Karpatafjöll

Úr Wikipediu, frjálsa alfræðiritinu
Stökkva á: flakk, leita
Tatrafjöll innan fjallgarðsins í Póllandi

Karpatafjöll (stundum Karpatíufjöll[1]) er fjallgarður sem teygir sig frá Mið-Evrópu til Austur-Evrópu. Fjallgarðurinn er sá annar lengsti í Evrópu á eftir Skandinavíufjöllum. Karpatafjallagarðurinn er um það bil 1.500 km að lengd. Meðal dýra sem lifa í fjöllunum eru brúnbirnir, úlfar, geitir og gaupur. Flest þeirra lifa á svæðinu sem fer yfir Rúmeníu. Á fjöllunum er líka að finna um það bil þriðjung af öllum plöntutegundum í Evrópu. Auk þess eru hverir og lindir algeng í fjallgarðinum.

Karpatafjöll samanstanda af fjallgarði sem fer yfir Tékkland (3%), Slóvakíu (17%), Pólland (10%), Ungverjaland (4%), Úkraínu (11%) og Rúmeníu (53%) og þá austur yfir Dóná til Serbíu (2%). Hæstu fjöllin í fjallgarðinum eru Tatrafjöll sem standa á landamærum Póllands og Slóvakíu og eru allt að 2.600 m að hæð. Önnur stærstu fjöllin eru Austur-Karpatafjöll í Rúmeníu sem eru rúmlega 2.500 m há.

Fjallgaðurinn skiptist í þrjá hluta: Vestur-Karpatafjöll, Mið-Karpatafjöll og Austur-Karpatafjöll. Nokkrar borgar liggja við fjöllin, meðal annars Bratislava og Košice í Slóvakíu; Kraká í Póllandi; Cluj-Napoca, Sibiu, Alba Iulia og Braşov í Rúmeníu og Miskolc í Ungverjalandi.

Heimildir[breyta]

  1. http://www.mbl.is/mm/gagnasafn/grein.html?grein_id=791716 — Dæmi um notkun orðsins Karpatíufjöll
  Þessi landafræðigrein er stubbur. Þú getur hjálpað til með því að bæta við greinina.