Suður-Ameríkukeppni karla í knattspyrnu 2024

Suður-Ameríkukeppni karla í knattspyrnu 2024 eða 2024 Copa América verður 48. Copa América-keppnin og fer fram í Bandaríkjunum dagana 20. júní til 14. júlí 2024. Hún mun innihalda öll tíu aðildarlönd COMNEBOL, Knattspyrnusambands Suður-Ameríku en einnig sex sterkustu knattspyrnuþjóðir CONCACAF, Knattspyrnusambands Norður- og Miðameríku í samræmi við samstarfssamning þeirra frá 2023. Ríkjandi Copa América-meistarar eru Argentínumenn

Val á gestgjöfum

Þrátt fyrir að Copa América hafi til 2023 einungis talsið Suður-Ameríkukeppni er löng hefð fyrir gestaþjóðum til að halda uppi fjölda keppnisliða. Árið 2016 var ákveðið að halda sérstakt 100 ára afmælismót í keppninnar í Bandaríkjunum, þótt reglubundin keppni hefði farið fram einungis einu ári fyrr, í Síle. Vinsældir þeirrar keppni og öflugir innviðir Bandaríkjanna kveikti áhugann á að koma samstarfinu á fastara form.

Samkvæmt viðmiðunarreglum COMNEBOL var komið að Ekvador að halda mótið að þessu sinni, en eftir að endanlega varð ljóst í árslok 2022 að landið myndi ekki treysta sér í það hlutverk var í skyndi leitað annarra leiða. Perú og Bandaríkin lýstu áhuga og varð síðarnefnda landið fyrir valinu.

Frá lokum seinni heimsstyrjaldarinnar hefur Copa América ætíð farið fram á oddatöluárum og því hvorki rekist á við heimsmeistaramót eða Evrópukeppnir í knattspyrnu. Tregða evrópskra félagsliða til að hleypa leikmönnum sínum á mótið varð til þess að ákveðið var að færa það til og halda á sama tíma og Evrópumótið. Því stóð til að halda Copa América árið 2020 en hnika þurfti því til um eitt ár vegna COVID-faraldursins líkt og EM 2020.

Þátttökulið

Suður-Ameríka (10):

• Argentína
• Bólivía
• Brasilía
• Ekvador

• Kólumbía
• Paragvæ
• Perú

• Síle
• Úrúgvæ
• Venesúela

Norður-og Miðameríka (6):

• Bandaríkin (gestgjafar)
• Jamaíka

• Mexíkó
• Panama

• Kanada
• Kosta Ríka

Keppnin

A-riðill

Sæti		Lið	L	U	J	T	Sk	Fe	Mm	Stig
1		Argentína	0	0	0	0	0	0	0	0
2		Perú	0	0	0	0	0	0	0	0
3		Síle	0	0	0	0	0	0	0	0
4		Kanada	0	0	0	0	0	0	0	0

B-riðill

Sæti		Lið	L	U	J	T	Sk	Fe	Mm	Stig
1		Mexíkó	0	0	0	0	0	0	0	0
2		Ekvador	0	0	0	0	0	0	0	0
3		Venesúela	0	0	0	0	0	0	0	0
4		Jamaíka	0	0	0	0	0	0	0	0

C-riðill

Sæti		Lið	L	U	J	T	Sk	Fe	Mm	Stig
1		Bandaríkin	0	0	0	0	0	0	0	0
2		Úrúgvæ	0	0	0	0	0	0	0	0
3		Panama	0	0	0	0	0	0	0	0
4		Bólivía	0	0	0	0	0	0	0	0

D-riðill

Sæti		Lið	L	U	J	T	Sk	Fe	Mm	Stig
1		Brasilía	0	0	0	0	0	0	0	0
2		Kólumbía	0	0	0	0	0	0	0	0
3		Paragvæ	0	0	0	0	0	0	0	0
4		Kosta Ríka	0	0	0	0	0	0	0	0