Rosalind Hursthouse

Úr Wikipediu, frjálsa alfræðiritinu
Stökkva á: flakk, leita
Vestræn heimspeki
Heimspeki 20. aldar,
Heimspeki 21. aldar
Nafn: Rosalind Hursthouse
Fædd/ur: 1943
Skóli/hefð: Rökgreiningarheimspeki
Helstu ritverk: On Virtue Ethics
Helstu viðfangsefni: siðfræði, hugspeki
Markverðar hugmyndir: dygðasiðfræði
Áhrifavaldar: Aristóteles, G.E.M. Anscombe, Philippa Foot

Rosalind Hursthouse (fædd 1943) er siðfræðingur og einkum þekkt fyrir kenningar sínar um dygðasiðfræði í anda Aristótelesar. Hursthouse er prófessor í heimspeki við háskólann í Auckland á Nýja Sjálandi. Hún kenndi áður við Open University í Bretlandi, University of California at Los Angeles í Bandaríkjunum og víðar.

Hursthouse hlaut M.A. gráðu frá háskólanum í Auckland og doktorsgráðu frá Oxford University, þar sem hún nam hjá G.E.M. Anscombe og Philippu Foot.

Bók Hursthouse Um dygðasiðfræði (On Virtue Ethics) er ein áhrifamesta málsvörn fyrir dygðasiðfræði í nútímanum. Hursthouse hefur einnig skrifað um siðfræði dýra í ritinu Ethics, Humans and Other Animals.