Tófukvæði

Tófukvæði er norrænt danskvæði, vikivaki eða sagnadans. „Tófa“ er hér íslenskun á kvenmannsnafninu Tove. Kvæðið er ævagamalt og er talið að Íslendingar hafi kynnst kvæðinu á kaþólskum tíma. Kvæðið birtist í kvæðabók Gissurar Sveinssonar frá 1665. Kvæðið lifði enn á vörum Íslendinga um miðja 20. öld og íslenskt þjóðlag hefur varðveist við það.

Lagið er að finna á hljómdisknum Raddir sungið af Brynjúlfi Sigurðssyni frá Starmýri í Álftafirði (Suður-Múlasýslu).