Stokkönd

Úr Wikipediu, frjálsa alfræðiritinu
Stokkönd
Tveir stokkandarsteggir (grænhöfðar) og ein kolla
Tveir stokkandarsteggir (grænhöfðar) og ein kolla
Ástand stofns
Ástand stofns: Í lítilli hættu
Vísindaleg flokkun
Ríki: Dýraríki (Animalia)
Fylking: Seildýr (Chordata)
Flokkur: Fuglar (Aves)
Ættbálkur: Gásfuglar (Anseriformes)
Ætt: Andaætt (Anatidae)
Undirætt: Eiginlegar endur (Anatinae)
Ættkvísl: Anas
Tegund:
A. platyrhynchos

Tvínefni
Anas platyrhynchos
Linnaeus, 1758
Anas platyrhynchos

Stokkönd (fræðiheiti: Anas platyrhynchos) er fugl af andaætt. Hún er að mestu leyti staðfugl á Íslandi. Stokkendur eru algengasta og jafnframt þekktasta andartegundin hér á landi fyrir utan æðarfugl. Stokkendur eru buslendur. Áætlað er að varpstofninn sé 10.000-15.000 pör og einhvers staðar á milli 20.000 til 40.000 fuglar dvelji hér yfir veturinn. Stokkendur eru talsvert veiddar til matar. Sennilega útbreiddasta öndin á láglendi en er sjaldgæf á hálendinu. Hefur mikla aðlögunarhæfni og er oft í nánu sambýli við manninn. Stokkandarsteggurinn er nefndur grænhöfði, og stokköndin við Mývatn er stundum kölluð stóra gráönd.

Einkenni[breyta | breyta frumkóða]

Lengd: 52 – 56 cm. | Þyngd: 710 – 1440 g. | Vænghaf: 80 – 98 cm.

Stundum er stokkönd kölluð grænhöfðaönd því blikinn er með grænan haus og mjög skrautlegur. Hann er í felubúningi júní – ágúst. Goggur karlfugls er gulgrænn með svartri nögl, goggur kvenfugls er daufgulrauður oft með flekkjum. Fætur beggja kynja eru rauðgulir og augu dökk. Kollan er hávær, garg hennar er rámt “bra-bra” steggurinn er hljóðlátur, flautar í biðilsleikjum.

Fæða[breyta | breyta frumkóða]

Ýmiss vatna- og landgróður en einnig smádýr svo sem lirfur, skeldýr og kuðungar.

Varp[breyta | breyta frumkóða]

Eru einkennandi fyrir andapolla víða um land til dæmis Tjörnina í Reykjavík. Þær halda sig við vötn og votlendi, helst kjósa þær tjarnir með sef- og starargróðri. Á veturna eru þær helst við sjóinn og einnig inn til lands þar sem ferskvatn leggur ekki. Stokkendur verpa 8-10 eggjum fyrstar anda, eða síðast í apríl og í maí. Kollan liggur ein á eggjunum sem klekjast út á 4 vikum.

Dreifing[breyta | breyta frumkóða]

Dreifingarsvæði stokkandarinnar.

Sést víða um land á veturna. Sumir hafa vetursetu á Bretlandseyjum. Algeng um allt norðurhvel jarðar.

Wikiorðabókin er með skilgreiningu á orðinu
Wikilífverur eru með efni sem tengist