Papar

Úr Wikipediu, frjálsa alfræðiritinu
Stökkva á: flakk, leita
„Papar“ getur einnig átt við hljómsveitina Papa.

Papar voru samkvæmt íslenskum sagnariturum, írskir/skotskur einsetumenn eða munkar sem settust að í eyjum og útskerjum Atlantshafsins og á Íslandi áður en að landið byggðist norrænum mönnum. Frægasta heimild um veru þeirra á Íslandi er Íslendingabók Ara fróða Þorgilssonar.

Talið er að Papar hafi verið á Íslandi fyrir landnám og verið þá aðeins nokkra mánuði í einu, frá febrúar til ágúst. Papar nefndu eyjuna Thule í sumum ritum sínum og þykir það líklegt að þeir hafi átt við Ísland, þeir sögðu Thule vera eyjuna þar sem að bjart er allan sólarhringinn að sumri en dimmt allan sólarhringinn um vetur. Íslendingabók er áreiðanlegasta heimildin um heimsóknir Papa til Íslands.

Papar eru sagðir hafa yfirgefið Ísland vegna þess að norrænir menn settust hér að „því at þeir vildu eigi vera hér við heiðna menn“ eins og segir í Íslendingabók eftir Ara Fróða. Þessir Papar hafa þá yfirgefið Ísland og farið til annara útskerja eða eyja. En enn þá hafa ekki fundist neinar fornleifar sem að benda til um heimsóknir þessara írsku munka svo að það er fátt við að styðjast nema sannleiksgildi Íslendingabókar. Nokkur örnefni, einkum suðaustanlands, tengjast pöpum, til dæmis Papey, Papós og Papbýli. Svo er kross í Heimakletti í Vestmannaeyjum sem talinn er papakross.[1]

Svo segir í Íslendingabók um Papa:

Í þann tíð var Ísland viði vaxit á milli fjalls ok fjöru. Þá váru hér menn kristnir, þeir er Norðmenn kalla Papa, en þeir fóru síðan á braut, af því at þeir vildu eigi vera hér við heiðna menn, ok létu eftir bækr írskar ok bjöllur ok bagla. Af því mátti skilja, at þeir váru menn írskir. [2].

Tilvísanir[breyta]

  1. „Papakrossinn“. Heimaslóð. Skoðuð 11. janúar 2013.
  2. „Íslendingabók“, skoðað þann 6. janúar 2008.

Tenglar[breyta]

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.