Sun Microsystems

Úr Wikipediu, frjálsa alfræðiritinu
Stökkva á: flakk, leita
Loftmynd af höfuðstöðvum Sun Microsystems

Sun Microsystems er stórt alþjóðlegt fyrirtæki sem framleiðir og selur tölvur, tölvuíhluti, hugbúnað og þjónustu á sviði upplýsingatækni. Höfuðstöðvar fyrirtækisins eru í Santa Clara í Silicon Valley í Kaliforníu.

Fyrirtækið var stofnað árið 1982 af nemendum frá Stanford-háskóla í kringum framleiðslu og sölu á Sun-1-einmenningstölvum sem notuðust við Motorola 68000-örgjörvann og voru hugsaðar fyrir CAD-vinnslu. Nafnið á fyrirtækinu var upphaflega skammstöfun fyrir Stanford University Network sem var þá Internet Stanford-háskóla. Sun-tölvurnar notuðust við Sun OS-stýrikerfið sem var Unix-útgáfa. Árið 1992 setti fyrirtækið svo stýrikerfið Solaris á markað. Um svipað leyti var Java-forritunarumhverfið þróað af Sun.

Meðal þekktustu vörulína fyrirtækisins eru SPARC-örgjörvinn, stýrikerfið Solaris, forritunarumhverfið Java, skrifstofuvöndullinn OpenOffice.org (keyptur 1999) og gagnaþjónninn MySQL (keyptur 2008).

Tenglar[breyta]

Wikimedia Commons er með margmiðlunarefni sem tengist
  Þessi fyrirtækjagrein er stubbur. Þú getur hjálpað til með því að bæta við greinina.