Julian Assange
.jpg)
Julian Assange (fæddur 1971) er ástralskur blaðamaður, aðgerðasinni og tölvurefur. Assange er þekktastur fyrir það að vera talsmaður og aðalritstjóri Wikileaks.
Julian Assange fæddist í Townsville, Queensland, Ástralíu, bjó meginhluta æskuára sinna á Magnetic Island, en fluttist eftir það mjög víða um Ástralíu og nam við marga grunn- og háskóla. Hann var meðhöfundur bókarinnar Underground ásamt Suelette Dreyfus um undirheima internetsins.[1] Í undirheimum internetsins var hann þekktur undir heitinu mendax og var þekktur fyrir að geta skurkað sig inn á flóknustu öryggiskerfi heims. Ein af höfuðreglum hans, sem hann nefnir í bókinni Underground, var að skemma aldrei þau tölvukerfi sem hann brýst inn í. Í september 1991 skurkaði hann sig inná stjórnstöð kanadíska fjarskiptafyrirtækisins Nortel. Í dómsúrskurðinum segir dómarinn um ástæðu brotsins: "Það eru engar sannanir fyrir öðru en þarna væri á ferðinni þorsti fyrir þekkingu og nautnin við að geta vafrað um mismunandi tölvur". Niðurstaða dómsins var að greiða ríkinu litla upphæð í skaðabætur.[2]
Assange var handtekinn í Lundúnum þann 7. desember 2010 vegna ásakana um kynferðisbrot.[3] Hann var leystur úr haldi 16. desember 2010 gegn 240.000 punda tryggingu.[4]
Eitt og annað [breyta]
- Julian eignaðist son 18 ára gamall.
Tilvísanir [breyta]
- ↑ Profile: Wikileaks founder Julian Assange British Broadcasting Corporation. Skoðað þann 6. desember 2010
- ↑ Wikileaks and Julian Paul Assange The New Yorker. Skoðað þann 6. desember 2010
- ↑ „Assange handtekinn“, skoðað þann 9. desember 2010.
- ↑ Assange leystur úr haldi Morgunblaðið Skoðað þann 19. desember 2010
Þetta 
