Wikipedia:Kynning

Úr Wikipediu, frjálsa alfræðiritinu
Stökkva á: flakk, leita
Almenn kynning
Að breyta Wikipediu
Skoðaðu Wikipediu
Námskeið

Taktu eftir „Breyta“ flipanum á sérhverri síðu. Á Wikipedia er mögulegt að breyta nær öllum síðum hvort sem þú skráir þig inn eður ei.

Hvað er Wikipedia?

Fylgdu Breyta tenglinum til að virkja breytingarham

Wikipedia er frjálst alfræðirit skrifað í samvinnu fjölmargra notenda um allan heim sem í sameiningu gera þúsundir breytinga á hverjum klukkutíma. Þær eru allar skráðar í breytingaskrá einstakra síðna, á nýlegum breytingum og á vaktlista einstakra notenda, sem kosið hafa að fylgjast með ákveðnum síðum. Fylgst er með skemmdarverkum og bulli og er slíkt yfirleitt fjarlægt fljótt.

Hvað get ég gert?

Þú getur skrifað nýjar greinar, gjarnan um íslenskt efni eða þá annað sem þér er hugleikið. Þú getur líka bætt við þær sem fyrir eru, lagað staðreyndavillur, stafsetningar- og málfræðivillur. Ekki vera hrædd(ur) við að breyta Wikipedia, alltaf er hægt að laga villur eða óæskilegar breytingar eftir á.

Það er einfalt að breyta síðu, hægt er að gera tilraunir í sandkassanum:

  1. Fylgdu „Breyta“ tenglinum til að virkja breytingarham, á þeirri síðu getur þú breytt grunntexta hennar og prófað breytingar þínar með „Forskoða“ hnappinum áður en þú vistar þær.
  2. Gefðu upp hverju var breytt í innsláttarsvæðinu merkt Breytingar:.
  3. Veldu „vista“ hnappinn til að vista breytingar þínar.

Stutt útskýring á viðmótinu

Ef þú hefur ekki skipt um útlit sjálf(ur) í stillingunum — sem er sjálfgefið ef þú hefur ekki búið þér til notanda — ættir þú að sjá dálk vinstra megin á vefnum. Þar eru tenglar á helstu umsjónarsíðurnar, hjálparsíðuna og forsíðuna. Leitin er líklegast það tól sem þú munt nota mest, gættu þess að rita orð í nefnifalli eintölu og án greinis þar sem við á (t.d. hestur frekar en hestar eða hesturinn). Einnig er vert að taka fram, að rauðir tenglar á vefnum vísa á tómar síður, ef smellt er á rauða tengla færðu sjálfkrafa upp breytingaviðmótið svo hægt sé að fylla upp í eyðuna.