Grímur Kristgeirsson
Grímur Kristgeirsson | |
|---|---|
| Fæddur | 29. september 1897 Bakkakot í Skorradal, Ísland |
| Dáinn | 19. apríl 1971 (73 ára) Reykjavík, Ísland |
| Störf | Rakari og stjórnmálamaður |
| Titill | Bæjarfulltrúi á Ísafirði |
| Kjörtímabil | 1934–1953 |
| Flokkur | Alþýðuflokkurinn |
| Maki | Svanhildur Ólafsdóttir Hjartar |
| Börn | 1 |
Grímur Kristgeirsson (f. 29. september 1897 – d. 19. apríl 1971) var íslenskur rakari og stjórnmálamaður. Hann var faðir Ólafs Ragnars Grímssonar, fyrrverandi forseta Íslands.[1]
Grímur fæddist í Bakkakoti í Skorradal. Foreldrar hans voru Kristgeir Jónsson, bóndi, og Guðný Ólafsdóttir. Árið 1920, fluttist Grímur til Ísafjarðar þar sem hann starfaði fyrst sem lögregluþjónn í fjögur ár áður en hann opnaði rakarastofu. Árið 1939 kvæntist hann Svanhildi Ólafsdóttur frá Þingeyri. Hann var bæjarfulltrúi Alþýðuflokkins á Ísafirði frá 1934 til 1953 er fjölskyldan fluttist til Reykjavíkur. Seinna starfrækti hann rakarastofu á Keflavíkurflugvelli sem hann rak til dauðadags.[1][2]
Heimildir[breyta | breyta frumkóða]
- ↑ 1,0 1,1 „Grímur Kristgeirsson“. Íslendingaþættir Tímans. 11. Ágúst 1971. bls. 8–12. Sótt 13. júlí 2023 – gegnum Tímarit.is.
- ↑ „Grímur Kristgeirsson“. Ísfirðingur. 1. maí 1971. bls. 2. Sótt 13. júlí 2023 – gegnum Tímarit.is.