Ada Lovelace
Úr Wikipediu, frjálsa alfræðiritinu
Augusta Ada King, greifynja af Lovelace (10. desember 1815 – 27. nóvember 1852) var dóttir skáldsins Byrons lávarðar og er hún einkum þekkt fyrir að hafa skrifað lýsingu á reiknivél (analytical engine) Charles Babbage. Hún er einnig þekkt fyrir að vera „fyrsti forritarinn“, því hún gerði forrit fyrir reiknivél hans. Hefði reiknivél Charles Babbage verið smíðuð hefði forritið sem Ada skrifaði látið vélina reikna út röð Bernoulli talna. Hún sá einnig fyrir að það yrðu fleiri not fyrir svona tæki heldur en reikna tölur, en það var eini tilgangur Babbages. Með þessum rökum hefur Ada Lovelace verið kölluð fyrsti forritarinn og er forritunarmálið Ada nefnt eftir henni. Ada Lovelace og Charles Babbage unnu saman og hittust einnig á ýmsum öðrum opinberum vettvangi en ekki var um ástarsamband að ræða, eins og stundum hefur verið talið.
[breyta] Heimildir
- Ada Lovelace, skoðað þann 18 janúar, 2009,
[breyta] Tenglar
Þetta æviágrip sem tengist bókmenntum er stubbur. Þú getur hjálpað til með því að bæta við greinina.
