Android

Úr Wikipediu, frjálsa alfræðiritinu
Stökkva á: flakk, leita
Android 4.4 KitKat home screen

Android er stýrikerfi fyrir snjallsíma, töflutölvur og skyld tæki sem byggir á opnum hugbúnaði og er byggt upp á breyttri útgáfu Linux kjarnans. Það samanstendur af stýrikerfinu sjálfu, miðbúnaði og helstu forritum. Google Inc. keypti Android Inc., fyrirtækið sem upphaflega vann að þróun Android stýrikerfisins árið 2005.

Greiningarfyrirtækið Canalys, greindi frá því árið 2010 að Android stýrikerfið væri söluhæsta stýrikerfi fyrir snjallsíma og tók þar fram úr Symbian stýrikerfi Nokia farsímarisans sem hefur verið það söluhæsta í tíu ár.

Android hefur utan um sig samfélag margra forritara sem hanna forrit fyrir stýrikerfið og auka þar með virkni þess. Nú eru til um 1.000.000 forrit fyrir Android. Google Play er vefverslun með forrit sem rekin er af Google en einnig er hægt að hlaða niður forritum og viðbótum fyrir Android frá öðrum aðilum. Aðallega er forritað fyrið Android stýrikerfið í forritunarmálinu Java.

Android var kynnt þann 5. nóvember 2007 samhliða stofnun Open Handset Alliance samtakanna. Það eru samtök 80 vélbúnaðarframleiðanda, hugbúnaðarframleiðanda og fjarskiptafyrirtækja sem styðja við þróun opinna staðla fyrir farsíma og skyld tæki. Google gaf Android út undir Apache-leyfinu, sem er leyfi fyrir frjálsan og opin hugbúnað.

Notkun og útbreiðsla á Android útgáfum[breyta]

Kökurit yfir notkun á Android stýrikerfum í desember 2013

Eftirfarandi tafla sýnir hlutfallslegan fjölda tækja sem tengst hafa Play Store nýlega og keyra ákveðna gerð Android stýrikerfis miðað við 2. desember 2013.[1]

Stýrikerfi Nafn stýrikerfis Útgáfudagur API level Dreifing
4.4 KitKat 31. október, 2013 19 1.1%
4.3.x Jelly Bean 24. júlí, 2013 18 4.2%
4.2.x November 13, 2012 17 12.9%
4.1.x 9. júlí , 2012 16 37.4%
4.0.3–4.0.4 Ice Cream Sandwich 16. desember, 2011 15 18.6%
3.2 Honeycomb 15. júlí, 2011 13 0.1%
2.3.3–2.3.7 Gingerbread 9. febrúar , 2011 10 24.1%
2.2 Froyo May 20, 2010 8 1.6%


Tilvísanir[breyta]

  1. „Dashboards“. Android Developers. android.com (2013-12-02). Skoðuð 2013-12-03 .