Bandalag íslenskra skáta

Úr Wikipediu, frjálsa alfræðiritinu
Stökkva á: flakk, leita
Bandalag íslenskra skáta
Skammstöfun BÍS
Stofnun 6. júní 1924
Gerð Landsamband skáta
Höfuðstöðvar Hraunbær 113, Reykjavík
Markaðsvæði Ísland
Meðlimir 1.741[1]
Móðurfélag Skátahreyfingin
Vefsíða http://www.skatar.is

Bandalag íslenskra skáta (stofnað 6. júní 1924) er landssamband skáta á Íslandi. Sambandið varð meðlimur í alþjóðlegu skátahreyfingunni 29. ágúst 1924. Sambandið rekur skátamiðstöð að Úlfljótsvatni sem hefur hýst landsmót skáta, sumarmót og sumarbúðir. Innan skátamiðstöðvarinnar er 5000 manna tjaldstæði og 10 metra klifurturn.

Saga[breyta]

Skátastarf á Íslandi hófst 1911 þegar Ingvar Ólafsson, skáti í Danmörku, undirbjó stofnun skátafélags sem varð að veruleika ári síðar undir nafninu Skátafélag Íslands. Í kjölfarið var skátafélag stofnað 23. apríl 1913 í Reykjavík, 22. maí 1917 á Akureyri og 1920 á Eyrarbakka. Tveimur árum síðar, 7. júlí var fyrsta kvenskátafélag íslands Kvenskátafélag Reykjavíkur stofnað.

6. júní 1924 var landsamband karlskáta stofnað undir nafninu Bandalag íslenskra skáta og fékk inngöngu í skátahreyfinguna sama árs. Fyrsti skátahöfðingi hennar var Axel W. Tulinus. Landsamband kvenskáta var stofnað meira en áratug síðar 23. mars 1938 undir nafninu Kvenskátasamband Íslands. Þremur árum síðar fær landsamband karlskáta jarðréttindi yfir Úlfljótsvatni.

1944 gengu skátafélög kvenskáta inn í Bandalag skáta og urðu þar með fyrsta landsamband kven- og karlskáta í heiminum.

Landsmót skáta á Íslandi[breyta]

Landsmót skáta hafa verið haldin á Íslandi síðan 1925. Landsmótin voru upphaflega haldin á fjagra ára fresti en nú eru þau haldin á þriggja ára fresti. Nýleg skátamót á íslandi eru:

Ár Staðsetning Þema
1996 Skátamiðstöðin Úlfljótsvatni Á víkingaslóð
1999 Skátamiðstöðin Úlfljótsvatni Syngdu þitt lag
2002 Hamrar, Akureyri Álfar og tröll
2005 Skátamiðstöðin Úlfljótsvatni Orka jarðarinnar
2008 Hamrar, Akureyri Á víkingaslóð
2012 Skátamiðstöðin Úlfljótsvatni Aldarafmæli skátahreyfingarinnar á Íslandi

Heimildir[breyta]

  1. „Triennal review: Census as at 1 December 2010“. World Organization of the Scout Movement. Skoðuð 13. janúar 2011.