Blake Lively

Blake Lively
Lively árið 2011
Fæðingarnafn	Blake Christina Lively
Fædd(ur)	25. ágúst 1987 (1987-08-25)
Búseta	Los Angeles,Kaliforníau, USA
Helstu hlutverk
Serena van der Woodsen (Gossip Girl)

Blake Christina Lively (fædd 25. ágúst 1987) er bandarísk leikkona og fyrirsæta sem fer með hlutverk Serenu van der Woodsen í sjónvarpsþáttunum Gossip Girl. Hún hefur einnig leikið í kvikmyndum, eins og Accepted og The Sisterhood of the Traveling Pants, The Private Lives of Pippa Lee, The Town og Green Lantern

Æska

Lively fæddist í Tarzana í Los Angeles og er dóttir leikaranna Ernie og Elaine Lively.Hún var alin upp sem baptisti. Hún er yngst af fimm systkinum; hún á bróðurinn Eric, hálfsysturnar Lori og Robyn og hálfbróðurinn Jason. Báðir foreldrar hennar og öll systkini hennar hafa verið, eða eru í, skemmtanabransanum. Í æsku tóku foreldrar Lively hana alltaf með í leiklistartímana sem þau kenndu því þau vildu ekki skilja hana eftir hjá barnapíu. Lively hefur sagt að það að horfa á foreldra sína kenna leiklist hafi hjálpað henni að ná grunnatriðum leiklistarinnar og eflt sjálfstraust hennar þegar hún varð eldri. Sem barn fór Lively með móður sinni tvisvar í viku í Disneyland til að þær gætu tengst betur. Lively hefur sagt að eftir allan þann tíma sem hún hefur eytt þar, finnist henni eins og hún hafi "alist upp í Disnleylandi".

Í upphafi hafði Lively ekki mikinn áhuga á leiklist, en sumarið eftir þriðja árið í menntaskóla (e."high school") bað bróðir hennar, Eric, umboðsmanninn sinn um að senda hana í nokkrar áheyrnaprufur yfir sumartímann. Eftir nokkrar prufur fékk hún hlutverk Bridgetar í kvikmyndinni The Sisterhood of the Traveling Pants. Livley tók upp atriðin sín fyrir myndina um sumarið.

Ferill

Lively byrjaði leikferilinn 11 ára þegar hún lék í kvikmyndinni Sandman (1998) sem var leikstýrt af föður Lively. Hún lýsir hlutverkinu í kvikmyndinni sem pínulitlu. Lively birtist síðan í kvikmynd sem byggð var á bókinni Gallabuxnaklúbburinn (e. The Sisterhood of the Traveling Pants) árið 2005 sem Bridget, ein af fjórum aðalpersónum. Frammistaða Lively í myndinni gaf henni tilnefningu til Teen Choice Awards.

Árið 2006 lék hún ásamt Justin Long í Accepted en hún lék einnig lítið hlutverk í hrollvekjunni Simon Says. Á meðan Accepted fékk ekki góðar viðtökur gagnrýnenda, hlaut Lively mikið lof fyrir frammistöðu sína. Árið 2007 lék Lively annað titilhlutverkið í Elvis and Anabelle, þar sem hún lék Anabelle, stelpu sem berst við búlimíu og vonast til að vinnna fegurðarsamkeppni. Hún hlaut mikið lof fyrir frammistöðu sína og hefur verið vísað til hlutverksins sem það hlutverk sem gerði hana fræga.

Lively á frumsýningu myndarinnar The Sisterhood of the Traveling Pants 2

Lively var ráðin í sjónvarpsþáttaröðina Gossip Girl á CW-stöðinni, sem var frumsýnd í september 2007. Hún leikur Serenu van der Woodsen í unglingadramanu. Fyrsta tímaritaforsíðan hennar var nóvemberblað Cosmo Girl árið 2007 þar sem hún ræddi um menntaskólaárin og ferilinn áður en hún byrjaði að leika í Gossip Girl.

Árið 2008 endurtók Lively hlutverk sitt í framhaldsmyndinni, The Sisterhood of the Traveling Pants 2. Líkt og með fyrri myndina hlaut Lively mikið lof gagnrýnenda. Í nóvember 2009 hafði myndin halað inn yfir 44 milljónum dollara. Árið 2009 lék Lively Grabrielle DiMarco, lítið hlutverk í rómantísku gamanmyndinni New York, I Love You, sem var framhald myndarinnar Paris, je t'aime. Þrátt fyrir góða gagnrýni gekk myndinni illa í miðasölu.

Eitt af bestu hlutverkum Lively til þessa er aukahluverkið í kvikmyndinni The Private Lives of Pippa Lee (2009) þar sem hún lék aðalpersónuna á yngri árum. Í október 2009 byrjaði Lively að taka upp atriði sín sem Krista Coughlin í kvikmyndinni The Town (2010) sem var byggð á skáldsögu Chuck Hogan, Prince of Thieves. Kvikmyndin, þar sem Ben Affleck fer með aðalhlutverkið, kom út í Bandaríkjunum þann 17. september 2010 og hlaut mikið lof gagnrýnenda.

Í janúar 2010 var tilkynnt um að Lively myndi leika Carol Ferris, aðal kvenhlutverkið og ástkonu Hal Jordan í ofurhetjumyndinni Green Lantern sem kom út í júní 2011. Tekjur myndarinnar voru 220 milljónir bandaríkjadala en myndin þótti fremur misheppnuð, þrátt fyrir að ná að hala inn tekjum umfram framleiðslukostnað. Lively lék í tónlistarmyndbandi við lag The Lonely Islands, "I Just Had Sex" ásamt Jessicu Alba í desember 2010.

Lively mun næst birtast í Savages sem leikstýr er af Oliver Stone. She will next star in Oliver Stone's Savages. Lively was originally considered for the lead role in Steven Soderbergh's The Side Effects.[24] However, it was later reported Rooney Mara would replace her.[25]

Einkalíf

Blake átti í ástarsambandi við leikarann Kelly Blatz frá 2004-2007; þau tvö höfðu verið vinir síðan í æsku. Seini hluta árs 2007 byrjuðu sögusagnir um að Blake væri byrjuð með mótleikara sínum úr Gossip Girl og æskuvini, Penn Badgley. Í maí 2008 birti People Magazine myndir af þeim tveimur að kyssast í fríi í Mexíkó og eftir það urðu þau opnari um samband sitt. Lively og Badgley bundu enda á þriggja ára samband sitt um miðjan september 2010. Lively hefur einnig átt í sambandi við Leonardo DiCaprio. Þau byrjuðu saman um miðjan maí 2011 en enduðu sambandið í byrjun október 2011. Síðan þá hefur Lively átt í ástarsambandi við leikarann Ryan Reynolds.

Fyrir forsetakosningarnar 2008 sagðist Lively opinberlega styðja Barack Obama og birtist hún ásamt Penn Badgley í auglýsingu fyrir Obama.

Árið 2011 var hún á árlegum lista TIME yfir 100 áhrifamesta fólkið. AskMen útnefndu hana í efsta sæti lista síns yfir álitlegustu konur ársins 2011.

Hlutverk

Kvikmyndir

Ár	Kvikmynd	Hlutverk	Athugasemd
1998	Sandman	Trixie/Tannálfurinn	Fyrsta hlutverk
2005	The Sisterhood of the Traveling Pants	Bridget Vreeland	Aðalhlutverk
2006	Accepted	Monica Moreland
2006	Simon Says	Jenny
2007	Elvis and Anabelle	Anabelle Leigh
2008	The Sisterhood of the Traveling Pants 2	Bridget Vreeland
2009	New York, I Love You	Gabrielle DiMarco
2009	The Private Lives of Pippa Lee	Ung Pippa Lee
2010	The Town	Krista Coughlin
2011	Green Lantern	Carol Ferris
2011	Hick	Glenda
2012	Savages	Ophelia

Ár	Titill	Hlutverk	A.T.H.
2007	Gossip Girl	Serena van der Woodsen	síðan 2007 (43 þættir) Aðalhlutverk

Verðlaun

Ár	Verðlaun	Flokkur	Tilnefnd fyrir	Niðurstaða
2005	Teen Choice Award	Besta leikkona í kvikmynd	The Sisterhood of the Traveling Pants	Tilnefnd
2008	Teen Choice Award]	Besta leikkona í drama-sjónvarpsþætti	Gossip Girl	Vann
2008	Teen Choice Award	Framúrskarandi framistaða í sjónvarpsþætti	Gossip Girl	Vann
2008	Newport Beach Film Festival	Framúrskarandi frammistaða	Elvis and Anabelle	Vann
2009	Prism Awards	Besta frammistaða í drama-þætti	Gossip Girl	Tilnefnd

Heimildir

Fyrirmynd greinarinnar var „Blake Lively“ á ensku útgáfu Wikipedia. Sótt apríl 2012.