Esslingen

Úr Wikipediu, frjálsa alfræðiritinu
Stökkva á: flakk, leita
Skjaldarmerki Esslingen Lega Esslingen í Þýskalandi
DEU Esslingen am Neckar COA.svg
Karte esslingen in deutschland.png
Upplýsingar
Sambandsland: Baden-Württemberg
Flatarmál: 46,43 km²
Mannfjöldi: 88.295 (31. desember 2012)
Þéttleiki byggðar: 1902/km²
Hæð yfir sjávarmáli: 241 m
Vefsíða: www.esslingen.de

Esslingen er borg í sambandslandinu Baden-Württemberg í Þýskalandi. Íbúar eru 88 þúsund. Borgin er helst þekkt fyrir margar gamlar byggingar í miðborginni.

Lega[breyta]

Esslingen liggur við ána Neckar, rétt suðaustan við Stuttgart. Borgirnar eru því sem næst samvaxnar.

Orðsifjar[breyta]

Borgin hét áður Ezelingin og Ezelingas. Það er dregið af mannanafninu Azzilo. Fullt heiti borgarinnar í dag er Esslingen am Neckar.

Skjaldarmerki[breyta]

Skjaldarmerki borgarinnar er svartur örn á gulum grunni. Örninn er merki ríkisins. Innan í honum er lítill tvílita skjöldur, grænn og rauður, með bókstöfunum C og E, en þeir standa fyrir Civitas Esslingensis, heiti borgarinnar á latnesku. Skjaldarmerki þetta kom fram 1219, en elsta mynd af því er frá 1232, reyndar bara af erninum. Litla skildinum var bætt við seinna. Bókstöfunum var bætt við á 17. öld.

Saga Esslingen[breyta]

  • 777 e.Kr. kom Esslingen fyrst við skjöl, en þá var þar klaustur.
  • 784 voru líkamsleifar píslarvottarins Vítalis fluttar til klaustursins og var það upphafið að því að Esslingen varð að pílagrímsstað.
  • 1181 gerði keisarinn Friðrik Barbarossa Esslingen að ríkisborg.
  • 1246 börðust borgarbúar með Staufen-ættinni í orrustu við Frankfurt. Það markaði 100 ára ófrið við Württemberg.
  • 1448-1454 átti borgin í stríði við greifann Ulrich V. frá Württemberg vegna tollamála.
  • 1519 átti sér stað síðasta orrustan milli Esslingen og Württemberg. Esslingen tekur að hnigna.
  • 1526 hófust siðaskiptin í borginni, en frá 1551 var borgin tvískipt milli trúarbragðanna.
  • Í 30 ára stríðinu (1618-48) dó helmingur íbúanna úr hungri eða sjúkdómum. Við friðarsamningana í Vestfalíu missti borgin fríborgarstatus sitt.
  • 1688 hertóku Frakkar (Mélac hershöfðingi) borgina í erfðastríðinu í Pfalz.
  • 1701 geysaði stórbruni í borginni sem eyddi stórum hluta hennar.
  • 1802 var borgin innlimuð í Württemberg að tilstuðlan Frakka.
  • 1845 fékk borgin járnbrautartengingu í línunni Ludwigsburg – Stuttgart – Esslingen.
  • 1918 kom til mikilla óeirða í borginni. Kommúnistar tóku þá völdin og voru ekki hraktir burt fyrr en að ári.
  • 1945 hertóku bandarískar herdeildir borgina, sem slapp við allar loftárásir. Hún varð hluti af bandaríska hernámssvæðinu.

Myndasafn[breyta]

Heimildir[breyta]