Tove Jansson
Úr Wikipediu, frjálsa alfræðiritinu
Tove Jansson (9. ágúst 1914 – 27. júní 2001) var finnlandssænskur rithöfundur, listmálari og teiknari, fædd í Helsinki. Hún er þekktust fyrir bækur sínar um Múmínálfana. Starfsævi hennar náði yfir meira en 70 ár. Í bókum hennar má finna mikið af vísunum í líf hennar og sögupersónur hennar eru sumar skapaðar eftir raunverulegum persónum í lífi hennar. Tove bjó í áratugi með konu en samkynhneigð var bönnuð með lögum í heimalandi hennar þar til árið 1971. Sambýliskona hennar var leikstjórinn Vivica Bandler. Í barnabókinni Pípuhattur Galdrakarlsins sem kom út árið 1948 vefur Tove ástarsamband sitt við Vivicu inn í söguna og eru Tofslan og Vifslan (í íslensku þýðingunni Þöngull og Þrasi) gælunöfn fyrir Tove og Vivicu. Tofslan og Vifslan geyma leyndarmál í tösku, leyndarmál sem er afhjúpað í lokakafla bókarinnar.
[breyta] Heimild
Þetta æviágrip sem tengist bókmenntum og Finnlandi er stubbur. Þú getur hjálpað til með því að bæta við greinina.
