Árvakur
| Árvakur HF | |
| Rekstrarform | Hlutafélag |
| Stofnað | 1919 |
| Staðsetning | Hádegismóum 2, 110 Reykjavík |
| Lykilmenn | Sigurbjörn Magnússon, formaður Helga Steinunn Guðmundsdóttir Bjarni Þórður Bjarnason, Ásdís Halla Bragadóttir, Gunnar B. Dungal |
| Starfsemi | Útgáfa og eignarhald á Morgunblaðinu, Monitor, mbl.is og blog.is |
| Vefsíða | http://www.mbl.is/ |
Árvakur hf er útgáfufélag stofnað árið 1919 í Reykjavík, undir heitinu „Fjelag í Reykjavík“, og keypti það Morgunblaðið litlu síðar. Árvakur er nú alhliða frétta- og upplýsingamiðlunarfyrirtæki. Félagið gefur út Morgunblaðið, sem er útbreiddasta áskriftarblað landsins og vikublaðið Monitor sem er dreift frítt með Morgunblaðinu og víðs vegar um höfuðborgarsvæðið. Árvakur á vefmiðilinn mbl.is sem hefur, frá því hann var settur á laggirnar árið 1998, haft algera forystu í frétta- og upplýsingamiðlun á netinu. Fyrirtækið á og rekur vefsvæðið blog.is sem er fjölsóttasta íslenska bloggsvæðið. Árvakur á dótturfélagið Landsprent ehf., sem er öflugasta dagblaðaprentfyrirtæki á Íslandi og prentar auk blaða Árvakurs, Viðskiptablaðið, DV og ýmis smærri blöð. Öll starfsemi Árvakurs er til húsa að Hádegismóum 2 í Reykjavík.
Efnisyfirlit |
[breyta] Eignarhald
Árvakur er í eigu Þórsmerkur ehf. sem á 99% og Áramóta ehf. sem á 1%. Stærstu eigendur Þórsmerkur ehf. eru Hlynur A ehf. (forsv.maður Guðbjörg Matthíasdóttir) sem á 26,77%, Krossanes ehf. (forsv.maður Þorsteinn Már Baldvinsson) sem á 20,8% og Áramót ehf. (í eigu Óskars Magnússonar) sem á 20,08%.[1]
[breyta] Tengt efni
[breyta] Tilvísanir
- ↑ Upplýsingar um eignarhald á tilkynningarskyldum miðlum, skoðað þann 27. febrúar 2012.
