?k1=25 Ókeypis hollenskar netorðabækur]
* [http://blackorwhite.nl/woordenboek/ Online Nederlands Woordenboek]
* [http://www.majstro.com/Web/Majstro/taleninfo/dut_en.php Majstro hollensk-ensk-hollensk netorðabók]
* [http://lookwayup.com/free/DutchEnglishDictionary.htm Lookwayup ensk-hollensk-ensk orðabók]
* [http://www.freedict.com/onldict/dut.html Freedict ensk-hollensk-ensk orðabók]
* [http://dictionaries.travlang.com/DutchEnglish/ Travlang hollensk-ensk orðabók] {{Webarchive|url=https://web.archive.org/web/20051204062624/http://dictionaries.travlang.com/DutchEnglish/ |date=2005-12-04 }}
* [http://www.euroglotonline.nl/ Euroglot] (þýðingarorðabók)
* [http://www.vandale.nl/ Van Dale] (orðabók – á hollensku)
* [http://www.woorden-boek.nl/ Woorden-Boek] (orðabók – á hollensku)
* [http://www.notam02.no/~hcholm/altlang/ht/Dutch.html Hollensk slangurorðabók]
* [http://www.websters-online-dictionary.org/definition/Flemish-english/ Flæmsk-ensk orðabók] {{Webarchive|url=https://web.archive.org/web/20120223164907/http://www.websters-online-dictionary.org/ |date=2012-02-23 }}: frá [http://www.websters-online-dictionary.org Webster's Online Dictionary] {{Webarchive|url=https://web.archive.org/web/20120223164907/http://www.websters-online-dictionary.org/ |date=2012-02-23 }} – Rosetta Edition.
* [http://www.websters-online-dictionary.org/definition/Dutch-english/ Hollensk-ensk orðabók] {{Webarchive|url=https://web.archive.org/web/20131029200902/http://www.websters-online-dictionary.org/ |date=2013-10-29 }}: frá [http://www.websters-online-dictionary.org Webster's Online Dictionary] {{Webarchive|url=https://web.archive.org/web/20120223164907/http://www.websters-online-dictionary.org/ |date=2012-02-23 }} – Rosetta Edition.
* [http://www.woc.science.ru.nl/ Lífefnafræðiorðabók á hollensku] {{Webarchive|url=https://web.archive.org/web/20050913062710/http://www.woc.science.ru.nl/ |date=2005-09-13 }}
* [http://www.woordenboekjes.nl/ Þýðingarorðabækur úr hollensku í önnur mál] {{Webarchive|url=https://web.archive.org/web/20060118020101/http://www.woordenboekjes.nl/ |date=2006-01-18 }}

{{Gæðagrein}}

[[Flokkur:Hollenska| ]]
[[Flokkur:Tungumál Belgíu]]
[[Flokkur:Tungumál Hollands]]
[[Flokkur:Lággermönsk tungumál]]