Kornsnákur
Úr Wikipediu, frjálsa alfræðiritinu
| Kornsnákur | ||||||||||||||||
|---|---|---|---|---|---|---|---|---|---|---|---|---|---|---|---|---|
 |
||||||||||||||||
| Vísindaleg flokkun | ||||||||||||||||
|
||||||||||||||||
| Tvínefni | ||||||||||||||||
| Elaphe guttata Linnaeus, 1766 |
Kornsnákur (fræðiheiti: Elaphe guttata) er bandarísk tegund snáka, sem kemur úr fjölskyldu rottusnáka. Einstaklingar geta orðið allt frá 76 cm upp í 1,5 m, þó flestir verði ekki stærri en 1,2 m. Kornsnákar eru mjög harðgerðir og verða einstaklingar iðulega um 12 til 15 ára en geta orðið eldri en 25 ára.
Þeir eru skapgóðir og mjög vinsæl gæludýr alls staðar í heiminum, og hægt er að fá þá í alls konar litum. Fæða þeirra er helst lítil nagdýr og veiða þeir aðallega á kornökrum (og draga nafn sitt af því). Þeir eru helst virkir á næturna og veiða þá. Tegundin verpir eggjum og geta þau verið allt frá 5 upp í 35. Eggin eru um 60-80 daga að klekjast og verða snákarnir kynþroska um 18 mánaða til 3 ára.
