OpenOffice.org

Úr Wikipediu, frjálsa alfræðiritinu
Stökkva á: flakk, leita
Upphafssíða OpenOffice.org forritsins undir GNOME í Linux.

OpenOffice.org er frjáls skrifstofuhugbúnaður sem byggir á StarOffice. Forritið er ókeypis og hægt að sækja það af Internetinu án greiðslu. OpenOffice.org er til á mörgum tungumálum og fyrir ýmis stýrikerfi eins og Microsoft Windows, BSD, Unix, GNU/Linux, eComStation og Mac OS X. OpenOffice.org getur lesið og skrifað fjölda skjalasniða, þar á meðal flest skjalasnið sem Microsoft Office notar.

Saga[breyta]

Grunnurinn að OpenOffice.org var þróaður af þýska fyrirtækinu StarDivision sem var stofnað á 9. áratugnum. Aðalvara þeirra var ritvinnsluforritið StarWriter sem var fyrsti myndræni ritþórinn sem var þróaður fyrir stýrikerfið DOS. Seinna setti SD skrifstofuhugbúnaðinn StarOffice á markað en það var forritað í hlutbundnu umhverfi sem var þróað innanhúss hjá fyrirtækinu. Þetta auðveldaði þróun hugbúnaðarins fyrir ólík stýrikerfi án mikilla tilfæringa. Árið 1999 keypti Sun Microsystems StarDivision og ári síðar gáfu þeir út hluta frumkóðans undir nafninu OpenOffice.org með tvenns konar notendaleyfi; LGPL (GNU Lesser General Public License) og SISSL (Sun Industry Standard Source License). Tilgangurinn með þessu var að nýta sér kosti opinnar hugbúnaðarþróunar til þess að OpenOffice.org næði að verða raunhæfur valkostur við Microsoft Office sem þá hafði algera yfirburðastöðu á markaði. StarOffice var áfram þróað samhliða sem hefðbundinn leyfisskyldur hugbúnaður. Nokkrar lausnir sem aðrir höfðu þróað fyrir StarOffice, eins og til dæmis leiðréttingarforrit, var ekki hægt að gefa út með OpenOffice.org þar sem StarDivision átti ekki höfundaréttinn en þessar lausnir komu áfram út með StarOffice.

Eiginleikar og skjalasnið[breyta]

Hugbúnaðurinn inniheldur nokkur þétt samhæfð forrit; meðal annars ritvinnslu, töflureikni, teikniforrit, glæruforrit, gagnagrunnsviðmót og fleira. Eigið skjalasnið OpenOffice.org var upphaflega það sama og hjá StarOffice (.sd*) sem var í grundvallaratriðum XML-snið þjappað með Java Archive þjöppunarhugbúnaðinum. Síðar var þetta snið þróað áfram og kallað OpenOffice-snið (.sx*). Frá útgáfu 2.0.3 hefur OpenOffice.org notað alþjóðlega skjalastaðalinn Open Document Format (.od*) sem eigið skjalasnið.

Grunnhlutar[breyta]

Forrit Athugasemdir
OOoWriter.svg Writer Ritvinnsluforrit sem svipar til Microsoft Word og WordPerfect. Það getur vistað skjöl sem PDF-skjöl án aukabúnaðar. Það er líka hægt að nota þetta forrit til að búa til einfaldar vefsíður.
OOoCalc.svg Calc Töflureiknir sem svipar til Microsoft Excel og Lotus 1-2-3. Calc inniheldur öflugt kerfi til að breyta tölum í gröf út frá uppsetningu gagnanna í töflunni. Calc getur líka vistað sköl sem PDF-skjöl án aukabúnaðar.
OOoImpress.svg Impress Glæruforrit sem svipar til Microsoft PowerPoint og Apple Keynote. Það getur vistað skjöl sem Adobe Flash-skrár þannig að Flash-spilarar geti sýnt þau. Það styður líka vistun á PDF-sniði.
OOoBase.svg Base Gagnagrunnsstjóri sem svipar í viðmóti til Microsoft Access en styður líka nokkra algenga gagnaþjóna eins og MySQL. Með Base er hægt að búa til gagnagrunna, form til að setja inn gögn og vinna skýrslur úr gögnunum. Meðal þeirra gagnagrunnskerfa sem Base styður eru Access (JET), ODBC, MySQL og PostgreSQL auk innbyggða gagnagrunnsins. Base varð fyrst hluti af OpenOffice.org með útgáfu 2.
OOoDraw.svg Draw Draw er teikniforrit með stuðningi við flæðirit sem svipar til eldri útgáfa CorelDRAW. Hægt er að tengja saman form með línum sem flytjast til þegar formin eru færð (s.s. flæðirit). Draw styður ýmis myndasnið eins og t.d. Flash (SWF) og PDF. Það styður vistun SVG-skjala en getur ekki lesið slík skjöl inn frá öðrum forritum eins og er.
OOoMath.svg Math Formúluritill sem svipar til Microsoft Equation Editor. Hægt er að líma formúlurnar inn í önnur skjöl. Það styður fjölda leturgerða og getur líka vistað PDF-skjöl.

Hjálparforrit[breyta]

Lítið forrit fyrir Windows og Linux sem keyrir þegar kveikt er á tölvunni. Það hleður inn kjarnaskrám og aðgerðasöfnum fyrir OpenOffice.org sem gerir það að verkum að forritin ræsa hraðar en ella. Fyrirmyndin er frá Microsoft Office en nokkur aðgerðasöfn sem það notar eru flutt í vinnsluminni þegar Windows ræsir.
Þetta forrit tekur upp aðgerðir notenda og getur endurtekið þær síðar. Með því móti er hægt að búa til hnappa fyrir safn endurtekinna aðgerða með innbyggða forritunarmálinu OpenOffice.org Basic.

Afleiddur hugbúnaður[breyta]

IBM heldur úti útgáfu af OpenOffice sem kallast Lotus Symphony, en það er formsett inní Eclipse-vinnuumhverfið. Lotus Symphony fáanlegt sem ókeypis niðurhal af vef IBM.

Tenglar[breyta]

Wikimedia Commons er með margmiðlunarefni sem tengist